தென்காசி:நடத்தையில் சந்தேகத்தால் மனைவியை கத்தியால் குத்தி கொலை செய்தார் கணவர். தடுத்த பெண்ணுக்கும் கத்தி குத்து விழுந்தது.

திருநெல்வேலி மாவட்டம் முக்கூடலை சேர்ந்தவர் ராஜகோபால் 28. இவர் அதே பகுதியை சேர்ந்த மல்லிகா 23 ,வை 3 ஆண்டுகளுக்கு முன்பு காதலித்து திருமணம் செய்துகொண்டார். ஆலங்குளத்தில் வசித்துவந்தனர்.ராஜகோபால், அங்குள்ள சலுான் கடையில் வேலை பார்த்தார்.

மல்லிகா, கேபிள்டிவி நிறுவனத்தில் வேலை பார்த்தார், மனைவியின் நடத்தையில் ராஜகோபாலுக்கு சந்தேகம் வந்தது.நேற்று மாலை 6:00 மணியளவில் கேபிள் டிவி அலுவலகத்தில் இருந்த மனைவியை கத்தியால் குத்தி கொலை செய்தார் ராஜகோபால். அதனை தடுத்த பக்கத்துவீட்டு பெண் மாரியம்மாள் 45, என்பவருக்கும் கத்திகுத்து விழுந்தது. ஆலங்குளம் போலீசார் ராஜகோபாலை கைது செய்தனர்.