சம்பவம் செய்தி

தமிழ்நாடு

தமிழகத்தில் விவசாய நிலம் வாங்கி மருத்துவ கழிவு கொட்டிய கேரளா நபர்: 3 லாரிகளை சிறைபிடித்தனர் விவசாயிகள்

Updated : ஏப் 09, 2021 | Added : ஏப் 08, 2021 | கருத்துகள் (2)
Share
Advertisement
ஆனைமலை: பொள்ளாச்சி அடுத்த செமணாம்பதி அருகே, தமிழக எல்லையில், கேரள மாநில மருத்துவக்கழிவுகள், பிளாஸ்டிக்கழிவுகள் கொட்டிய, மூன்று லாரிகளை விவசாயிகள் சிறைபிடித்ததால் பரபரப்பு ஏற்பட்டது.கோவை மாவட்டம், பொள்ளாச்சி அடுத்த செமணாம்பதி, தமிழக - கேரள மாநில எல்லையாக உள்ளது. இங்கு, தமிழக எல்லைக்குள், இரட்டைமடை பிரிவு பகுதியில், தனியார் தோட்டத்தில் நேற்று காலை, மருத்துவக்கழிவுகள்
தமிழகத்தில் விவசாய நிலம் வாங்கி மருத்துவ கழிவு கொட்டிய கேரளா நபர்:  3 லாரிகளை சிறைபிடித்தனர் விவசாயிகள்

ஆனைமலை: பொள்ளாச்சி அடுத்த செமணாம்பதி அருகே, தமிழக எல்லையில், கேரள மாநில மருத்துவக்கழிவுகள், பிளாஸ்டிக்கழிவுகள் கொட்டிய, மூன்று லாரிகளை விவசாயிகள் சிறைபிடித்ததால் பரபரப்பு ஏற்பட்டது.

கோவை மாவட்டம், பொள்ளாச்சி அடுத்த செமணாம்பதி, தமிழக - கேரள மாநில எல்லையாக உள்ளது. இங்கு, தமிழக எல்லைக்குள், இரட்டைமடை பிரிவு பகுதியில், தனியார் தோட்டத்தில் நேற்று காலை, மருத்துவக்கழிவுகள் கொட்டிய, கேரள பதிவெண் கொண்ட மூன்று டிப்பர் லாரிகள், ஒரு பொக்லைன் இயந்திரத்தை விவசாயிகள் சிறைபிடித்தனர்; டிரைவர்கள் தப்பியோடினர்.ஆனைமலை தாசில்தார் வெங்கடாசலம் மற்றும் போலீசார் சோதனை செய்தனர். இதில், வனத்தை ஒட்டிய பகுதியில் பட்டா நிலத்தில் குழி தோண்டி, பல ஆண்டுகளாக, கேரள மாநிலம் திருச்சூர் பகுதியின் மருத்துவக் கழிவுகள், பிளாஸ்டிக் கழிவுகள் கொட்டி புதைக்கப்பட்டது தெரியவந்தது.

சம்பந்தப்பட்ட வாகனங்களை, வருவாய்த்துறையினர் பறிமுதல் செய்தனர். கேரள மாநிலம், திருச்சூரை சேர்ந்த, நில உரிமையாளர் சாஜு ஆண்டனி மீது வழக்குப்பதிவு செய்யப்பட்டுள்ளது.அந்த தனியார் நிலத்தில், மூன்றாண்டுகளுக்கும் மேலாக, பல இடங்களில் பெரிய பள்ளங்கள் தோண்டப்பட்டு, கழிவுகள் புதைக்கப்பட்டது தெரியவந்துள்ளது. இதற்காக, அங்கு எப்போதும் ஒரு பொக்லைன் இயந்திரம் நிறுத்தப்பட்டுள்ளது. கேரள கழிவுகளைக் கொண்டு வரும் வாகனங்களில், கேரள பொதுப்பணித்துறையின் மங்களம் அணைக்கான, 'ஆன் டூட்டி' என, போலி ஸ்டிக்கர் ஒட்டிக்கொண்டு வருவதை வழக்கமாக வைத்திருக்கின்றனர்.

Advertisement


வாசகர் கருத்து (2)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
M Ramachandran - Chennai,இந்தியா
09-ஏப்-202109:34:45 IST Report Abuse
M  Ramachandran தமிழ் நாட்டு மக்களின் அறியாமையை பயன்படுத்தி வைகோ, தி மு க்க மற்றும் அவரகள் தோழமை கட்சிகள் மக்கள் நலனை பத்தி கவலை படாமல் கிற்பபுத்தியுடன் பொய்யான குற்ற சாட்டுகள் கூறி போலி போராட்டங்கள் நடத்தி அயல் நாட்டினர் கொடுக்கும் பணத்திற்காக பல தொழிற்சாலைக்கு மூடு விழாச்செய்து தமிழ் நாட்டின் நலனை பின்னுக்கு தள்ளி அவர்கள் நலனுக்கு முக்கியத்துவம் கொடுப்பதால் பல நஷ்டங்களை பார்க்க வேண்டியிருக்கிறது. கேரளா அப்படியே அல்ல மக்களை ஏமாற்ற முடியாது. நம் பரிதாப நிலை.
Rate this:
Cancel
Svs Yaadum oore - chennai,இந்தியா
09-ஏப்-202106:21:46 IST Report Abuse
Svs Yaadum oore 20 ஆண்டுகளாக கேரளாக்காரன் இங்கே மருத்துவ கழிவுகளை கொட்டறான்...... கேரளாவில் சுற்று சூழல் மற்றும் சமூக அக்கறை தமிழ் நாட்டை விட அதிகம் ...இங்கே காசை கொடுத்தால் ஆற்று மணலை , அணை மதகு உடையும் வரை அள்ளி அதை கேரளாவிற்கு ஏற்றுமதி செய்யலாம்..கேரளாவில் ஒரு வாளி மணல் கூட அள்ள முடியாது ....புவி வெப்பமாகுது என்று கூவும் தி மு க பினாமி பூவுலகின் நண்பர் , தமிழ் நாட்டில் பல தொழில்கள் வர விடாமல் தடுத்து அவற்றை ஆந்திராவுக்கு அனுப்பினான் .....ஆனால் ஆற்று மணல் கொள்ளைக்கும் , மருத்துவ கழிவுகளை இங்கே கொட்டுவதற்கு இந்த பூவுலகின் நண்பர் வாயை திறக்காது ...காரணம் பணம் , ஸ்வீட் பாக்ஸ் ....காசு கொடுத்தால் புவி வெப்பமாவது நின்று போகும் ...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X