அரசியல் செய்தி

தமிழ்நாடு

ஒரு லட்சம் பேர் ஓட்டளிக்கவில்லை; சீமான் தொகுதியில் தான் இந்த அவலம்

Added : ஏப் 08, 2021 | கருத்துகள் (71)
Share
Advertisement
திருவொற்றியூர்: திருவொற்றியூர் தொகுதியில், 1 லட்சத்திற்கும் அதிகமானோர், ஓட்டளிக்காத சம்பவம் அதிர்ச்சியை ஏற்படுத்தியுள்ளது.சென்னை, திருவொற்றியூர் தொகுதியில், 1 லட்சத்து, 55 ஆயிரத்து, 20 பெண்கள்; 1 லட்சத்து, 50 ஆயிரத்து, 803 ஆண்கள், மூன்றாம் பாலினத்தவர், 145 பேர் என, மொத்தம், 3 லட்சத்து, 5,968 வாக்காளர்கள் உள்ளனர். இந்த தொகுதியில், நட்சத்திர வேட்பாளரான நாம் தமிழர் கட்சியின் சீமான்,
TamilnaduElections, Seeman, Thiruvotriyur, Vote, Percentage, NTK, சீமான், நாம் தமிழர், திருவொற்றியூர், வாக்குப்பதிவு, ஓட்டுப்பதிவு

திருவொற்றியூர்: திருவொற்றியூர் தொகுதியில், 1 லட்சத்திற்கும் அதிகமானோர், ஓட்டளிக்காத சம்பவம் அதிர்ச்சியை ஏற்படுத்தியுள்ளது.

சென்னை, திருவொற்றியூர் தொகுதியில், 1 லட்சத்து, 55 ஆயிரத்து, 20 பெண்கள்; 1 லட்சத்து, 50 ஆயிரத்து, 803 ஆண்கள், மூன்றாம் பாலினத்தவர், 145 பேர் என, மொத்தம், 3 லட்சத்து, 5,968 வாக்காளர்கள் உள்ளனர். இந்த தொகுதியில், நட்சத்திர வேட்பாளரான நாம் தமிழர் கட்சியின் சீமான், தி.மு.க., கே.பி.சங்கர், அ.தி.மு.க., கே.குப்பன், ம.நீ.ம., மோகன், அ.ம.மு.க., சவுந்திரபாண்டியன் உட்பட, 20 வேட்பாளர்கள் களம் கண்டனர். ஆனால், திருவொற்றியூரில், எதிர்பார்த்த அளவிற்கு ஓட்டுகள் பதிவாகவில்லை, வெறும், 65 சதவீதம் ஓட்டுகள் மட்டுமே பதிவாயின. இது கட்சியினர் மற்றும் சமூக ஆர்வலர்களிடையே அதிர்ச்சியை ஏற்படுத்தியது.


latest tamil news


அதன்படி, 99 ஆயிரத்து, 789 ஆண்கள்; 99 ஆயிரத்து, 193 பெண்கள்; 14 மூன்றாம் பாலினத்தவர் என, 1 லட்சத்து, 98 ஆயிரத்து, 996 ஓட்டுகள் மட்டுமே பதிவாகியதாக தெரிகிறது. ஆண் வாக்காளர்கள் எண்ணிக்கையில் குறைவாக இருப்பினும், ஓட்டுப்பதிவில், 66.17 சதவீதமும், பெண் வாக்காளர்கள் எண்ணிக்கையில் அதிகம் இருப்பினும், ஓட்டு பதிவில், 64 சதவீதமும், மூன்றாம் பாலினத்தவர், 9.65 சதவீதம் பேர் மட்டுமே ஓட்டளித்துள்ளனர். இந்த தொகுதியில் மட்டும், 1 லட்சத்திற்கும் அதிகமான வாக்காளர்கள், அதாவது மூன்றில் ஒரு பங்கினர், தங்கள் ஜனநாயக கடமையை ஆற்ற தவறியுள்ளனர்.

