பொது செய்தி

தமிழ்நாடு

இளைஞர்களிடம் வரவேற்பு பெறும் தமிழ் நல்வாசக கைத்தறி வேட்டிகள்: தாய்மொழி தமிழ் வளர்க்கும் புது முயற்சி

Updated : பிப் 28, 2021 | Added : பிப் 28, 2021 | கருத்துகள் (1)
Share
Advertisement
தமிழ் ஆர்வத்தை அதிகரிக்கும் முயற்சியாக கைத்தறி வேட்டி கரையில் தமிழ் நல்வாசகங்கள் பிரின்ட் செய்து அணியும் புது கலாச்சாரத்திற்கு இளைஞர்களிடம் வரவேற்பு ஏற்பட்டு வருகிறது.இளைஞர்களிடம் நாகரீகம் என்ற பெயரில் உணவு, உடை, பழக்க வழக்கங்கள் மாறுகிறது. அதிகம் ஆங்கில சொற்கள் கலப்புடன் பேசுகின்றனர். உலகின் மூத்த மொழியான செம்மொழியான தமிழை பல மாணவர்கள், பட்டதாரிகள் தவறு
இளைஞர்களிடம் வரவேற்பு பெறும் தமிழ் நல்வாசக  கைத்தறி வேட்டிகள்: தாய்மொழி தமிழ் வளர்க்கும் புது முயற்சி

தமிழ் ஆர்வத்தை அதிகரிக்கும் முயற்சியாக கைத்தறி வேட்டி கரையில் தமிழ் நல்வாசகங்கள் பிரின்ட் செய்து அணியும் புது கலாச்சாரத்திற்கு இளைஞர்களிடம் வரவேற்பு ஏற்பட்டு வருகிறது.

இளைஞர்களிடம் நாகரீகம் என்ற பெயரில் உணவு, உடை, பழக்க வழக்கங்கள் மாறுகிறது. அதிகம் ஆங்கில சொற்கள் கலப்புடன் பேசுகின்றனர். உலகின் மூத்த மொழியான செம்மொழியான தமிழை பல மாணவர்கள், பட்டதாரிகள் தவறு இல்லாமல் பேச, எழுத சிரமப்படுகின்றனர். இந்நிலை நீடித்தால் தமிழை அடுத்தடுத்த தலைமுறைகள் கொண்டு சேர்ப்பதில் பாதிப்பை உருவாக்கும். தமிழ் மொழியை இளைஞர்களிடம் கொண்டு சேர்க்கும் முயற்சியாக கோவை உலக தமிழியல் நடுவம் அமைப்பின் தமிழ் ஆர்வலர்கள் கடல்சார் தமிழ்பண்பாட்டு ஆய்வாளர் ஒரிசா பாலு உள்ளிட்டோர் புதிய முயற்சியில் ஈடுபட்டுள்ளனர்.

தமிழர் உடை கலாச்சாரத்தையும், மொழியையும் இளைஞர்களிடம் கொண்டு சேர்க்க கடந்த ஆண்டு பொங்கலில் 'தமிழ் வேட்டி பொங்கல் திருவிழா' என கொண்டாடினர். இதில் வேட்டி கரைகளில் 'தமிழர் நல்வாக்குகள்' என ஏற்கனவே புழக்கத்தில் பேசிய பொன்மொழிகள், நல் மொழிகள் வேட்டி கரைகளில் பல வண்ணங்களில் தயார் செய்தனர். கரைகளில் (அ,ஆ,இ....ஓள வரை) உயிரெழுத்துகள், 'தமிழுக்கு அமுதென்று பெயர், எங்கள் வாழ்வும், எங்கள் வளமும் மங்காத தமிழென்று சங்கே முழங்கு' போன்ற வாசகங்கள் பிரின்ட் செய்து பொங்கலுக்கு 300 வேட்டிகள் தயார் செய்து விற்றனர்.அதே போல் அண்மையில் தயாரித்த தமிழ் நல்வாசக வேட்டிகளில் கணியன் பூங்குன்றனாரின் 'யாதும் ஊரே யாவரும் கேளீர், தீதும் நன்றும் பிறர் தரவாரா' போன்ற பல வாசகங்கள் இடம் பெற்றுள்ளன.


latest tamil news




ஒருங்கிணைப்பாளர் ஒரிசா பாலு கூறுகையில், ''வணிக நோக்கத்தில் வேட்டி தயாரிக்க வில்லை. தமிழ் மரபு, மொழியை மக்களிடம் சேர்க்கும் முயற்சி இது. கைத்தறி ஆடைகளில் உழைப்பு விசைத்தறி விட இரு மடங்கு அதிகம். எனவே துாயபருத்தி நுாலில் கைத்தறியில் தமிழ் நல்வாசக வேட்டிகள் தயாரித்துள்ளோம். 3 வேட்டிகளுக்கு மேல் வாங்குவோருக்கு எங்கள் செலவில் வேட்டி அனுப்பி வைப்போம். எங்களால் முடிந்த சிறு தமிழ் தொண்டு, என்றார்.

இவர்களது முயற்சியை பாராட்ட98659 28216

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
28-பிப்-202117:54:31 IST Report Abuse
சுந்தரேசன் நல்ல முயற்சி. இவ்வகை வேட்டிகள் வாங்க எப்படி தொடர்பு கொள்வது?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X