ஊட்டி:ஊட்டியில் உள்ள ஜோசப் பள்ளி ஓட்டு சாவடியில், நேற்று காலை, 40 ஓட்டுக்கள் பதிவான நிலையில், மின்னணு இயந்திரம் பழுதானது. பின், மாற்று இயந்திரம் பயன்படுத்தி ஓட்டுப்பதிவு நடந்தது.ஓட்டுப்பதிவு முடிந்து இரவு, 7:00 மணிக்கு பின், 'சீல்' வைக்கப்பட்டது. இந்நிலையில், மாற்று இயந்திரம் மாற்றப்பட்டது குறித்து பா.ஜ., நிர்வாகிகளுக்கு தகவல் தெரிவிக்கவில்லை என, குற்றம் சாட்டி, ஓட்டு சாவடி மையத்தை முற்றுகையிட்டனர். இதனால், தி.மு.க.,- பா.ஜ.., கட்சிகளுக்கு இடையே வாக்குவாதம் ஏற்பட்டு, பிரச்னை ஏற்படும் சூழல் உருவானது. தாசில்தார் குப்புராஜ் பேச்சு நடத்தினார். இதை தொடர்ந்து இரு கட்சியினரும் கலைந்து சென்றனர். மின்னணு இயந்திரம் 'சீல்' வைக்கப்பட்டு பாதுகாப்புடன் எடுத்து செல்லப்பட்டது.