நீலகிரி மாவட்டம், குன்னுார் தொகுதியில் தி.மு.க., சார்பில், ராமச்சந்திரன் போட்டியிடுகிறார். அ.தி.மு.க., சார்பில், அக்கட்சியின் மாவட்ட செயலாளர் வினோத் போட்டியிடுகிறார். இருவருக்கு இடையே, கடுமையான போட்டி நிலவுகிறது.இந்நிலையில், படுகர் பெயரில் அமைப்பு வைத்துள்ளதாக கூறி, ஒரு குழுவினர், தி.மு.க.,வுக்கு, ஆதரவு அளிப்பதாக தெரிவித்து, சம்பந்தப்பட்ட வேட்பாளரை அணுகியுள்ளனர்.ஆனால், வேட்பாளரோ, 'சமுதாயம் என்ற பெயரில், ஓட்டு போடுவதாக தெரிவிக்க வேண்டாம்; இதனால், இதர சமுதாய மக்களின் ஓட்டுகள் சிதற கூடும். ஏற்கனவே, இந்த தொகுதியில் வெற்றிபெற்ற என் மீது, பாசம் உள்ளவர்கள் ஓட்டு போடுவர். வாக்காளர்களை பிரிக்க வேண்டாம்' என கூறியுள்ளார். இதனால், ஆதரவு அளிப்பதாக கூறிய கிளம்பிய குழுவினர் 'அப்செட்' ஆயினர்.