'வாஷிங் மிஷின்' நிச்சயம்: பிரசாரத்தில் ஓ.பி.எஸ்., உறுதி

Updated : மார் 20, 2021 | Added : மார் 18, 2021 | கருத்துகள் (17)
Advertisement
சென்னை :''அ.தி.மு.க., அறிவித்த, ஆறு சிலிண்டர், 1,500 ரூபாய் பணம், வாஷிங் மிஷின் போன்ற இலவசங்களை, நிச்சயம் வழங்குவோம்,'' என, துணை முதல்வர் ஓ.பி.எஸ்., தெரிவித்தார்.சென்னை, திருவொற்றியூர் தேரடி சந்திப்பில், நேற்றிரவு, அ.தி.மு.க., திருவொற்றியூர் வேட்பாளர் குப்பன், மாதவரம் வேட்பாளர் மூர்த்தி ஆகியோரை ஆதரித்து, ஓ.பி.எஸ்., பிரசாரம் செய்தார்.வடிவுடையம்மன் கோவிலில் தரிசனம் செய்த பின்,
 'வாஷிங் மிஷின்' நிச்சயம்:  பிரசாரம், ஓ.பி.எஸ்., உறுதி

சென்னை :''அ.தி.மு.க., அறிவித்த, ஆறு சிலிண்டர், 1,500 ரூபாய் பணம், வாஷிங் மிஷின் போன்ற இலவசங்களை, நிச்சயம் வழங்குவோம்,'' என, துணை முதல்வர் ஓ.பி.எஸ்., தெரிவித்தார்.

சென்னை, திருவொற்றியூர் தேரடி சந்திப்பில், நேற்றிரவு, அ.தி.மு.க., திருவொற்றியூர் வேட்பாளர் குப்பன், மாதவரம் வேட்பாளர் மூர்த்தி ஆகியோரை ஆதரித்து, ஓ.பி.எஸ்., பிரசாரம் செய்தார்.வடிவுடையம்மன் கோவிலில் தரிசனம் செய்த பின், அவர் பேசியதாவது:கடந்த, 2006, தி.மு.க., ஆட்சியில், வரலாறு காணாத மின் தட்டுப்பாடு ஏற்பட்டது. ஐந்தாண்டுகளில் அவர்களால், அதை சரி செய்ய முடியவில்லை. ஆட்சி பொறுப்பேற்ற ஒரே ஆண்டில், தமிழகத்தை மின்மிகை மாநிலமாக்கி காட்டியவர், ஜெயலலிதா.தற்போது, மத்தியில் ஆளும் பா.ஜ., அரசு, தமிழகத்திற்கு தேவையான திட்டங்களை வாரி வாரி வழங்குகிறது.

ஒரே ஆண்டில், 11 மருத்துவ கல்லுாரிகளுக்கு அனுமதி தந்துள்ளது.மதுரை எய்ம்ஸ் மருத்துவமனைக்கு நிதி ஒதுக்கியது. மற்ற மாநிலங்களை காட்டிலும், தமிழகத்திற்கு அதிக திட்டங்கள் கிடைத்துள்ளன.இலங்கை போரில், பல லட்சம் உயிர்கள் பறிபோனதற்கு, தி.மு.க., - காங்கிரஸ் தான் காரணம். எனவே, ஸ்டாலினின் பகல் கனவு நிச்சயம் பலிக்காது.அ.தி.மு.க.,வை பொறுத்தவரை, சொன்னதை செய்வோம்; செய்வதை தான் சொல்வோம். இதுவரை அளித்த வாக்குறுதிகள் அனைத்தும் நிறைவேற்றப்பட்டுள்ளன.

அதேபோல், இந்த தேர்தல் அறிக்கையில், குடும்ப தலைவிகளுக்கு, மாதம், 1,500 ரூபாய் பணம், 'வாஷிங் மிஷின்' ஆறு சிலிண்டர் இலவசம் என, கூறியுள்ளோம்; அவற்றை நிச்சயம் தருவோம்.யார் அராஜக ஆட்சி செய்வர்; யார் நல்லாட்சி தருவர் என்பது, உங்களுக்கே தெரியும். எனவே, இரட்டை இலைக்கு ஓட்டுப் போடுங்கள்.இவ்வாறு, ஓ.பி.எஸ்., பேசினார்.

Advertisement




வாசகர் கருத்து (17)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Rajagopal - Los Angeles,யூ.எஸ்.ஏ
19-மார்-202122:37:40 IST Report Abuse
Rajagopal ஆமா, கள்ளப்பணத்தையெல்லாம் வாஷிங் மெஷின்ல போட்டு வெள்ளையாக்கிரலாம்.
Rate this:
Cancel
R chandar - chennai,இந்தியா
19-மார்-202122:20:07 IST Report Abuse
R chandar Cash compensatory support should be for all ration card holder irrespective of Rice or Sugar card, provided if people opt out of getting out from buying ration items , since all sort of people are very much affected by continuous rise of petrol, GAS and other items this is high time government should support all family by support of cash @ Rs 3000 per month for all ration card if those card holders are opt out of getting ration article , and with draw the support of subsidy in electricity, and other subsidy like LPG and pongal gift. Any money gives with out identifying the source of income or stop the current subsidy and ration items it should be treated as bribe for people to vote for them by election commission. All people irrespective of rice or sugar card
Rate this:
Cancel
Nallavan - Madurai,இந்தியா
19-மார்-202121:49:36 IST Report Abuse
Nallavan இலவசங்களால் மக்களின் வாழ்க்கை தரம் ஒரு போதும் உயர போவதில்லை. நல்ல திட்டங்களை செயல்படுத்தி மக்களின் தனி நபர் வருமானத்தை அதிகரித்தல் மக்கள் அவர்களுக்கு தேவையான பொருட்களை வாங்கி கொள்வார்கள். பொது சுகாதாரம் கல்வி மற்றும் குடிநீர் போன்றவற்றை மக்களுக்கு இலவசமாக தர வேண்டுமே தவிர வீட்டுக்கு தேவையான மளிகை சாமானை அல்ல.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X