பார்லி.,யில் 33 சதவீத ஒதுக்கீடு: பெண் எம்.பி.,க்கள் வலியுறுத்தல்

Updated : மார் 10, 2021 | Added : மார் 08, 2021 | கருத்துகள் (5)
Share
Advertisement
புதுடில்லி :சர்வதேச பெண்கள் தினத்தையொட்டி, பார்லிமென்ட்டில், பெண்களுக்கு, 33 சதவீத இட ஒதுக்கீடு வழங்கும்படி, பெண் எம்.பி.,க்கள் வலியுறுத்தி உள்ளனர்.சர்வதேச பெண்கள் தினம், நேற்று கொண்டாடப்பட்டது. இதற்கிடையே, பார்லி மென்ட்டில், பட்ஜெட் கூட்டத்தொடரின் இரண்டாம் பகுதி, நேற்று துவங்கியது. முக்கிய பொறுப்புகள் இதில், பெண் எம்.பி.,க்கள் பலரும், பார்லிமென்டில்
parliament, budget session 2021, budget session, budget

புதுடில்லி :சர்வதேச பெண்கள் தினத்தையொட்டி, பார்லிமென்ட்டில், பெண்களுக்கு, 33 சதவீத இட ஒதுக்கீடு வழங்கும்படி, பெண் எம்.பி.,க்கள் வலியுறுத்தி உள்ளனர்.

சர்வதேச பெண்கள் தினம், நேற்று கொண்டாடப்பட்டது. இதற்கிடையே, பார்லி மென்ட்டில், பட்ஜெட் கூட்டத்தொடரின் இரண்டாம் பகுதி, நேற்று துவங்கியது.


முக்கிய பொறுப்புகள்


இதில், பெண் எம்.பி.,க்கள் பலரும், பார்லிமென்டில் பெண்களுக்கு, 33 சதவீத இட ஒதுக்கீடு அளிக்கும் சட்டத்தை நிறை வேற்ற வலியுறுத்தினர்.

ராஜ்யசபாவில் பேசிய, தேசியவாத காங்., - எம்.பி., பவுசியா கான் கூறியதாவது: பெண்களில், 6 சதவீதம் பேருக்கு மட்டுமே, முக்கிய பொறுப்புகள் கிடைக்கின்றன. அதற்கு மேல் கிடைப்பதில்லை என, பல ஆய்வுகள் கூறுகின்றன. அது குறித்து நாம் சிந்திக்க வேண்டும். அதன்படி, பெண்களுக்கு, 33 சதவீத இட ஒதுக்கீடு வழங்குவதற்கான சட்டத்தை நிறைவேற்ற வேண்டும். இவ்வாறு, அவர் கூறினார்.

சிவசேனா எம்.பி., பிரியங்கா சதுர்வேதி பேசியதாவது: பார்லிமென்ட்டில், பெண்களுக்கு, 33 சதவீத இட ஒதுக்கீடு வழங்குவதற்கான சட்டத்தை, 24 ஆண்டுகளுக்கு முன், பரிந்துரைத்தோம்.


கோரிக்கை


இன்று, 24 ஆண்டுகளுக்குப் பின், அந்த இட ஒதுக்கீடு, 50 சதவீதமாக உயர்த்தப்பட வேண்டும்.இவ்வாறு, அவர் பேசினார்.

காங்., - எம்.பி., சாயா வர்மா கூறியதாவது: மத்திய அரசு, 'பெண் குழந்தைகளை காப்போம்; பெண் குழந்தைகளுக்கு கற்பிப்போம்' என்ற முழக்கத்தை முன்வைத்து வருகிறது. ஆனால், நம் நாட்டில், பெண்களுக்கு எதிராக நடக்கும் குற்றங்கள், நமக்கு வேறு கதையை சொல்கின்றன.
இவ்வாறு, அவர் கூறினார்.

பா.ஜ., - எம்.பி., சோனல் மன்சிங் கூறுகையில், “சர்வதேச ஆண்கள் தினத்தையும் நாம் கொண்டாட வேண்டும்,” என, கோரிக்கை வைத்தார்.பெண்களுக்கு இட ஒதுக்கீடு வழங்கும் மசோதா, கடந்த, 2010ல், ராஜ்ய சபாவில் நிறைவேறியது. எனினும், லோக்சபாவில் நிறைவேற்றப்படாமல் உள்ளது.

Advertisement




வாசகர் கருத்து (5)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sivak - Chennai,இந்தியா
09-மார்-202116:42:39 IST Report Abuse
Sivak ஒரு பக்கம் பெண்கள் வலிமை மிக்கவர்கள் திறமை மிக்கவர்கள் ஆண்களுக்கு பெண் சமம் என்று கத்தி கொண்டு இன்னொரு பக்கம் இட ஒதுக்கீடு என்ற பிச்சை எடுத்து கொண்டிருக்கிறார்கள் .... ஜனநாயக முறைப்படி பெண்கள் எல்லாரும் எல்லா தேர்தலிலும் எல்லா தொகுதிகளிலும் நிற்கலாம்.... தேர்தலில் நின்று வென்று ஆட்சியையே பிடியுங்கள் முடிந்தால்.... எதற்கு இட ஒதுக்கீடு பிச்சை கேக்கணும்? ஆண்கள் தேர்தலில் நின்று வென்றால் ஆண்கள் நலம் ஆண்கள் உரிமை ஆண்கள் ஒதுக்கீடு ஆண்கள் பாதுகாப்பு என்று எதுவும் பேசுவதில்லை... ஆனால் இந்த பெண்கள் தேர்தலில் நின்று வென்றால் உடனே பெண்களுக்கு இட ஒதுக்கீடு, பெண்கள் உரிமை பெண்கள் பாதுகாப்பு என தன்னுடைய ஜாதியை (பெண்) ஜாதியை பிடித்து தொங்கிகொண்டிருப்பார்கள் .... ஆண்கள் பாடு திண்டாட்டம்தான் ....
Rate this:
Cancel
09-மார்-202114:18:51 IST Report Abuse
ஆரூர் ரங் பெண்களான இந்திரா சோனியா நிர்வாகத்திலேயே நடத்த மனமொப்பாத ஒதுக்கீடு இனி சாத்தியமில்லை🤔. மமதாகூட பத்து MLA சீட்டுக்குமேல் பெண்களுக்குத் தரமாட்டார்.
Rate this:
Cancel
09-மார்-202112:52:04 IST Report Abuse
kulandhai Kannan இந்த எம்.பிக்கள் தத்தமது கட்சித் தலைமையிடம் சொல்லி, 33 சதவீத தொகுதிகளில் மகளிரை நிறுத்தலாமே!!
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X