அரசியல் செய்தி

தமிழ்நாடு

மாதந்தோறும் குடும்பத் தலைவிகளுக்கு ரூ.1,000

Updated : மார் 07, 2021 | Added : மார் 07, 2021 | கருத்துகள் (132+ 103)
Share
Advertisement
திருச்சி :''குடும்பத் தலைவிகளுக்கு மாதந்தோறும் 1000 ரூபாய் உரிமைத் தொகை வழங்கப்படும்'' என தி.மு.க. தலைவர் ஸ்டாலின் தெரிவித்தார். தி.மு.க. ஆட்சிக்கு வந்தால் அடுத்த 10 ஆண்டுகளில் செயல்படுத்தப்படும் பல்வேறு தொலை நோக்கு திட்டங்களையும் திருச்சி பொதுக் கூட்டத்தில் நேற்று அவர் அறிவித்தார்.திருச்சி சிறுகனுாரில் தி.மு.க. சார்பில் நேற்று 'தமிழகத்தின் விடியலுக்கான முழக்கம்'
ரூ.1,000   குடும்பத் தலைவிகளுக்கு மாதா மாதம்...

திருச்சி :''குடும்பத் தலைவிகளுக்கு மாதந்தோறும் 1000 ரூபாய் உரிமைத் தொகை வழங்கப்படும்'' என தி.மு.க. தலைவர் ஸ்டாலின் தெரிவித்தார். தி.மு.க. ஆட்சிக்கு வந்தால் அடுத்த 10 ஆண்டுகளில் செயல்படுத்தப்படும் பல்வேறு தொலை நோக்கு திட்டங்களையும் திருச்சி பொதுக் கூட்டத்தில் நேற்று அவர் அறிவித்தார்.

திருச்சி சிறுகனுாரில் தி.மு.க. சார்பில் நேற்று 'தமிழகத்தின் விடியலுக்கான முழக்கம்' என்ற தலைப்பில் பொதுக்கூட்டம் நடந்தது.மாலை 6:45 மணிக்கு மேடைக்கு வந்த ஸ்டாலின் பொதுக் கூட்டத் திடலின் கடைசி பகுதி வரை அமைக்கப்பட்டிருந்த நடைமேடையில் நடந்து சென்று தொண்டர்களை பார்த்து கையசைத்து உற்சாகப்படுத்தினார்.தொடர்ந்து ஸ்டாலின் பேசியதாவது: தமிழகத்தின் எதிர்காலத்துக்கான அடித்தளத்தை திருச்சியில் அமைத்துக் கொடுத்துள்ளீர்கள். தமிழகத்தில் 1920ல் அமைந்த நீதிக் கட்சி ஆட்சி தான் இட ஒதுக்கீட்டு கொள்கைக்கு சட்டப்பூர்வ அங்கீகாரத்தை பெற்றுத் தந்தது.

கடந்த 100 ஆண்டுகளில் கல்வி வேலை வாய்ப்பு போன்ற அத்தனை வளர்ச்சிக்கும் அதுவே அடித்தளமாக அமைந்தது. அடுத்து 1967ம் ஆண்டுக்கு பின் அண்ணாதுரை தலைமையிலும் தொடர்ந்து கருணாநிதி தலைமையிலும் அமைந்த தி.மு.க. அரசு தமிழர்களுக்கு கல்வி வேலை வாய்ப்புகளை கொடுத்தது. தொழில் வளர்ச்சியில் சிறந்த மாநிலமாக்கியது. பெண்களை சொந்தக்காலில் நிற்க வைத்தது.மொத்தத்தில் தி.மு.க. ஆட்சியில் நவீன தமிழகம் உருவாக்கப்பட்டது.


அ.தி.மு.க. ஆட்சியில் இந்த அடிப்படை கட்டமைப்பை முழுமையாக சிதைத்துள்ளனர். அடிப்படை கட்டமைப்பை சிதைப்பதும் திட்டங்களை உருக்குலைப்பதும் அ.தி.மு.க. ஆட்சியில் வழக்கமாகவும் பழக்கமாகவும் கொண்டுள்ளனர்.இந்த ஆட்சிக்கு ஏப்ரல்6ம் தேதி முற்றுப்புள்ளி வைத்து மே 2ம் தேதி தமிழத்தின் புதிய விடியலுக்கான தி.மு.க. ஆட்சி அமையும். இந்த ஆட்சியை எப்படி கொண்டு செல்வது என்பதற்கான தொலைநோக்கு திட்டத்தை வடிவமைத்துள்ளேன். தி.மு.க. முன்னணி நிர்வாகிகள் பல்துறை வல்லுனர்களுடன் கலந்து பேசி திட்டம் உருவாக்கப்பட்டுள்ளது.

