இந்திய மீனவர்கள் கொல்லப்பட்ட வழக்கு: உச்ச நீதிமன்றத்தில் நாளை விசாரணை

Updated : ஏப் 07, 2021 | Added : ஏப் 07, 2021 | கருத்துகள் (4)
Share
Advertisement
புதுடில்லி : கடந்த, 2012 பிப்ரவரியில், இரண்டு இந்திய மீனவர்களை, இத்தாலி மாலுமிகள் சுட்டுக் கொன்ற வழக்கை முடித்து வைக்க கோரிய மத்திய அரசின் மனு, நாளை விசாரணைக்கு எடுத்துக் கொள்ளப்படும் என, உச்ச நீதிமன்றம் நேற்று கூறியது.கடந்த, 2012 பிப்ரவரியில், இந்தியாவைச் சேர்ந்த இரண்டு மீனவர்கள், கேரள கடல் பகுதியில் மீன் பிடித்துக் கொண்டிருந்தனர். அப்போது, அவ்வழியே ஐரோப்பிய நாடான,
மீனவர்கள்,வழக்கு, உச்ச நீதிமன்றம்

புதுடில்லி : கடந்த, 2012 பிப்ரவரியில், இரண்டு இந்திய மீனவர்களை, இத்தாலி மாலுமிகள் சுட்டுக் கொன்ற வழக்கை முடித்து வைக்க கோரிய மத்திய அரசின் மனு, நாளை விசாரணைக்கு எடுத்துக் கொள்ளப்படும் என, உச்ச நீதிமன்றம் நேற்று கூறியது.

கடந்த, 2012 பிப்ரவரியில், இந்தியாவைச் சேர்ந்த இரண்டு மீனவர்கள், கேரள கடல் பகுதியில் மீன் பிடித்துக் கொண்டிருந்தனர். அப்போது, அவ்வழியே ஐரோப்பிய நாடான, இத்தாலியை சேர்ந்த, 'எம்வி என்ரிக்கா லெக்ஸி' என்ற எண்ணெய் கப்பல் வந்தது.மீனவர்களை கடல் கொள்ளையர் என, தவறாக நினைத்து, இத்தாலிய கப்பலில் இருந்தவர்கள் துப்பாக்கிச் சூடு நடத்தினர். இதில், இரண்டு இந்திய மீனவர்கள் பலியாயினர்.


latest tamil news




உரிய இழப்பீடு



இந்த வழக்கில், இத்தாலிய கப்பலைச் சேர்ந்த மாலுமிகள், சால்வடோர் கிரோனி மற்றும் மாசிமிலியானோ லாடோர் ஆகியோர் கைது செய்யப்பட்டனர். சிறையில் அடைக்கப்பட்ட இருவருக்கும், 2014 மற்றும் 2016 காலகட்டத்தில் நிபந்தனை ஜாமின் வழங்கப்பட்டது. இருவரும் தங்கள் நாட்டுக்கு செல்லவும் அனுமதிக்கப்பட்டனர்.இந்நிலையில், இவர்கள் மீதான வழக்கு, சிறப்பு நீதிமன்றத்தில் நடைபெற்று வந்தது. இந்த வழக்கை முடித்து வைக்குமாறு, மத்திய அரசு, கடந்த ஆண்டு உச்ச நீதிமன்றத்தில் மனு தாக்கல் செய்தது.

மனுவை விசாரித்த உச்ச நீதிமன்றம், உயிரிழந்த மீனவர்கள் குடும்பத்தினரை விசாரிக்காமல், வழக்கை முடித்து வைக்க முடியாது என்று கூறியது. மேலும், மீனவர் குடும்பங்களுக்கு உரிய இழப்பீடு வழங்கவும் உத்தரவிட்டது.இந்நிலையில், தலைமை நீதிபதி எஸ்.ஏ.பாப்டே தலைமையிலான அமர்வு முன், இந்த வழக்கு நேற்று மீண்டும் விசாரணைக்கு வந்தது.அப்போது, மத்திய அரசு தரப்பில் சொலிசிட்டர் ஜெனரல் துஷார் மேத்தா ஆஜரானார்.


உத்தரவு



உயிரிழந்த மீனவர்கள் குடும்பத்தினருக்கு உரிய இழப்பீடுகள் வழங்கப்பட்டு விட்டதாகவும், அவர்கள் நீதிமன்றத்தின் முன் ஆஜர்படுத்தப்பட்டுள்ளதாகவும் தெரிவித்தார்.மேலும், இந்த வழக்கு இந்தியா - இத்தாலி அரசு இடையேயான விவகாரம் என்பதால், அவசர வழக்காக விசாரிக்க கோரினர்.இதையடுத்து, 'இந்த வழக்கு நாளை விசாரணைக்கு எடுத்துக் கொள்ளப்படும்' என, நீதிபதிகள் உத்தரவிட்டனர்.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Kalyan Singapore - Singapore,சிங்கப்பூர்
08-ஏப்-202112:36:56 IST Report Abuse
Kalyan Singapore கப்பலை முன் முறித்து படகை செலுத்தினால் அந்த தடவை படகில் மிக நிறைய மீன் பிடிக்கலாம் என்ற நப்பிக்கை கேரளா மீனவர்களிடையே உண்டு அவ்வாறு செலுத்தும்போது அந்த படகை கடல் கொள்ளைக்காரர்கள் படகு என்று கப்பலின் தற்காப்பு சேனை மாலுமிகள் தவறாக கருதி சுட்டதாக கூறப்படுகிறது தவறு மீனவர்கள் மேல் தான் என்பதும் கப்பல்கள் நடத்தும் சங்கத்தில் பரவலாக எண்ணப்படும் கருத்து. ஆனால் இறந்தவர்கள் மலையாள படகோட்டிகள் ஆயிற்றே? உரிய அல்லது மிக அதிகமான இழப்பீடு வாங்காமல் விடுவார்களா என்ன?
Rate this:
Cancel
Hari - chennai,சவுதி அரேபியா
08-ஏப்-202110:04:23 IST Report Abuse
Hari இது சரி இல்லை நீதிக்கும் பணத்திற்கும் நியாயம் அநியாயம் அளவு கோல் ஆகாது .தவறு தவறுதான் தண்டனை கொடுப்பதுதான் மற்றவர்களுக்கும் இறையருள் நிலைக்கும் படிப்பினை ஆகும் பணம் கொடுத்துவிடடாள் யாரை வேணும் என்றாலும் கொள்ளலாம் என்றால் .பலபேர் கொலைகளை நியாயம் படுத்தி விடுவார்கள் ஜாக்கிரதை.
Rate this:
Cancel
Thulasingam Jayaram Pillai - Chenai,இந்தியா
08-ஏப்-202107:44:19 IST Report Abuse
Thulasingam Jayaram Pillai தமிழக மீனவர் கொல்லப் பட்டால் அவன் தமிழ்நாட்டு மீனவன் மற்ற மாநிலத்து மீனவரெல்லாம், கேரளத்து மீனவர்கள் கூட இந்திய மீனவர்கள் என்ன கொடுமையாடாஅ இது தமிழ்நாடு ஏன் தனிநாடாக பிரிக்கப் படுகிறது?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X