யார் இந்த மத்வி ஹித்மா? சத்தீஸ்கரில் பரபரப்பு!

Added : ஏப் 06, 2021
Share
Advertisement
ராய்ப்பூர்:சத்தீஸ்கரில், சமீபத்தில் நடந்த நக்சல்களின் தாக்குதலில், 22 பாதுகாப்பு படை வீரர்கள் பலியாயினர். இதனால், நக்சல் தலைவர் மத்வி ஹித்மா, மீண்டும் பரபரப்பில் சிக்கியுள்ளார்.சத்தீஸ்கரில், முதல்வர் பூபேஷ் பாஹெல் தலைமையிலான, காங்., அரசு அமைந்துள்ளது. மாநிலத்தில், நக்சல் பிரச்னை அதிகமாக உள்ளது.இங்குள்ள பாஸ்டர் வனப் பகுதியில், சமீபத்தில், பாதுகாப்பு படையினருக்கும்,

ராய்ப்பூர்:சத்தீஸ்கரில், சமீபத்தில் நடந்த நக்சல்களின் தாக்குதலில், 22 பாதுகாப்பு படை வீரர்கள் பலியாயினர். இதனால், நக்சல் தலைவர் மத்வி ஹித்மா, மீண்டும் பரபரப்பில் சிக்கியுள்ளார்.

சத்தீஸ்கரில், முதல்வர் பூபேஷ் பாஹெல் தலைமையிலான, காங்., அரசு அமைந்துள்ளது. மாநிலத்தில், நக்சல் பிரச்னை அதிகமாக உள்ளது.இங்குள்ள பாஸ்டர் வனப் பகுதியில், சமீபத்தில், பாதுகாப்பு படையினருக்கும், நக்சல்களுக்கும் நடந்த துப்பாக்கிச் சண்டையில், 22 வீரர்கள் கொல்லப்பட்டனர்.

இதனால், இப்பகுதியில் நக்சல்களின் தலைவராக செயல்படும் மத்வி ஹித்மா மீது, அனைவரது கவனமும் திரும்பிஉள்ளது. பல ஆண்டுகளாக பாதுகாப்பு படையினரால் தேடப் படும், நக்சல் பிரிவின் முக்கிய தலைவராக மத்வி ஹித்மா உள்ளார்.ஆனால், அவர் எப்படி இருப்பார், அவரது வயது என்ன என்பதுகூட, பாதுகாப்பு படையினருக்கு உறுதியாக தெரியாது. இவரது வயது, 45 இருக்கலாம் என, மதிப்பிடும் அதிகாரிகள், பல ஆண்டுகளுக்கு முன் எடுத்த, அவரது புகைப்படங்களை மட்டுமே கையில் வைத்துள்ளனர்.

அவற்றின் உதவியுடன் மத்வியை பிடிக்க முடியாததால், அவரது தலைக்கு மாநில அரசு, 40 லட்சம் ரூபாய் பரிசு அறிவித்துள்ளது.நக்சல்கள் மிகப்பெரிய தாக்குதல் நடத்தும் போதெல்லாம், மத்வியை தேடும் பணிகளை பாதுகாப்பு படையினர் முடுக்கி விடுவர். இதன்படி, தற்போது மீண்டும் மத்வி ஹித்மா பரபரப்பில் சிக்கியுள்ளார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X