தமிழகத்தின் மிக முக்கியமான ஏழு துறைகளை சீரமைத்து வளர்த்தெடுப்பதே என் முதல் பணி. தி.மு.க. அரசின் 10 ஆண்டு இலக்கை அடைவதற்காக ஸ்டாலினின் ஏழு உறுதிமொழிகள் உருவாக்கப்பட்டுள்ளன.பொருளாதாரம் வேளாண்மை நீர்வளம் கல்வி மற்றும் சுகாதாரம் நகர்ப்புற வளர்ச்சி ஊரக உட்கட்டமைப்பு சமூக நீதி போன்றவற்றுக்கு முக்கியத்துவம் அளித்து இந்த உறுதிமொழிகள் உருவாக்கப்பட்டுள்ளன.


வளரும் வாய்ப்புகள் வளமான தமிழ்நாடு



தமிழகத்தில் 35 லட்சம் கோடியை கடந்து இரட்டை இலக்க பொருளாதார வளர்ச்சி ஏற்படுத்தப்படும். தனி நபர் வருமானம் ஆண்டுக்கு 4 லட்சம் ரூபாய்க்கும் அதிகமாக உயர்த்தப்படும்.ஆண்டுக்கு 10 லட்சம் புதிய வேலை வாய்ப்புகளை உருவாக்கி வேலை வாய்ப்பின்மை விகிதத்தை சரி பாதியாக குறைத்தல். கொடும் வறுமையில் வாடும் 1 கோடி பேரை மீட்டெடுத்து வறுமைக் கோட்டுக்கு கீழ் ஒருவரும் இல்லாத முதல் மாநிலமாக தமிழகம் முன்னெடுக்கப்படும்.


மகசூல் பெருக்கம் மகிழும் விவசாயி



தமிழகத்தில் பயிரிடும் பரப்பு 60 சதவீதமாக உள்ளது. கூடுதலாக 30 லட்சம் ஏக்கர் பயிரிடச் செய்து 75 சதவீதமாக உயர்த்தப்படும். தமிழகத்தில் 25 லட்சம் ஏக்கரில் இரு போக சாகுபடி செய்யப்படுகிறது. இது 50 லட்சம் ஏக்கராக உயர்த்தப்படும்.


குடிமக்கள் அனைவருக்கும் குறையாத தண்ணீர்



தனி நபர் பயன்பாட்டுக்கான தண்ணீர் இருப்பு ஆண்டுக்கு 9 லட்சம் லிட்டரில் இருந்து 10 லட்சம் லிட்டராக உயர்த்தப்படும். வீணாகும் தண்ணீர் அளவு 50 சதவீதத்தில் இருந்து 15 சதவீதமாக குறைக்கப்படும். மறு சுழற்சி செய்து பயன்படுத்தப்படும் நீரின் விகிதம் 5 சதவீதத்தில் இருந்து 20 சதவீதமாக உயர்த்தப்படும்.


அனைவருக்கும் உயர்தர கல்வி மற்றும் உயர்ந்த மருத்துவம்



மாநில மொத்த உள்நாட்டு உற்பத்தியில் இருந்து செலவிடப்படும் கல்விக்கான நிதி அளவு மூன்று மடங்கு உயர்த்தப்படும். கற்றல் வெளிப்பாட்டுக்கான அளவீட்டில் முதல் 10 இடங்களுக்குள் தமிழகம் இடம் பெறச் செய்யப்படும்.பள்ளிக்கல்வியில் மாணவர்களின் ஒட்டுமொத்த இடைநிற்றல் விகிதம் 16 சதவீதத்தில் இருந்து 5 சதவீதத்துக்கும் கீழாக குறைக்கப்படும். அனைத்து ஊராட்சி ஒன்றியங்களிலும் முன்மாதிரி பள்ளிகள் அமைக்கப்படும். டாக்டர்கள் நர்ஸ்கள் மற்றும் பிற தொழிற்கல்வி பட்டதாரிகளின் எண்ணிக்கை இரட்டிப்பாக்கப்படும்.


அனைவருக்கும் அனைத்துமான தமிழகம்



குடும்பத் தலைவிகள் அனைவருக்கும் மாதந்தோறும் 1000 ரூபாய் உரிமைத் தொகை வழங்கப்படும். பட்டியல் இனத்தவர் பழங்குடியினர் மற்றும் இதர பிற்படுத்தப் பட்டோருக்கான கல்வி உதவித் தொகை இருமடங்கு உயர்த்தி வழங்கப்படும். மனித கழிவுகளை மனிதர்களே அகற்றும் இழிவு முற்றிலுமாக ஒழிக்கப்படும்.


