பொது செய்தி

இந்தியா

கேரளா, அசாம், மேற்கு வங்கத்தில் ஓட்டுப் பதிவு எவ்வளவு?

Updated : ஏப் 07, 2021 | Added : ஏப் 07, 2021 | கருத்துகள் (2)
Share
Advertisement
கேரளாவில், முதல்வர் பினராயி விஜயன் தலைமையிலான, இடது ஜனநாயக முன்னணி கூட்டணி அரசு அமைந்துள்ளது. இங்குள்ள, 140 தொகுதிகளுக்கு, ஒரே கட்டமாக தேர்தல் நடந்தது. இதில், 73.58 சதவீத ஓட்டுகள் பதிவானதாக, தேர்தல் கமிஷன் தெரிவித்துள்ளது.பகலில் விறுவிறுப்பாக ஓட்டுப் பதிவு நடந்தது. மதியத்துக்குப் பின், பரவலாக மழை பெய்ததால், ஓட்டுப் பதிவில் தொய்வு ஏற்பட்டது. இந்தத் தேர்தலில், மொத்தம், 957 பேர்
Kerala, Assam, West Bengal, Voting, polling

கேரளாவில், முதல்வர் பினராயி விஜயன் தலைமையிலான, இடது ஜனநாயக முன்னணி கூட்டணி அரசு அமைந்துள்ளது. இங்குள்ள, 140 தொகுதிகளுக்கு, ஒரே கட்டமாக தேர்தல் நடந்தது. இதில், 73.58 சதவீத ஓட்டுகள் பதிவானதாக, தேர்தல் கமிஷன் தெரிவித்துள்ளது.

பகலில் விறுவிறுப்பாக ஓட்டுப் பதிவு நடந்தது. மதியத்துக்குப் பின், பரவலாக மழை பெய்ததால், ஓட்டுப் பதிவில் தொய்வு ஏற்பட்டது. இந்தத் தேர்தலில், மொத்தம், 957 பேர் போட்டியிடுகின்றனர்.


அசாம்:


முதல்வர் சர்பானந்தா சோனாவால் தலைமையிலான, பா.ஜ., அரசு அமைந்துள்ள அசாமுக்கு, மூன்று கட்டங்களாக சட்டசபை தேர்தல் அறிவிக்கப்பட்டது. அங்கு, 12 மாவட்டங்களில் உள்ள, 40 தொகுதிகளுக்கு, மூன்றாம் கட்டமாக, நேற்று தேர்தல் நடந்தது.ஒரு சில சிறு சம்பவங்களைத் தவிர, மாநிலம் முழுதும் எந்தவித அசம்பாவிதமும் இல்லாமல் அமைதியாக தேர்தல் நடந்ததாக, தேர்தல் கமிஷன் தெரிவித்துள்ளது.

மொத்தம், 82.28 சதவீத ஓட்டுகள் பதிவாயின. பல ஓட்டுச் சாவடிகளில், முதலில் ஓட்டுப் போட வந்தவர்களுக்கு, மரக்கன்றுகள் வழங்கப் பட்டன. சில இடங்களில் முதியோருக்கு, அசாமில் பிரபலமான, 'கமோசாஸ்' சால்வை பரிசாக வழங்கப்பட்டது.


latest tamil news




மேற்கு வங்கம்:


முதல்வர் மம்தா பானர்ஜி தலைமையிலான, திரிணமுல் காங்., அரசு அமைந்துள்ள மேற்கு வங்கத்துக்கு, எட்டு கட்டங்களாக தேர்தல் அறிவிக்கப்பட்டு உள்ளது.

முந்தைய இரண்டு கட்டங்களைப் போலவே, மூன்றாம் கட்டத் தேர்தலிலும், பல இடங்களில் வன்முறை சம்பவங்கள் நடந்தன.இரண்டு பெண்கள் உட்பட, ஐந்து வேட்பாளர்கள், மாற்றுக் கட்சியினரால் தாக்கப்பட்டதாக செய்திகள் தெரிவிக்கின்றன. மொத்தமுள்ள, 294 தொகுதிகளில், 30 தொகுதிகளில், நேற்று ஓட்டுப் பதிவு நடந்தது.

வன்முறைச் சம்பவங்கள் ஒரு பக்கம் இருந்தாலும், மக்கள் ஆர்வமுடன் வாக்களித்தனர். மொத்தம், 77.68 சதவீத ஓட்டுகள் பதிவானதாக, தேர்தல் கமிஷன் தெரிவித்துள்ளது. ''ஒரு குறிப்பிட்ட கட்சிக்கு ஆதரவாக, மத்தியப் படைகளும், தேர்தல் கமிஷனும் செயல்படுகின்றன,'' என, மம்தா பானர்ஜி மீண்டும் குற்றஞ்சாட்டினார்.

Advertisement




வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.V. Iyer - Singapore,சிங்கப்பூர்
07-ஏப்-202116:22:47 IST Report Abuse
J.V. Iyer கேராவில் 140 தொகுதிகளில் பாஜகவுக்கு 83 இடங்கள். மேற்கு வங்கத்தில் முதன் முறையாக மெஜாரிட்டியில் ஆட்சியை பிடிக்கும். அஸ்ஸாமில் மீண்டும் பாஜக. தமிழ் நாட்டில் 20 க்கு 20 வெற்றி. அதிமுக கூட்டணியில் பதவி ஏற்பு. பாண்டியில் பாஜக அமோக வெற்றி.
Rate this:
Cancel
வெற்றிக்கொடி கட்டு - நாத்திக, தேசவிரோத கட்சிகளை ஆதரிக்காதீர்,இந்தியா
07-ஏப்-202111:23:42 IST Report Abuse
வெற்றிக்கொடி கட்டு தமிழகத்தை தவிர வேறு எங்கும் ஆளும் கட்சிக்கு எதிர்ப்பலைதான்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X