அரசியல் செய்தி

தமிழ்நாடு

பணம் ஆறாக பாய்ந்தும் என்ன பயன்? அரசியல் கட்சியினர் 'அப்செட்'

Updated : ஏப் 08, 2021 | Added : ஏப் 08, 2021 | கருத்துகள் (35)
Share
Advertisement
கோவை: கோவை மாவட்டத்தில் நேற்று முன்தினம் நடந்த தேர்தலில் பதிவான ஓட்டுக்கள், அரசியல் கட்சியினர் மத்தியில் அதிர்ச்சியை ஏற்படுத்தியுள்ளன.கோவை மாவட்டத்தில் நேற்று முன்தினம் நடந்த சட்டசபை தேர்தலில், அனைத்து தொகுதிகளிலுமே, பணம் ஆறாக பாய்ந்ததாக பரஸ்பரம் புகார் எழுந்தது. முந்தைய தேர்தல்களில் எல்லாம், ஓட்டுக்கு பணம் கொடுப்பது பற்றி ரகசியமாக பேசிக்கொண்டிருந்த அரசியல்
TN election 2021, Kovai, polling, voting

கோவை: கோவை மாவட்டத்தில் நேற்று முன்தினம் நடந்த தேர்தலில் பதிவான ஓட்டுக்கள், அரசியல் கட்சியினர் மத்தியில் அதிர்ச்சியை ஏற்படுத்தியுள்ளன.

கோவை மாவட்டத்தில் நேற்று முன்தினம் நடந்த சட்டசபை தேர்தலில், அனைத்து தொகுதிகளிலுமே, பணம் ஆறாக பாய்ந்ததாக பரஸ்பரம் புகார் எழுந்தது. முந்தைய தேர்தல்களில் எல்லாம், ஓட்டுக்கு பணம் கொடுப்பது பற்றி ரகசியமாக பேசிக்கொண்டிருந்த அரசியல் கட்சியினர், இந்த தேர்தலில் வெளிப்படையாகவே பேச ஆரம்பித்து விட்டனர்.

ஒரு கட்சியினர் ஆயிரம் ரூபாயில் ஆரம்பிக்க, இன்னொரு கட்சியினர், 500 ரூபாயில் ஆரம்பித்தனர். 'வீட்டுக்கு வீடு அவர்கள் கொடுத்தால், குறிப்பிட்ட சில காலனிக்காவது தர வேண்டாமா' என்று கேட்டு, பிரதான வேட்பாளர்கள் பணம் கொடுக்க ஆரம்பித்தனர். இதில், பூத் கமிட்டி, ஓட்டு சேகரிப்பவர்களுக்கு கொடுக்கும் பணம், வீட்டுக்கு வீடு பணம் வினியோகிப்பவர்களுக்கு கொடுத்தது எல்லாம் தனிக்கணக்கு.


latest tamil news


இப்படி பணம் ஆறாக தொகுதிக்குள் பாய்வதால், அதற்கு தகுந்தபடி ஓட்டுப்பதிவும் தாறுமாறாக அதிகரிக்கும் என்று பலரும் எதிர்பார்த்தனர். ஆனால், அப்படியொன்றும் பிரமாதமாக ஓட்டுப்பதிவு அதிகரிக்கவில்லை. தொண்டாமுத்துார் தொகுதியில் கடந்த 2016ல் 66.96 சதவீதமாக இருந்த ஓட்டுப்பதிவு, இந்த தேர்தலில் 71.04 சதவீதமாக அதிகரித்துள்ளது.

கோவை வடக்கில், முந்தைய தேர்தலில் 61.72 சதவீதமாக இருந்த ஓட்டுப்பதிவு, இந்த தேர்தலில் 59.08 ஆக சரிந்துள்ளது. வால்பாறையில் கடந்த தேர்தலை காட்டிலும், இந்த தேர்தலில் இரண்டு சதவீதம் ஓட்டுப்பதிவு குறைந்துள்ளது. மற்ற தொகுதிகளில், ஒரு சதவீதத்துக்கும் குறைவான வித்தியாசமே உள்ளது.'வழக்கமாக ஒவ்வொரு தேர்தலுக்கும் ஓட்டுப்போடுவோர் தான் இந்த முறையும் ஓட்டளித்துள்ளனர்.

பணம் ஆறாக பாய்ந்தும் பயன் ஒன்றும் இல்லை' என்கின்றனர், அரசியல் கட்சியினர். 'பணத்தால் ஓட்டுப்பதிவிலோ, தேர்தல் முடிவிலோ எந்த வித்தியாசமும் ஏற்படுத்த முடியாது என்ற நிலை ஏற்பட்டால் தான், ஓட்டுக்கு பணம் கொடுக்கும் அரசியல்வாதிகளுக்கு புத்தி வரும். பணம் கொடுக்காத வேட்பாளர்களுக்கும் மரியாதை வரும்' என்கின்றனர், நடுநிலை வாக்காளர்கள்.

Advertisement




வாசகர் கருத்து (35)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.V. Iyer - Singapore,சிங்கப்பூர்
08-ஏப்-202116:18:12 IST Report Abuse
J.V. Iyer எல்லோரும் பணம் வாங்கிக்கொண்டு அரசியல்வாதிகளுக்கு டாட்டா காட்டுகின்றனர். பலே
Rate this:
Cancel
Raj - Namakkal,சவுதி அரேபியா
08-ஏப்-202116:10:46 IST Report Abuse
Raj தேர்தல் கமிஷன், பறக்கும் படை, அமலாக்க துறை எல்லாம் எதிர் கட்சியினரை கண்காணிக்க மட்டும் தான்... இந்த அளவிற்கு பணப்பட்டுவாடா செய்து ஒட்டு வாங்கபடுகிறதென்றால் ஒட்டுமொத்த மத்திய, மநீல அரசின் சட்டம் ஒழுங்கு கிட்டு போனதை தெரிவிக்கிறது
Rate this:
Cancel
r.sundaram - tirunelveli,இந்தியா
08-ஏப்-202114:54:57 IST Report Abuse
r.sundaram அடுத்த தேர்தலில் பணம் கொடுக்க ஆலோசிப்பார்களா இல்லையா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X