எழில் மிகு மாநகரங்களின் மாநிலம்



கூடுதலாக 36 லட்சம் வீடுகளுக்கு குடிநீர் இணைப்பு வழங்குவதன் மூலம் குடிநீர் இணைப்பு பெற்ற நகர்ப்புற வீடுகளின் அளவு 35 சதவீதத்தில் இருந்து 75 சதவீதமாக உயர்த்தப்படும். புதிதாக 9.75 லட்சம் கான்கிரீட் வீடுகள் கட்டித்தருவதன் மூலம் குடிசை வாழ் மக்களின் அளவு 16.6 சதவீதத்தில் இருந்து 5 சதவீதத்துக்கும் கீழாக குறைக்கப்படும்.


உயர்தர ஊரக கட்டமைப்பு உயர்ந்த வாழ்க்கைத் தரம்



தமிழகத்தில் ஊரகப்பகுதிகளில் 57 சதவீதம் கான்கிரீட் வீடுகள் உள்ளன. 20 லட்சம் கான்கிரீட் வீடுகள் புதிதாக கட்டி 85 சதவீதமாக உயர்த்தப்படும்.எந்த வானிலைக்கும் அசைந்து கொடுக்காத சாலை இணைப்புகளும் வடிகால் அமைப்புகளும் கட்டமைக்கப்படும். அனைத்து கிராமங்களிலும் அகன்ற அலைக்கற்றை இணைய வசதி ஏற்படுத்தப்படும். குறைந்தபட்சம் 50 சதவீதம் கிராமங்களில் திடக்கழிவு மேலாண்மை அமைப்பு செயல்படுத்தப்படும்.தி.மு.க. ஆட்சி ஐந்து ஆண்டு மட்டுமல்ல; தொடர்ந்தால் மட்டுமே இந்த உறுதிமொழிகளை நிறைவேற்ற முடியும். இன்று முதல் அ.தி.மு.க.வுக்கான 'கவுன்ட் டவுன்' தொடங்கி விட்டது. இன்னும் 30 நாளில் முற்றுப்புள்ளி வைக்கப்படும்.இவ்வாறு அவர் பேசினார்.

பொதுக் கூட்டத்தில் தி.மு.க. பொதுச் செயலர் துரைமுருகன் முதன்மை செயலர் நேரு மகளிர் அணி செயலர் கனிமொழி இளைஞர் அணி செயலர் உதயநிதி உட்பட பலர் பங்கேற்றனர்.


'அடித்து விட்டார்' அறிவிப்பை... எங்கே போவது ரூ.1.26 லட்சம் கோடிக்கு



'தி.மு.க. ஆட்சிக்கு வந்தால் குடும்பத் தலைவிகளுக்கு மாதம் 1000 ரூபாய் வழங்கப்படும்' என ஸ்டாலின் அறிவித்திருக்கிறார்.இதை ஏற்கனவே 'இல்லத்தரசிகளுக்கு மாதம்தோறும் ஊதியம் வழங்கப்படும்' என மக்கள் நீதி மய்யம் கட்சி தலைவர் கமல் அறிவித்திருந்தார். அதை நேற்று ஸ்டாலின் வழிமொழிந்துள்ளார்.

தற்போது தமிழகத்தில் 2.10 கோடி ரேஷன் அரிசி கார்டுகள் உள்ளன. கார்டுக்கு 1000 ரூபாய் வழங்குவதாக இருந்தால் மாதம் 2100 கோடி ரூபாய் அரசு செலவிட வேண்டும். ஆண்டுக்கு 25 ஆயிரத்து 200 கோடி ரூபாய் தேவை. ஐந்தாண்டுகளுக்கு கணக்கிட்டால் 1.26 லட்சம் கோடி ரூபாய் வருகிறது. இதற்கான நிதியாதாரத்தை திரட்டுவது அரசுக்கு மிகப்பெரிய சவாலாக இருக்கும் என்கின்றனர் பொருளாதார நிபுணர்கள்.

