சிகிச்சை முடிந்தது வீடு திரும்பினார் முதல்வர்| Dinamalar

பொது செய்தி

தமிழ்நாடு

சிகிச்சை முடிந்தது வீடு திரும்பினார் முதல்வர்

Added : ஏப் 21, 2021
Share
சென்னை:குடலிறக்க சிகிச்சைக்காக, மருத்துவமனையில் அனுமதிக்கப்பட்ட, முதல்வர் பழனிசாமி.., சிகிச்சை முடிந்து, வீடு திரும்பினார்.சட்டசபை தேர்தலையொட்டி, முதல்வர் பழனிசாமி., தமிழகம் முழுதும்,வாகனத்தில் சுற்றுப்பயணம் செய்து, தேர்தல் பிரசாரம் செய்தார். கடந்த, 6ம் தேதி ஓட்டுப்பதிவு முடிந்தது .இந்நிலையில், கொரோனா நோய் பரவலை தடுக்க, தமிழகத்தில் மேற்கொள்ள வேண்டிய நடவடிக்கைகள்

சென்னை:குடலிறக்க சிகிச்சைக்காக, மருத்துவமனையில் அனுமதிக்கப்பட்ட, முதல்வர் பழனிசாமி.., சிகிச்சை முடிந்து, வீடு திரும்பினார்.

சட்டசபை தேர்தலையொட்டி, முதல்வர் பழனிசாமி., தமிழகம் முழுதும்,வாகனத்தில் சுற்றுப்பயணம் செய்து, தேர்தல் பிரசாரம் செய்தார். கடந்த, 6ம் தேதி ஓட்டுப்பதிவு முடிந்தது .இந்நிலையில், கொரோனா நோய் பரவலை தடுக்க, தமிழகத்தில் மேற்கொள்ள வேண்டிய நடவடிக்கைகள் குறித்து, இம்மாதம், 18ம் தேதி, தலைமை செயலர் மற்றும் அதிகாரிகளுடன், முதல்வர் பழனிசாமி.., ஆலோசனை நடத்தினார். அந்த கூட்டத்தில், பல்வேறு கட்டுப்பாடுகள் விதிக்க முடிவு செய்யப்பட்டு, அதற்கான அறிவிப்பு வெளியிடப்பட்டது.

அன்று மதியம், குடலிறக்க பிரச்னைக்காக, சென்னை, அமைந்தகரையில் உள்ள, தனியார் மருத்துவமனைக்கு முதல்வர் சென்றார். குடலிறக்க அறுவை சிகிச்சை மேற்கொள்ள, டாக்டர்கள் அறிவுறுத்தினர்.கொரோனா பரிசோதனையில், தொற்று பாதிப்பு இல்லை என்பது உறுதியானது. அதைத் தொடர்ந்து, நேற்று முன்தினம் காலை, தனியார் மருத்துவமனையில் அனுமதிக்கப்பட்டார். அவருக்கு குடலிறக்க அறுவை சிகிச்சை மேற்கொள்ளப்பட்டது.

சிகிச்சை முடிந்து, முதல்வர் பழனிசாமி., நேற்று காலை வீடு திரும்பினார். வீட்டில் மூன்று நாட்கள், முழு ஓய்வில் இருக்கும்படி, மருத்துவர்கள் அறிவுறுத்தி உள்ளனர்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X