முதுகுளத்துார் : முதுகுளத்துார் அருகே கண்டிலான் ஓட்டுச்சாவடி மையத்தில் மேற்கூரை இடிந்து விழுந்ததால் ஓட்டு அளிக்க வரிசையில் காத்திருந்த 5 பேர் காயமடைந்தனர்.
முதுகுளத்துார் தொகுதி கண்டிலான் ஓட்டுச்சாவடி மையத்தில் மரவெட்டி,கண்டிலான்,விளாத்திக்கூட்டம் கிராமத்தை சேர்ந்த 626 வாக்காளர்கள் உள்ளனர். கண்டிலான் சமுதாயகூடத்தில் ஓட்டுசாவடி மையம் அமைக்கப்பட்டிருந்தது. ஓட்டுபதிவு துவங்கிய அரை மணி நேரத்தில் மழைபெய்தது. ஓட்டுச்சாவடி மையத்தின்முன்பு ஓட்டு அளிப்பதற்காக வாக்காளர்கள் வரிசையில் காத்திருந்த போது சமுதாய கூடத்தின் சிமென்ட்மேற்கூரை இடிந்து விழுந்தது.
இதில் மரவெட்டி தாமோதரன் 60,கண்டிலான் புவனேஸ்வரி 24,விளாத்திகூட்டம் முனியசாமி 40,பூமிகிருஷ்ணன் 40,முருகன் 40 ஆகிய 5 பேரும் காயமடைந்து சிகிச்சைக்காக முதுகுளத்துார் அரசு மருத்துவமனையில் அனுமதிக்கப்பட்டனர்.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
