பொது செய்தி

தமிழ்நாடு

கள்ளக்குறிச்சியில் கொரோனா பரவல் அதிகரிப்பு தனிமை வார்டுகள் தயார் செய்யும் பணி துவக்கம்

Added : ஏப் 08, 2021
Share
Advertisement
கள்ளக்குறிச்சி; கள்ளக்குறிச்சி மாவட்டத்தில் மீண்டும் கொரோனா தொற்று அதிகரிப்பதையொட்டி தனிமைபடுத்தப்பட்ட வார்டுகள் மீண்டும் தயார் செய்யப்பட்டு வருகிறது.கள்ளக்குறிச்சி மாவட்டத்தில் கொரோனா தொற்றினால் பாதிக்கப்பட்டவர்களை தனிமைபடுத்தி சிகிச்சை அளிப்பதற்காக, கள்ளக்குறிச்சி அரசு மருத்துவமனை, அரசு கலை மற்றும் அறிவியல் கல்லுாரி, தனியார் பள்ளி, கல்லுாரிகள்,

கள்ளக்குறிச்சி; கள்ளக்குறிச்சி மாவட்டத்தில் மீண்டும் கொரோனா தொற்று அதிகரிப்பதையொட்டி தனிமைபடுத்தப்பட்ட வார்டுகள் மீண்டும் தயார் செய்யப்பட்டு வருகிறது.கள்ளக்குறிச்சி மாவட்டத்தில் கொரோனா தொற்றினால் பாதிக்கப்பட்டவர்களை தனிமைபடுத்தி சிகிச்சை அளிப்பதற்காக, கள்ளக்குறிச்சி அரசு மருத்துவமனை, அரசு கலை மற்றும் அறிவியல் கல்லுாரி, தனியார் பள்ளி, கல்லுாரிகள், உளுந்துார்பேட்டை மாதிரி பள்ளி உட்பட பல்வேறு இடங்கள் தனிமைபடுத்தப்பட்ட வார்டுகளாக மாற்றப்பட்டன. அதேபோல், வெளிமாநிலங்களில் இருந்து சொந்த ஊருக்கு வருபவர்களை கண்காணிப்பதற்காக தனி இடம் அமைக்கப்பட்டது. கடந்த 2020ம் ஆண்டு செப்டம்பர் மாதம் முதல் கொரோனாவின் பரவல் வேகம் குறைந்தது. இதையொட்டி பள்ளி, கல்லுாரிகள் பழைய நிலைக்கு மாற்றப்பட்டன.இந்நிலையில், கொரோனா தொற்றின் 2வது அலை தற்போது பரவ தொடங்கியுள்ளது. கள்ளக்குறிச்சி மாவட்டத்தில் நேற்று நிலவரப்படி 99 பேர் கொரோனாவால் பாதிக்கப்பட்டு தனிமைபடுத்தப்பட்டுள்ளனர். தொற்றின் வேகம் அதிகரித்து வருவதால், நோயாளிகளின் எண்ணிக்கையும் உயர்ந்து வருகிறது. இதையொட்டி கள்ளக்குறிச்சி அரசு மருத்துவமனையில் தனிமைபடுத்தப்பட்ட வார்டு தயார் செய்யப்பட்டுள்ளது.கடந்த முறை ஒரே கட்டடத்தில் 100க்கும் மேற்பட்டோரை தனிமைபடுத்தியதால், சாப்பாடு வழங்குதல், கழிப்பிடம், தொலைவு உட்பட பல்வேறு பிரச்னைகள் ஏற்பட்டது. இந்த பிரச்னைகளை தவிர்ப்பதற்காக, தற்போது மாவட்டத்தில் உள்ள 9 ஒன்றியங்களிலும் 100 பெட்களுடன் தனிமைபடுத்தப்பட்ட வார்டு தயார் செய்ய திட்டமிடப்பட்டுள்ளது.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X