சம்பவம் செய்தி

தமிழ்நாடு

பிடிபட்ட காட்டு யானை முதுமலையில் விடுவிப்பு

Added : ஏப் 08, 2021
Share
Advertisement
கூடலுார்:மயக்க ஊசி செலுத்தி பிடிக்கப்பட்ட காட்டு யானை, முதுமலை வனப் பகுதியில் விடப்பட்டது. தர்மபுரி மாவட்டம் பென்னாகரம் அருகே, நெருப்பூர் வனப் பகுதியில் முகாமிட்ட, 15 வயதுடைய ஆண் காட்டு யானை, இரு வாரங்களாக ஊருக்குள் நுழைந்து, விவசாய பயிர்களை சேதப்படுத்தியதுடன், மக்களையும் அச்சுறுத்தி வந்தது. நேற்று முன்தினம், வனத் துறையினர், மயக்க ஊசி செலுத்தி யானையை
 பிடிபட்ட காட்டு யானை முதுமலையில் விடுவிப்பு

கூடலுார்:மயக்க ஊசி செலுத்தி பிடிக்கப்பட்ட காட்டு யானை, முதுமலை வனப் பகுதியில் விடப்பட்டது.

தர்மபுரி மாவட்டம் பென்னாகரம் அருகே, நெருப்பூர் வனப் பகுதியில் முகாமிட்ட, 15 வயதுடைய ஆண் காட்டு யானை, இரு வாரங்களாக ஊருக்குள் நுழைந்து, விவசாய பயிர்களை சேதப்படுத்தியதுடன், மக்களையும் அச்சுறுத்தி வந்தது. நேற்று முன்தினம், வனத் துறையினர், மயக்க ஊசி செலுத்தி யானையை பிடித்தனர்.நேற்று அதிகாலை, 4:30 மணிக்கு, நீலகிரி மாவட்டம், முதுமலை சீகூர் வனச்சரகம் அசுவராமட்டம் வனப் பகுதிக்கு கொண்டு வரப்பட்டது.

கால்நடை டாக்டர்கள் பரிசோதனை செய்து, மயக்கம் தெளிய ஊசி செலுத்தினர். காலை, 7:15க்கு, யானை வனப் பகுதியில் விடுவிக்கப்பட்டது.துணை இயக்குனர் ஸ்ரீகாந்த் கூறுகையில், ''யானை நல்ல ஆரோக்கியத்துடன் உள்ளது. அதன் நடமாட்டம் தொடர்ந்து கண்காணிக்கப் படும்,'' என்றார்.ஊர்மக்கள் கூறுகையில், 'வேறு பகுதியில் பிடிக்கப்படும் காட்டு யானைகள், தொடர்ந்து முதுமலையில் விடப்படுவதால், அவை ஊருக்குள் நுழைந்து மக்களை தாக்க வாய்ப்புஉள்ளது' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X