குளத்தை ஆக்கிரமித்த 35 குடிசைகள் அகற்றம்| Dinamalar

பொது செய்தி

தமிழ்நாடு

குளத்தை ஆக்கிரமித்த 35 குடிசைகள் அகற்றம்

Added : ஏப் 20, 2021
Share
அன்னுார்:அன்னுார் குளத்தை ஆக்கிரமித்த, 35 குடிசைகளை பொதுப்பணித்துறையினர் நேற்று அகற்றினர்.அன்னுாரில், மேட்டுப்பாளையம் ரோட்டில், பொதுப்பணித்துறைக்கு சொந்தமான 119 ஏக்கர் குளம் உள்ளது. இந்த குளத்தில், 15 ஆண்டுகளுக்கு முன், 210 குடிசைகள் ஆக்கிரமித்திருந்தன. பொதுப்பணித்துறையினர் அதிரடியாக அவற்றை அகற்றினர். அங்கு வசித்து வந்த குடும்பங்களுக்கு, சொக்கம்பாளையம், வடக்கலூர்,
 குளத்தை ஆக்கிரமித்த 35 குடிசைகள் அகற்றம்

அன்னுார்:அன்னுார் குளத்தை ஆக்கிரமித்த, 35 குடிசைகளை பொதுப்பணித்துறையினர் நேற்று அகற்றினர்.அன்னுாரில், மேட்டுப்பாளையம் ரோட்டில், பொதுப்பணித்துறைக்கு சொந்தமான 119 ஏக்கர் குளம் உள்ளது. இந்த குளத்தில், 15 ஆண்டுகளுக்கு முன், 210 குடிசைகள் ஆக்கிரமித்திருந்தன. பொதுப்பணித்துறையினர் அதிரடியாக அவற்றை அகற்றினர். அங்கு வசித்து வந்த குடும்பங்களுக்கு, சொக்கம்பாளையம், வடக்கலூர், சாணம்பாளையம் உள்ளிட்ட பகுதிகளில் இடம் அளிக்கப்பட்டது.இந்நிலையில், சில ஆண்டுகளாக, மீண்டும் குளத்திலும், குளக்கரையிலும், ஆக்கிரமிப்புகள் அதிகரித்தன. கடந்த ஜனவரியில், பொதுப்பணித்துறையினர் ஆக்கிரமிப்பாளர்களிடம் இரண்டு மாத அவகாசம் அளித்து, குடிசையை காலி செய்யும்படி கூறினர். மார்ச் மாதம் காலி செய்வதாக ஆக்கிரமிப்பாளர்கள் தெரிவித்தனர். ஆனால், காலி செய்யவில்லை.இதையடுத்து, நேற்று மேட்டுப்பாளையம் பொதுப்பணித்துறை உதவி பொறியாளர் பொங்கியண்ணன் தலைமையில், ஊழியர்கள் பொக்லைன் இயந்திரத்தை பயன்படுத்தி, குளத்தில் இருந்த, 25 குடிசைகளையும், குளக்கரையில் இருந்த, 10 குடிசைகளையும் அகற்றினர்.குடிசைகளை அகற்றும்போது, குடியிருந்தவர்கள் தங்களது பொருட்களை எடுத்துச் செல்ல அவகாசம் அளிக்கப்பட்டது. குளத்திலிருந்த ஆக்கிரமிப்புகள் அகற்றப்பட்டதற்கு பொதுமக்கள் பாராட்டு தெரிவித்தனர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X