சென்னை:'தமிழகத்தில், நல்லாட்சி தொடர வேண்டும் என்ற எண்ணத்தில், அ.தி.மு.க., தலைமையிலான வெற்றிக் கூட்டணிக்கு ஓட்டளித்த, தமிழக மக்களுக்கு நன்றி' என, பா.ம.க., நிறுவனர் ராமதாஸ் கூறியுள்ளார்.அவரது அறிக்கை:தமிழகத்திலுள்ள, 234 தொகுதிகளில், பதிவான ஓட்டுக்களின் சதவீதத்தின், துல்லியமான கணக்கு, இன்று அல்லது நாளை வெளியிடக் கூடும்.ஓட்டுப்பதிவின் அளவு, வாக்காளர்களின் உடல் மொழி, பொதுவான மக்களின் மனநிலை ஆகியவற்றை ஆராய்ந்து பார்க்கும் போது, தமிழகம் நல்லவர்களின் கைகளில் பாதுகாப்பாக இருக்க வேண்டும்; தமிழகத்தில் நல்லாட்சி தொடர வேண்டும் என்ற எண்ணத்தில், பெருவாரியான மக்கள், அ.தி.மு.க., மற்றும் பா.ம.க., அணிக்கு, ஓட்டு அளித்திருப்பது உறுதியாகிறது.தமிழகத்தில், நல்லாட்சி தொடர வேண்டும் என்ற எண்ணத்தில், அ.தி.மு.க., தலைமையிலான வெற்றிக் கூட்டணிக்கு ஓட்டளித்த, மக்களுக்கு நன்றி.இவ்வாறு, ராமதாஸ் கூறியுள்ளார்.