சென்னை: சட்டசபை தேர்தலில் முதற்கட்டமாக, அதிமுக சார்பில் போட்டியிலும் போட்டியிடும் 6 பேர் கொண்ட பட்டியல் வெளியிடப்பட்டுள்ளது.

சட்டசபை தேர்தலில், அ.தி.மு.க., சார்பில் போட்டியிட கட்சி தலைமை அலுவலகத்தில் பிப்.,24ல் விருப்ப மனு விநியோகம் துவங்கியது. நேற்று முன்தினம்(மார்ச் 3) வரை 8,200 விருப்ப மனுக்கள் பெறப்பட்ட. நேற்று ஒரே நாளில் 7 ஆயிரம் பேருக்கு நேர்காணல் நடத்தப்பட்டது. அ.தி.மு.க., சார்பில், இன்னும் கூட்டணி பேச்சுவார்த்தை முடிவடையவில்லை.

இந்நிலையில், முதல்கட்டமாக, 6 தொகுதிகளுக்கு வேட்பாளர் பட்டியலை அதிமுக அறிவித்துள்ளது.
இதன்படி விவரம் வருமாறு:

1.போடி- துணை முதல்வர் ஓ.பன்னீர்செல்வம்
2. எடப்பாடி- முதல்வர் பழனிசாமி
3. ராயபுரம்- அமைச்சர் ஜெயக்குமார்
4. விழுப்புரம்- அமைச்சர் சண்முகம்
5.ஸ்ரீவைகுண்டம்-எம்பி சண்முகநாதன்
6. நிலக்கோட்டை(தனி)- தேன்மொழி
ஆகியோர் போட்டியிட உள்ளதாக அறிவிக்கப்பட்டுள்ளது.