திராவிட கட்சிகளால் மாற்றம் வராது: சீமான்| Dinamalar

அரசியல் செய்தி

தமிழ்நாடு

திராவிட கட்சிகளால் மாற்றம் வராது: சீமான்

Updated : ஏப் 03, 2021 | Added : ஏப் 01, 2021 | கருத்துகள் (6)
Share
சென்னை:''திராவிட கட்சிகளால் தமிழகத்தில் மாற்றம் வராது; மாற்றத்தை எதிர்பார்ப்போர், புதிய ஆட்சியை தேடுங்கள்,'' என, நாம் தமிழர் கட்சியின் தலைமை ஒருங்கிணைப்பாளர் சீமான் பேசினார்.சென்னை வில்லிவாக்கம், திரு.வி.க.,நகர், கொளத்துார் தொகுதி வேட்பாளர்களை ஆதரித்து, பிரசாரம் செய்த, அவர் பேசியதாவது: சமூகத்தில் மாற்றத்தை விரும்பினால் மட்டும் போதாது; நம்மில் மாற்றம் வேண்டும்.
திராவிட கட்சிகளால்  மாற்றம் வராது: சீமான்

சென்னை:''திராவிட கட்சிகளால் தமிழகத்தில் மாற்றம் வராது; மாற்றத்தை எதிர்பார்ப்போர், புதிய ஆட்சியை தேடுங்கள்,'' என, நாம் தமிழர் கட்சியின் தலைமை ஒருங்கிணைப்பாளர் சீமான் பேசினார்.

சென்னை வில்லிவாக்கம், திரு.வி.க.,நகர், கொளத்துார் தொகுதி வேட்பாளர்களை ஆதரித்து, பிரசாரம் செய்த, அவர் பேசியதாவது: சமூகத்தில் மாற்றத்தை விரும்பினால் மட்டும் போதாது; நம்மில் மாற்றம் வேண்டும். தனி மரம் எப்போதும் தோப்பாகாது; தனித்தனி மரங்கள் சேர்ந்து தான் தோப்பாக மாறும். ஒரு தொகுதியில் போட்டியிடுகிற வேட்பாளர், 20 கோடி ரூபாய் முதலீடாக செலவிடுகிறார். அவர், ஆட்சிக்கு வந்து, எப்படி மக்களுக்கு சேவை செய்வார்?

தி.மு.க., தலைவர் ஸ்டாலின், ஆலோசனை தர, 'ஐபேக்'கை வைத்துள்ளார். அவர்களுக்கு, தமிழகத்தை பற்றி என்ன தெரியும். பண கொழுப்பில் தி.மு.க.,வினர் ஆடுகின்றனர். நாங்கள் ஆட்சிக்கு வந்தால், மக்களையே முதலீட்டாளர்களாக மாற்றி, தொழில் பாதுகாப்பை கொடுப்போம்.

அ.தி.மு.க.,வினர், 2.17 கோடி ரேஷன் கார்டு தாரர்களுக்கு, இலவச, 'வாஷிங் மிஷன்' அறிவித்து உள்ளனர். ஒரு வாஷிங் மிஷனுக்கு குறைந்தது, 15 ஆயிரம் ரூபாய் வைத்தால், எந்தனை கோடி ரூபாய் தேவைப்படும். ஏற்கனவே, 6 லட்சம் கோடி கடன் இருக்கிறது.

திராவிட கட்சிகளால், தமிழகத்தில் மாற்றத்தை கொண்டுவர முடியாது. மாற்றம் என்பது, தி.மு.க., -- அ.தி.மு.க.,வை மாறி, மாறி விழ்த்துவது இல்லை. மாற்றத்தை எதிர்பாக்கும் மக்கள், புதிய ஆட்சியை தேடுங்கள்.இவ்வாறு, சீமான் பேசினார்.


தாமதமாக வந்த வேட்பாளர்:



திரு.வி.க.நகர் தொகுதியில் சீமான் பிரசாரத்திற்கு வந்தாலும், வேட்பாளர் இளவஞ்சி, 15 நிமிடம் தாமதமாக வந்ததால், சலசலப்பு ஏற்பட்டது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X