Advertisement




வாசகர் கருத்து (132+ 103)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vbs manian - hyderabad,இந்தியா
08-மார்-202121:00:50 IST Report Abuse
vbs manian குடும்ப தலைவிகளுக்கு உரிமை தொகை மாதம்தோறும் ஆயிரம் ரூபாய். ஏழை குடும்பங்களில் இந்த ஆயிரம் அவர்கள் கணவன் மார்களால் அடித்து பிடுங்கப்பட்டு டாஸ்மாக்கில் சமர்ப்பிக்க படும். டாஸ்மாக் வருமானம் விர்ர்ர்ர்.
Rate this:
Cancel
அம்பி ஐயர் - நங்கநல்லூர்,இந்தியா
08-மார்-202120:45:15 IST Report Abuse
அம்பி ஐயர் சாமீ.... எனக்கு ஒரு டவுட்டு.... இந்த நகைக் கடன் தள்ளுபடி... தள்ளுபடின்னு சொல்றாங்களே.... அதுக்குப் பதிலா ஒவ்வொரு குடும்பத் தலைஇவிக்கும் ஒரு கிலோ தங்க நகை இலவசமா கொடுக்கலாமே..... அதே போல விவசாயக் கடன்.... கல்விக்கடன் இதை எல்லாம் தள்ளுபடி பண்ணுறாதுக்குப் பதிலா.... அதுக்கு உண்டான காசை..... அரசாங்கமே இலவசமா விவசாயிக்கும் மாணவர்களுக்கும் கொடுத்துடலாமே....ஒவ்வொரு குடும்பத்துக்கும் ஆண்டுக்கு ரெண்டு லட்சம் பணமாக இலவசமாக் கொடுத்துடலாமே.....??? எதுக்காக தலையச் சுத்தி மூக்கத் தொடணும்..... இவுங்களே கடன கொடுப்பாங்களாம்..... அப்புறமா.... இவுனுங்களே தள்ளுபடியும் பண்ணுவாங்களாம்....
Rate this:
Cancel
அம்பி ஐயர் - நங்கநல்லூர்,இந்தியா
08-மார்-202120:26:16 IST Report Abuse
அம்பி ஐயர் 1. "தமிழகத்தில் 35 லட்சம் கோடியை கடந்து இரட்டை இலக்க பொருளாதார வளர்ச்சி ஏற்படுத்தப்படும்..." எப்படிச் செய்வார்....??? அதற்கான சோர்ஸ் என்ன...?? அதற்கான விளக்கமும் கொடுத்தால் தானே நம்ப முடியும்....??? 2. தமிழகத்தில் 35 லட்சம் கோடியை கடந்து இரட்டை இலக்க பொருளாதார வளர்ச்சி ஏற்படுத்தப்படும்.... இதுவும் எப்படியோ... தெரியவில்லை.... அதாவது ஒவ்வொருவரும் மாதம் முப்பத்து மூன்றாயிரம் சம்பளம் வாங்குவார்களாம்.... இவுரோட கலீஞ்சரு டிவியில வேலை பார்க்குறவங்களுக்கு... இவங்க வீட்டு வாட்ச் மேனுக்கும் முப்பத்துமூணாஅயிரம் கொடுப்பாங்க போல....??? அடுத்து....3. ஆண்டுக்கு 10 லட்சம் புதிய வேலை வாய்ப்புகளை உருவாக்கி வேலை வாய்ப்பின்மை விகிதத்தை சரி பாதியாக குறைத்தல்..... புதிய திட்டங்கள் எல்லாவற்றிற்கும் எதிர்ப்பு.... பின் எப்படி....??? ஓஹோ.... வீதிக்கு வீதி சாராய ஆலைகள் திறக்கப் போறாரோ.... வெரி குட்.....4. கொடும் வறுமையில் வாடும் 1 கோடி பேரை மீட்டெடுத்து வறுமைக் கோட்டுக்கு கீழ் ஒருவரும் இல்லாத முதல் மாநிலமாக தமிழகம் முன்னெடுக்கப்படும்..... எப்படிச் செய்யப் போகிறார்...??? இவுரு மற்றும் இவுங்க சொந்தக்காரங்ககிட்ட இருக்குற சொத்துக்கள் எல்லாத்தையும்.... ஏழை பாழைகளுக்கு இலவசமா எழுதிக் கொடுத்தாத்தான் உண்டு... அப்படிச் செய்வார்களா என்ன....??? 5. தமிழகத்தில் பயிரிடும் பரப்பு 60 சதவீதமாக உள்ளது. கூடுதலாக 30 லட்சம் ஏக்கர் பயிரிடச் செய்து 75 சதவீதமாக உயர்த்தப்படும். தமிழகத்தில் 25 லட்சம் ஏக்கரில் இரு போக சாகுபடி செய்யப்படுகிறது. இது 50 லட்சம் ஏக்கராக உயர்த்தப்படும்...... இதுவும் எப்படி....??? பாதிப்பேரோட நிலங்களை எல்லாம் புடுங்கிக்கிட்டதே இவுங்க தான்..... தமிழ் நாட்ல இருக்குற மொத்த நிலங்கள்ல பாதிக்கும் மேல இவுங்க மற்றும் இவுனுங்க கட்சிக்காரங்ககிட்டத்தான் இருக்கு.... 