தேர்தல் ஆணையம் கவனித்து, ஓட்டு போடாதவர்களின் பெயர்களை அதிரடியாக பட்டியலில் இருந்து நீக்கினால் தான், மறுமுறை ஓட்டு போட வேண்டும் என்ற எண்ணம் வரும் என, சமூக ஆர்வலர்கள் ஆதங்கம் தெரிவிக்கின்றனர். கடந்த ஆண்டு, 67.98 சதவீதம் ஓட்டுகள் பதிவாகியிருந்தது குறிப்பிடத்தக்கது.

Advertisement




வாசகர் கருத்து (71)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
shyamnats - tirunelveli,இந்தியா
14-ஏப்-202108:18:05 IST Report Abuse
shyamnats மக்களை ஓட்டு போட வைப்பதற்கு மிக எளிமையான தீர்வு உள்ளது. இப்பொழுது, நாடு முழுவதும் எங்கு வேண்டுமானாலும் ரேஷன் பொருட்கள் வாங்க முடிகிறது இல்லையா, அதுபோல நாட்டில் எங்கிருந்தாலும் ஆதார் கார்டை காண்பித்து ஓட்டளிக்க வசதி செய்தாலே எளிதாக தீரும். (முன்னதாக ஆதார் கார்டை நம்பிக்கைக்குரியதாக மாற்ற வேண்டும்- பெருவாரியான எண்ணிக்கையில் தமிழ் நாட்டிலேயே ரோஹிங்கிய முசுலீம்கல் ஆதார் முதலான அடையாளங்களை வைத்திருப்பதாக 2 நாள் முன்பாக மீடியாக்களில் வந்த தகவலை கவனிக்க - பின்னர் அசாம், மேகாலயா கதைகள் வேறு இருக்கின்றன). மக்கள் குடியுரிமை சட்டத்தையும், பொதுமக்கள் கணக்கெடுப்பையும் கண்டிப்புடன் அமல்படுத்த வேண்டும். நாட்டின் உண்மையான பிரஜைகள் பற்றி தகவல் வேண்டும். மற்ற நாட்டின் ஊடுருவிகள் கலையெடுக்க பட வேண்டும்.
Rate this:
Cancel
Tamil - chennai,இந்தியா
13-ஏப்-202120:03:00 IST Report Abuse
Tamil சீமான் வோட்டுக்கு பணம் கொடுக்காத காரணத்தால் திமுக சங்கர் மற்ற தொகுதி திமுக செலவு செத்தது போல இங்கு செலவு செய்திருக்க வாய்ப்புகள் இல்லை, எங்க எங்க பணம் கொடுக்கப்பட்டதோ அங்கு மட்டும் தான் தமிழ்நாட்டில் 70% வோட்டு தமிழ்நாட்டில் பதிவாகி உள்ளது, பணம் செலவு செய்யாமல் தேர்தல் நடத்தினால் ஐம்பது சதவிகிதம் மேல் வோட்டு விழாது, அதுவும் பொம்பளைங்க பணம் கொடுக்காவிட்டால் வோட்டு போடுவது இல்லை நல்லது தான் பணம் வாங்கிக்கொண்டு மானம் கெட்ட மக்கள் போடாமல் இருப்பதே நல்லது.
Rate this:
Cancel
Anushya Ganapathy - Bangalore,இந்தியா
12-ஏப்-202116:09:41 IST Report Abuse
Anushya Ganapathy இது எப்படி சீமான் தொகுதி ஆகும்? அவரு இப்போ தானே போட்டிபோடுறார். dmk சங்கர் க்கு தான் எங்கள் வோட்டு என்று தானே எல்லோரும் சொன்னாங்க. என்னமோ dmk, admk பேச்ச கேட்டு தெளிவா இருந்தவங்கள மூளைகளை சீமான் குழப்பி விட்டுட்டாருன்னு சிண்டு முடிச்சிவிடுறீங்க.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X