சம்பவம் செய்தி

தமிழ்நாடு

தந்தை கண்முன் மகன் வெட்டிக்கொலை

Added : ஏப் 09, 2021 | கருத்துகள் (8)
Share
Advertisement
சென்னை:சென்னை, கோயம்பேடில் தந்தை கண்முன்னே மகன் வெட்டி கொலை செய்யப்பட்டார். இதில் 2 சிறுவர்கள் உட்பட நான்கு பேரை போலீசார் கைது செய்தனர்.நெற்குன்றம் சக்தி நகர் படேல் சாலையைச் சேர்ந்தவர் நாராயணன் 23. நேற்று முன்தினம் இரவு வீட்டு வாசலில் இவர் நின்றிருந்தபோது மூன்று இருசக்கர வாகனங்களில் வந்த ஏழு பேர் கும்பல் தகராறு செய்தனர். வீட்டின் மாடியிலிருந்து பார்த்த அவரது தந்தை
 தந்தை கண்முன் மகன் வெட்டிக்கொலை

சென்னை:சென்னை, கோயம்பேடில் தந்தை கண்முன்னே மகன் வெட்டி கொலை செய்யப்பட்டார். இதில் 2 சிறுவர்கள் உட்பட நான்கு பேரை போலீசார் கைது செய்தனர்.

நெற்குன்றம் சக்தி நகர் படேல் சாலையைச் சேர்ந்தவர் நாராயணன் 23. நேற்று முன்தினம் இரவு வீட்டு வாசலில் இவர் நின்றிருந்தபோது மூன்று இருசக்கர வாகனங்களில் வந்த ஏழு பேர் கும்பல் தகராறு செய்தனர். வீட்டின் மாடியிலிருந்து பார்த்த அவரது தந்தை பிரம்மதேவன் 'யார் நீங்கள்...' எனக் கேட்டுள்ளார்.அதற்கு மர்மநபர்கள்பதில் அளிக்காமல் மறைத்து வைத்திருந்த அரிவாளால் நாராயணனை சரமாரியாக வெட்டி தப்பிச் சென்றனர்.

இதை பார்த்த அவரது தந்தை அலறியடித்து கீழே வந்தார். உடனே மகனை மீட்டு கீழ்ப்பாக்கம் மருத்துவமனைக்கு அழைத்துச் சென்றார்.அங்கு அவரை பரிசோதனை செய்த மருத்துவர்கள் அவர் இறந்த தகவலை தெரிவித்தனர். சம்பவம் குறித்து வழக்கு பதிவு செய்த கோயம்பேடு போலீசார் தீவிர விசாரணை மேற்கொண்டனர்.

இதில் பல்வேறு வழக்குகளில் தொடர்புடைய தனஞ்செயன் என்பவருக்கும் நாராயணனுக்கும் அடிக்கடி தகராறு ஏற்பட்டு வந்தது தெரியவந்தது. சில தினங்களுக்கு முன் நாராயணன் தன் நண்பர்களுடன்சேர்ந்து தனஞ்செயன் மற்றும் அவரது கூட்டாளிகள் சிலரையும் கத்தியால் வெட்டியுள்ளார்.இது குறித்து புகார் ஏதுவும் பதிவு செய்யாமல் பழிக்குப்பழி தீர்க்க வேண்டும் என்ற நோக்கத்துடன் தனஞ்செயனும் அவரது கூட்டாளிகளும் கண்காணித்து வந்துள்ளனர்.

இந்நிலையில் நேற்று முன்தினம் இரவு வீட்டிற்கு அருகே வைத்து கொலை செய்தது தெரிய வந்தது.இதுதொடர்பாக சாரதி 19, செல்வா 19 மற்றும் 17 வயது சிறுவர்கள் இருவர் என நான்கு பேரை போலீசார் நேற்று கைது செய்தனர். மேலும் தலைமறைவாக உள்ள தனஞ்செயன் மற்றும் கூட்டாளிகளை தேடி வருகின்றனர்.தந்தை கண்முன்னே மகன் அரிவாளால் வெட்டி கொடூரமாக கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

Advertisement


வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Malick Raja - jeddah,சவுதி அரேபியா
10-ஏப்-202116:22:19 IST Report Abuse
Malick Raja பல்வேறு குற்றங்களில் தொடர்புடையவர் நடமாடக்கூடிய உரிமையை இழந்தவர் .. சிறிய இரண்டு வழக்குகளுக்கு விதிவிலக்காக்கலாம் அதுவும் கொலை குற்றமாகவோ அடிதடியாகவோ இருக்கக்கூடாது . மற்றதற்கெல்லாம் உள்ளே வைத்து சோலியை முடிக்கலாம் .. சிங்கப்பூரில் மூன்றாமுறை குற்றம் செய்தால் அவர் உயிருடன் இருக்கவே முடியாது .. மூன்றாவது குற்றத்திற்கு மன்னிப்பு இல்லை .
Rate this:
Cancel
Natchimuthu Chithiraisamy - TIRUPUR,இந்தியா
10-ஏப்-202115:07:22 IST Report Abuse
Natchimuthu Chithiraisamy அரசே டிவி சீரியல்களை மிகவும் ஒழுங்கு படுத்தவேண்டும்
Rate this:
Cancel
Dr. Suriya - Adis Ababa,எத்தியோப்பியா
10-ஏப்-202112:07:48 IST Report Abuse
Dr. Suriya காதல் பின்னணியா இருக்கும் .......பசங்களோட வயச பாருங்க ....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X