குன்னுார்:குன்னுார் பகுதியில், பல பழங்குடியின கிராமங்கள் உள்ளன. இந்த கிராம மக்கள் நேற்று காலை முதல், ஆர்வத்துடன் ஓட்டுகளை பதிவு செய்தனர்.

குன்னுார்- மேட்டுப்பாளையம் சாலை பர்லியார் ஓட்டுச்சாவடி மையத்திற்கு, புதுக்காடு கோழிக்கரை உள்ளிட்ட பகுதிகளை சேர்ந்த குரும்பர் இன ஆதிவாசி மக்கள், வனப்பகுதியில் 3 கி. மீ., துாரம், நடந்து சென்று ஓட்டளித்தனர்.பழங்குடியின பெண்கள் கூறுகையில்,'பல தேர்தல்களிலும் இதே போல நடந்து வந்து தான் ஓட்டளித்தோம். எங்கள் கிராமங்களுக்கு பெரும்பாலும் பிரசாரத்துக்கு கூட வேட்பாளர்கள் வருவதில்லை. ஆனால், ஓட்டுபோடுவது எங்கள் கடமை' என்றனர்.