சென்னை:சென்னை, மயிலாப்பூர் தொகுதிக்கு உட்பட்ட, மந்தைவெளி ஸ்ரீ சைதன்யா டெக்னோ பள்ளி வளாகத்தில் உள்ள ஓட்டுச்சாவடியில், நடிகை குஷ்பு ஓட்டு போட்டார்.

பின், அவர் கூறியதாவது:மக்கள் அனைவரும், ஐந்து ஆண்டுகளுக்கு ஒரு முறை நடக்கும் தேர்தலில், தங்கள் உரிமையை, ஜனநாயக கடமையை நிலைநாட்ட, வீட்டை விட்டு வெளியே வந்து, ஓட்டு போட வேண்டும். தேர்தல் மிக சிறப்பாக நடக்கிறது; 80 சதவீதம் ஓட்டுகள் பதிவாகும் என, நினைக்கிறேன்.

ஆயிரம் விளக்கு தொகுதி உட்பட, தமிழகத்தில் பல்வேறு பகுதிகளில், தி.மு.க., வினர் பண பட்டுவாடா செய்துள்ளனர். பணப் பட்டுவாடாவில் அவர்கள், 'பேமஸ்' ஆனவர்கள்.இது குறித்து, தேர்தல் கமிஷனில் புகார் அளிக்கப்பட்டுள்ளது. இவ்வாறு, குஷ்பு கூறினார்.