6. குடிமக்கள் அனைவருக்கும் குறையாத தண்ணீர்..... ஓஹ்ஹ்ஹோஹ்ஹோ.... சரக்கு தாராளமாகக் கிடைக்கும்ன்னு சொல்றாரு தொரை.....7. அனைவருக்கும் உயர்தர கல்வி மற்றும் உயர்ந்த மருத்துவம்.... ஒரு வேளை சன்ஷைன் மற்றும் இவ்வுங்க கட்சிக்காரனுங்க நடத்துற எல்லா இஸ்கோலு காலேஜு எல்லாத்தையும் மூடிருவாங்களோ....??? 8. அனைவருக்கும் அனைத்துமான தமிழகம்..... குடும்பமே அனைவரும்..... அனைத்து குடும்ப உறுப்பினர்களுமே குடும்பம்..... கழகம்... அவர்களின் நலனே முக்கியம்.... ஆஹா.... ஓஹோ.... 9.குடும்பத் தலைவிகள் அனைவருக்கும் மாதந்தோறும் 1000 ரூபாய் உரிமைத் தொகை வழங்கப்படும்.... இதற்கான நிதி ஆதாரம் எங்கிருந்து வரும் எனச் சொல்லவில்லையே..... ஆஹா... ஆஹா.... 10.கூடுதலாக 36 லட்சம் வீடுகளுக்கு குடிநீர் இணைப்பு வழங்கப்படும்.... முப்பத்தாறு லட்சம் என்ன..... எட்டு கோடி குடும்பங்களுக்கும் குடி நீர் இணைப்பு வழங்கலாம்.,.... வெறும் இணைப்பு தானே.... எத்த்னை வேண்டுமானாலும் வழங்கலாம்...... என்ன குடி நீரா வழங்கப் போகிறார்கள்.... நாங்கள் இணைப்பைத் தானே சொன்னோம்... குடி நீரா சொன்னோம் எனவும்.... இப்போதைக்கு இணைப்பு.... பின்னர் குடி நீர்... என அப்பாரை மாதிரியே காப்பியடிச்சு பேசிடலாம்..... 11. “தி.மு.க. ஆட்சி ஐந்து ஆண்டு மட்டுமல்ல தொடர்ந்தால் மட்டுமே இந்த உறுதிமொழிகளை நிறைவேற்ற முடியும்...” ஆஹா.... இங்க தான்யா நிக்கிறாரு நம்ம சுடலை..... அடுத்த அஞ்சு வருஷம் மட்டுமல்ல அதுக்குப் பின்னரும் பலப் பல ஆண்டுகள்.... இன்ப நிதியின் கொள்ளுப் பேரன் காலம் வரையிலும் திமுக ஆட்சியில் இருந்தால் தான் மேலே சொன்ன திட்டங்களை எல்லாம் செயல்படுத்த முடியும்ன்னு தெளிவா சொல்லிட்டாரே..... இதுக்கு எதுவுமே சொல்லாமலே இருந்திருக்கலாமே.... சொடல.... சொடல.....சொடல..... சொடல....
Rate this:
வந்தியதேவன் - காஞ்சிபுரம்,இந்தியா
09-மார்-202121:14:08 IST Report Abuse
வந்தியதேவன்அய்யா.... அங்குசாமி... மொதல்ல... தேர்தல் பிரச்சாரத்தின்போது ஒரு புண்ணியவான்... பதினைந்து லட்சம் ஒவ்வொரு அக்கவுண்ட்லயும் போடுறேன்னு சொன்னாரே... அது இன்னும் போடலையே...? போடலைன்னாகூட பரவாயில்ல... “சொம்ப வச்சிட்டு... அண்டா...வ லவட்டிகிட்டு போன கதையா”.... பணமதிப்பிழப்பு..ங்குற பேர்ல... ஏழைங்க கோவணத்தையும் புடுங்கிட்டு போயிட்டாங்களே... அதுக்கு பதில் சொல்லுங்க அய்யா....? உலகத்துலேயே முதன்முறையா.... பணமதிப்பிழப்பு செஞ்சு... ஏழை, எளிய, விவசாய கூலித் தொழிலாளி வயித்துல அடிச்ச ஆளு யாருங்கய்யா...?...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X