கோவை:உதயநிதி பிரசாரத்தின்போது, விதிகளை பின்பற்றாத தி.மு.க.,வினர் மீது தொண்டாமுத்துார் போலீசார் வழக்குப்பதிவு செய்தனர்.சட்டசபை தேர்தலை முன்னிட்டு பல்வேறு அரசியல் தலைவர்களும் தீவிர பிரசாரத்தில் ஈடுபட்டு வருகின்றனர். தி.மு.க., இளைஞரணி செயலாளர் உதயநிதி, கடந்த, 2ம் தேதி தொண்டாமுத்துார் பகுதியில் பிரசாரத்தில் ஈடுபட்டார். அதற்கான ஏற்பாடுகளை, தி.மு.க., நிர்வாகி மயில்வாகனன் செய்திருந்தார்.அனுமதி பெறாமல், கூட்டம் நடத்தப்பட்டது. அதில், 1,300க்கும் அதிகமானோர் பங்கேற்றனர்; சமூக இடைவெளி கடைபிடிக்கவில்லை. இத்தகைய விதிமீறல்களுக்காக, மயில்வாகனன் உள்ளிட்ட தி.மு.க.,வினர் மீது தொண்டாமுத்துார் போலீசார் வழக்குப்பதிவு செய்தனர்.