பொது செய்தி

தமிழ்நாடு

தேர்தல் நடத்தை விதி எதிரொலி: புத்தக பைகளுடன் அலைந்த லாரி

Updated : மார் 06, 2021 | Added : மார் 05, 2021 | கருத்துகள் (4)
Share
Advertisement
ஈரோடு:தேர்தல் நடத்தை விதியால், அரசுப்பள்ளி மாணவ - மாணவியருக்கு வழங்க, புத்தகப்பை ஏற்றி வந்த லாரி, அலைக்கழிக்கப்பட்டது. தமிழக அரசுப் பள்ளி மாணவ - மாணவியருக்கு வழங்க வேண்டிய புத்தக பைகள், ஹரியானா மாநிலத்தில் இருந்து, லாரியில், ஈரோடு மாவட்டம், பங்களாபுதுார் அரசு மேல்நிலை பள்ளிக்கு நேற்று முன்தினம் வந்தது. சந்தேகமடைந்த தி.மு.க.,வினர், தேர்தல் அலுவலர், போலீசாருக்கு தகவல்
தேர்தல், நடத்தை விதி, எதிரொலி, புத்தக பை, லாரி

ஈரோடு:தேர்தல் நடத்தை விதியால், அரசுப்பள்ளி மாணவ - மாணவியருக்கு வழங்க, புத்தகப்பை ஏற்றி வந்த லாரி, அலைக்கழிக்கப்பட்டது.

தமிழக அரசுப் பள்ளி மாணவ - மாணவியருக்கு வழங்க வேண்டிய புத்தக பைகள், ஹரியானா மாநிலத்தில் இருந்து, லாரியில், ஈரோடு மாவட்டம், பங்களாபுதுார் அரசு மேல்நிலை பள்ளிக்கு நேற்று முன்தினம் வந்தது. சந்தேகமடைந்த தி.மு.க.,வினர், தேர்தல் அலுவலர், போலீசாருக்கு தகவல் தெரிவித்தனர். அவர்கள் லாரியை சோதனை செய்தனர். ஜெ., மற்றும் முதல்வர் இ.பி.எஸ்., படம், தமிழக பள்ளிக்கல்வி துறை என அச்சிடப்பட்டிருந்தது.இதையடுத்து, பள்ளி வகுப்பறையில் வைக்க அனுமதித்தனர்.

சிறிது நேரத்தில் பிரச்னையானதால், அந்தியூர் தாலுகா அலுவலகத்துக்கு, லாரி சென்றது.அங்கு, இறக்கி வைக்க இடவசதி இல்லாததால், ஈரோடு முதன்மை கல்வி அலுவலர் அலுவலகத்துக்கு, நள்ளிரவில் லாரி சென்றது. தமிழகத்தில் தேர்தல் நடத்தை விதி அமலாகும் முன்னே, 13 ஆயிரத்து, 607 புத்தக பைகளுடன் லாரி கிளம்பியது, ஆவணங்களில் உறுதி செய்யப்பட்டது. ஆனாலும், பிரச்னை எழுந்ததால், கலெக்டர் உத்தரவுக்குப் பின், ஈரோடு, கொங்கம்பாளையம், எஸ்.வி.என்., மெட்ரிக் மேல்நிலை பள்ளி வகுப்பறையில் நேற்று வைக்கப்பட்டன.


தி.மு.க.,வினர் எதிர்ப்பு



தஞ்சாவூர், பழைய கலெக்டர் அலுவலகம் முன், ராஜஸ்தான் பதிவெண் கொண்ட, கண்டெய்னர் லாரி வெகு நேரமாக நிற்பதாக கிடைத்த தகவலின்படி, தேர்தல் பறக்கும் படை அலுவலர் லுார்து பிரகாஷ் உள்ளிட்ட அதிகாரிகள், லாரியை சோதனை செய்தனர். இதில், முதல்வர் இ.பி.எஸ்., மற்றும் மறைந்த ஜெயலிலதா படம் அச்சடிக்கப்பட்ட புத்தகப் பைகள் இருந்தன. தகவலறிந்த தி.மு.க.,வினர், அங்கு குவிந்து அதிகாரிகளிடம் வாக்குவாதத்தில் ஈடுபட்டனர். இதையடுத்து, போலீசார் மற்றும் பறக்கும் படை அலுவலர்கள், லாரியை, ராஜப்பா நகரில் உள்ள மாநகராட்சி பள்ளிக்கு கொண்டு சென்றனர்.

அங்கு, 30 பண்டல்களில் இருந்த, 31 ஆயிரத்து, 83 புத்தகப் பைகளை பறிமுதல் செய்து, தி.மு.க.,வினர் முன்னிலையில், பள்ளி அறையில் பூட்டி சீல் வைத்தனர்.'இந்த பைகள், அரசு பள்ளி மாணவ - மாணவியருக்கு வழங்க, உத்தரபிரதேச மாநிலம், காஜியாபாத்தில் இருந்து கொண்டு வரப்பட்டன' என போலீசார் தெரிவித்தனர்.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
oce -  ( Posted via: Dinamalar Android App )
05-மார்-202118:05:22 IST Report Abuse
oce நாட்டில் கண்ட கண்ட இடங்களில் பெரியார் அண்ணா கலைஞர் உருவ பட பேனர்களை ஹஅங்கங்கே கட்டி வைத்துள்ளனர்.அதை எல்லாம் தேர்தல் ஆணையம் கவனித்து அழித்து கிழித்தெறிய வேண்டும்.
Rate this:
Cancel
தல புராணம் - மதுரை,இந்தியா
05-மார்-202105:53:33 IST Report Abuse
தல புராணம் பரீட்சை இல்லை ஆல் பாஸ், ஆனா லஞ்சக் கொள்ளையடிக்க டெண்டர் போட்டு புத்தகப்பை..
Rate this:
Cancel
blocked user - blocked,மயோட்
05-மார்-202104:19:19 IST Report Abuse
blocked user காசுக்கு ஓட்டு என்று களவாணித்தனம் செய்ய அஞ்சாத அரசியல் கட்சிகள் இது போன்ற உண்மையான தேவைகளை புறந்தள்ளி விட்டு வெட்கமில்லாமல் சட்டம் பேசுவார்கள்...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X