அரசியல் செய்தி

தமிழ்நாடு

தி.மு.க., - அ.தி.மு.க., சார்பில் பணப்பட்டுவாடா

Added : ஏப் 06, 2021 | கருத்துகள் (1)
Share
Advertisement
தமிழகம் முழுதும், தேர்தல் கமிஷன் கண்காணிப்பை மீறி, அ.தி.மு.க., மற்றும் தி.மு.க., சார்பில், வாக்காளர்களுக்கு பணப்பட்டுவாடா அமோகமாக நடந்தது. தமிழகத்தை பொறுத்தவரை, உள்ளாட்சி, சட்டசபை, லோக்சபா தேர்தல் என, எந்த தேர்தலாக இருந்தாலும், வாக்காளர்களுக்கு பணம் மற்றும் பரிசுப் பொருட்கள் வழங்குவது, சர்வ சாதாரணமாகி விட்டது. ஒவ்வொரு தேர்தலிலும், வாக்காளர்களுக்கு வழங்கப்படும்,

தமிழகம் முழுதும், தேர்தல் கமிஷன் கண்காணிப்பை மீறி, அ.தி.மு.க., மற்றும் தி.மு.க., சார்பில், வாக்காளர்களுக்கு பணப்பட்டுவாடா அமோகமாக நடந்தது. தமிழகத்தை பொறுத்தவரை, உள்ளாட்சி, சட்டசபை, லோக்சபா தேர்தல் என, எந்த தேர்தலாக இருந்தாலும், வாக்காளர்களுக்கு பணம் மற்றும் பரிசுப் பொருட்கள் வழங்குவது, சர்வ சாதாரணமாகி விட்டது.

ஒவ்வொரு தேர்தலிலும், வாக்காளர்களுக்கு வழங்கப்படும், பணத்தின் மதிப்பும், அதிகரித்தபடியே உள்ளது. பணப்பட்டுவாடாவை தடுக்க, தேர்தல் கமிஷன் பல்வேறு நடவடிக்கை எடுத்தாலும், அது பலன் அளிப்பதாக இல்லை.எப்போது பணம் தருவர் என, மக்கள் எதிர்பார்ப்பதும், பணம் கொடுப்பதை தடுத்து நடவடிக்கை எடுத்து, சம்பந்தப்பட்ட கட்சி ஆட்சிக்கு வந்தால், தங்களுக்கு சிக்கலாகும் என, உள்ளூர் அதிகாரிகள் பயப்படுவதும், கட்சியினருக்கு கொண்டாட்டமாக உள்ளது.இந்த தேர்தலில், வழக்கம் போல பணப் பட்டுவாடாவை தடுக்க, தேர்தல் கமிஷன், பறக்கும் படை, நிலை கண்காணிப்பு குழு அமைத்து, வாகன சோதனை நடத்துதல், வங்கி பரிவர்த்தனை கண்காணிப்பு, வருமான வரி சோதனை என, தீவிரப்படுத்தியது.

இதுகுறித்து சிறிதும் கவலைப்படாத, அரசியல் கட்சியினர், அனைத்தையும் வேடிக்கை பார்த்தபடி இருந்தனர். நேற்று முன்தினம், அ.தி.மு.க., -தி.மு.க., சார்பில் பணப்பட்டுவாடா துவங்கியது.அ.தி.மு.க., சார்பில், பெரும்பாலான தொகுதிகளில், ஓட்டுக்கு, 500 ரூபாய் வழங்கப்பட்டது. சில தொகுதிகளில், 1,000 ரூபாய் வழங்கப்பட்டு உள்ளது. கடந்த, 2016 சட்டசபை தேர்தலில், 200 ரூபாய் மட்டுமே வழங்கினர்.அதேபோல, அ.தி.மு.க.,வுக்கு இணையாக, தி.மு.க., தரப்பிலும், 500 ரூபாய் வழங்கப்பட்டது. சில தொகுதிகளில், 1,000 ரூபாய் வழங்கப்பட்டது.

தி.மு.க., கூட்டணி கட்சிகளும், தி.மு.க.,வுக்கு இணையாக பணப்பட்டுவாடா செய்தன. ஆனால், அ.தி.மு.க., கூட்டணி கட்சியான பா.ம.க., சார்பில், சில தொகுதிகளில், 300 ரூபாய் மட்டும் வழங்கப்பட்டுள்ளது.கடந்த தேர்தல்களில், 30 முதல், 40 சதவீதம் பேருக்கு மட்டும், ஓட்டுக்கு பணம் வழங்கப்பட்டது. இம்முறை, 70 சதவீதம் பேருக்கு பணம் வழங்கப்பட்டதாக, கட்சி நிர்வாகிகள் தெரிவித்தனர்.அ.தி.மு.க., - தி.மு.க., வுக்கு அடுத்தபடியாக, சில தொகுதிகளில், அ.ம.மு.க., சார்பில், 300 ரூபாய் வழங்கப்பட்டுள்ளது. அ.தி.மு.க., - தி.மு.க., ஆகிய இரு கட்சிகளும், பணத்தை வாரி இறைத்துள்ள நிலையில், மக்கள் என்ன முடிவெடுக்கப் போகின்றனர் என்பது, மே, 2ல் தான் தெரியும்.

Advertisement


வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
RajanRajan - kerala,இந்தியா
06-ஏப்-202112:28:28 IST Report Abuse
RajanRajan பணப்பட்டுவாடாவை தடுக்க, தேர்தல் கமிஷன் பல்வேறு நடவடிக்கை எடுத்தாலும், அது பலன் அளிப்பதாக இல்லை. இங்கே பல்வேறு நடவடிக்கைகள் தேவை இல்லை. ஒரே ஒரு நடவடிக்கை மட்டுமே போதும். அது இன்னாது ? லஞ்சம் கொடுக்கிறவனை அப்படியே கோடுபோய் தூக்கிலிடப்படுவர் என ஒரு சட்டம் போட்டு தொங்கவிடுங்க . அப்புறம் எவன் கொடுக்கிறான் எவன் தொங்குறன்னு ஒரு கை பார்த்துடுவோம் எப்படி வசதி
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X