பொது செய்தி

இந்தியா

திரைப்பட தணிக்கை மேல்முறையீட்டு

Added : ஏப் 08, 2021
Share
Advertisement
புதுடில்லி:திரைப்பட தணிக்கை மேல்முறையீட்டு தீர்ப்பாயம் கலைக்கப்பட்டுள்ளதற்கு திரையுலகினர் எதிர்ப்பு தெரிவித்துள்ளனர்.கடந்த 2015 முதல் மத்திய அரசு பல்வேறு தீர்ப்பாயங்களை சீர்திருத்தும் நடவடிக்கைகளை மேற்கொண்டு வருகிறது. இதன்படி 26 தீர்ப்பாயங்களில் ஏழு தீர்ப்பாயங்கள் கலைக்கப்பட்டு உள்ளன. ஒரு சில தீர்ப்பாயங்கள் அதே போன்ற பணிகளை கையாளும் நீதிமன்றங்கள் மற்றும்

புதுடில்லி:திரைப்பட தணிக்கை மேல்முறையீட்டு தீர்ப்பாயம் கலைக்கப்பட்டுள்ளதற்கு திரையுலகினர் எதிர்ப்பு தெரிவித்துள்ளனர்.

கடந்த 2015 முதல் மத்திய அரசு பல்வேறு தீர்ப்பாயங்களை சீர்திருத்தும் நடவடிக்கைகளை மேற்கொண்டு வருகிறது. இதன்படி 26 தீர்ப்பாயங்களில் ஏழு தீர்ப்பாயங்கள் கலைக்கப்பட்டு உள்ளன. ஒரு சில தீர்ப்பாயங்கள் அதே போன்ற பணிகளை கையாளும் நீதிமன்றங்கள் மற்றும் அமைப்புகளுடன் இணைக்கப்பட்டுள்ளன.

இந்நிலையில் மத்திய சட்டம் மற்றும் நீதி அமைச்சகம் தீர்ப்பாயங்கள் சீர்திருத்த அவசர சட்டத்தை பிரகடனம் செய்துள்ளது.இதன்படி திரைப்பட தணிக்கை மேல்முறையீட்டு தீர்ப்பாயம் உள்ளிட்ட சில குறிப்பிட்ட தீர்ப்பாயங்கள் கலைக்கப்பட்டுள்ளன. திரைப்பட தணிக்கை மேல்முறையீட்டு தீர்ப்பாயத்தின் பணி நீதிமன்றத்திற்கு மாற்றப்பட்டுள்ளது. அதன்படி இனி ஒரு திரைப்படத்திற்கு மத்திய திரைப்பட தணிக்கை குழு சான்றளிக்க மறுத்தால் அல்லது குறிப்பிட்ட காட்சிகளை வெட்டுமாறு நிபந்தனை விதித்தால் திரைப்பட தயாரிப்பாளர் இனி உயர் நீதிமன்றங்களை அணுகித்தான் தீர்வு காண முடியும்.

தீர்ப்பாயத்தை நாட முடியாது.இது குறித்து ஹிந்தி திரைப்பட இயக்குனர்கள் விஷால் பரத்வாஜ் ஹன்சல் மேத்தா ஆகியோர் கூறியதாவது: இது இந்திய திரையுலகிற்கு ஒரு சோகமான நாள். மத்திய அரசு தன்னிச்சையாக தீர்ப்பாயத்தை கலைத்துள்ளது. திரையுலகினரை கட்டுப்படுத்த இந்த நடவடிக்கை எடுக்கப்பட்டுள்ளது. ஏற்கனவே உயர் நீதிமன்றங்களில் ஏராளமான வழக்குகள் தேங்கியுள்ளன. இப்போது திரைப்படங்கள் தொடர்பான வழக்கும் சேர்ந்தால் உரிய நேரத்தில் தயாரிப்பாளருக்கு எப்படி நீதி கிடைக்கும் என தெரியவில்லை.இவ்வாறு அவர்கள் கூறினர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X