பொது செய்தி

தமிழ்நாடு

இது உங்கள் இடம்: கேட்டால் கிடைக்கும்!

Updated : ஏப் 21, 2021 | Added : ஏப் 21, 2021 | கருத்துகள் (51)
Share
Advertisement
உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :அ.சேகர், கடலுாரிலிருந்து அனுப்பிய, 'இ - மெயில்' கடிதம்: நம் நாட்டில், மக்கள் பிரதிநிதியாவதற்கு முதல் தகுதியே, அவர் மெகா கோடீஸ்வரராக இருக்க வேண்டும் என்பது தான்.எம்.எல்.ஏ., பதவிக்கு போட்டியிட வேண்டும் என்றால், அவரிடம், 20 கோடி ரூபாய் வரை, சர்வ சாதாரணமாக செலவு செய்யும் அளவிற்கு, பண பலம்
Vote, TN election, Politics


உலக, நாடு, தமிழக நடப்புகள் பற்றி, வாசகர்கள் தினமலர் நாளிதழில் எழுதிய கடிதம் :


அ.சேகர், கடலுாரிலிருந்து அனுப்பிய, 'இ - மெயில்' கடிதம்: நம் நாட்டில், மக்கள் பிரதிநிதியாவதற்கு முதல் தகுதியே, அவர் மெகா கோடீஸ்வரராக இருக்க வேண்டும் என்பது தான்.எம்.எல்.ஏ., பதவிக்கு போட்டியிட வேண்டும் என்றால், அவரிடம், 20 கோடி ரூபாய் வரை, சர்வ சாதாரணமாக செலவு செய்யும் அளவிற்கு, பண பலம் வேண்டும். எம்.பி., பதவிக்கு எவ்வளவு செலவு செய்ய வேண்டும் என, நீங்களே கணக்குப் போட்டுக் கொள்ளுங்கள்!

தற்போது நடக்கும், ஐந்து மாநில சட்டசபைத் தேர்தலில், இதுவரையில், தேர்தல் ஆணைய அதிகாரிகளால் கைப்பற்றப்பட்ட பணம், 1,000 கோடி ரூபாய் என்பதும்; அதில், 446.28 கோடி ரூபாய் தமிழகத்தில் கைப்பற்றப்பட்டுள்ளது என்பதும் அதிர்ச்சியான செய்தி. மற்ற மாநிலங்களை விட, தமிழகத்தில் தான் மிக அதிகளவில் பணம் விளையாடியுள்ளது. தமிழக அரசியல்வாதிகள், எத்தனை கோடி ரூபாய் செலவு என்றாலும் பரவாயில்லை; மக்களுக்கு, 'சேவை' செய்ய வேண்டும் என்பதில் உறுதியாக இருக்கின்றனர்.

இந்த திராவிடக் கட்சிகள், மக்களுக்கு சேவை செய்ய, வேட்பாளர்களை தேர்வு செய்வதே, அவர்களின் பணபலத்தைக் கணக்கிட்டு தான். குறுக்கு வழியில், கோடிக்கணக்கான ரூபாய் சேர்த்திருக்கும் அந்த வேட்பாளர், எம்.எல்.ஏ., ஆனதும், ஒழுக்கமான மக்கள் சேவகராக மாறிவிடுவாரா? காமராஜர், கக்கன் போன்றோரை, இப்போது கட்சிகளே ஒதுக்கி விடும். தப்பித்தவறி யாராவது தேர்தலில் போட்டியிட்டால், அவரை மக்கள், படுதோல்வி அடைய செய்வர்.


latest tamil news


மக்களுக்கும் தெரியும், இனி நேர்மையானவர் யாரும் அரசியலுக்கு வர மாட்டார்கள் என்று.நடந்து முடிந்த தமிழக சட்டசபைத் தேர்தலில், இரு திராவிடக் கட்சிகளும், ஒவ்வொரு தொகுதிக்கும், கோடிக்கணக்கான ரூபாய் அனுப்பி வைத்துள்ளன. அவை, கடைநிலை வாக்காளர் வரை, 300 அல்லது 500 ரூபாயாக சென்றடைந்துள்ளது. ரேஷன் கடையில் விலையில்லா அரிசி வாங்கி, உயிர் வளர்க்கும் லட்சக்கணக்கான மக்கள் வாழும் தமிழகத்தில், ஒரு வேளை உணவுக்காக, பல கோடி ரூபாய் செலவழித்து, வெளிநாடு செல்லும் அளவிற்கு, மக்கள் பிரதிநிதிகள் செல்வச் செழிப்பில் உள்ளனர்.

எம்.எல்.ஏ.,வாக பொறுப்பேற்க உள்ள, 234 மெகா கோடீஸ்வரர்களிடம், நாம் கையேந்தி நிற்போம். அவர்கள், நம் வரிப்பணத்தில், நமக்கு விலையில்லா பொருட்களைக் கொடுத்து, நாட்டை கொள்ளையடிப்பர். நாம் கையேந்துவதையும், அவர்கள் கொள்ளையடிப்பதையும் நிறுத்தவே போவதில்லை! நம்மிடம் கொள்ளையடித்த பணம், கோடிக்கணக்கான ரூபாய், அரசியல்வாதிகளிடம் குவிந்துகிடக்கிறது. ஆகவே, அடுத்து வரும் தேர்தல்களில், 1,000 ரூபாய்க்கு விலை போகாமல், குறைந்தபட்சம், ஒரு லட்சம் ரூபாயாவது கேட்போம். அதை கொடுப்பதற்கும், வேட்பாளரிடம் பணம் இருக்கிறது; கேட்பதற்கு, நாம் தான் தயங்குகிறோம்.

Advertisement




வாசகர் கருத்து (51)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
21-ஏப்-202119:57:18 IST Report Abuse
ஸ்டாலின் :: தொலைக்காட்சி, ரேடியோவில் பேசுவதால் எந்த பலனும் கிடையாது. மாநிலங்களுக்கு எவ்வளவு ஒதுக்கி உள்ளீர்கள்? என்ன திட்டத்தை செயல்படுத்த போகியேறீர்கள்? இதில் தெளிவு வேண்டும். இது தேசிய பேரிடர் போன்றது, இதை மத்தியில் இருக்கும் அரசுதான் கையாளமுடியும் (ஏனெனில் வரி அனைத்தும் மத்தியில் செல்கிறது)
Rate this:
Cancel
தி.மு.க.,வின் இதய உதயசூரியன் உதயமாகிறது. - DMK வெற்றிக்கு பாடுபட்டோருக்கு நன்றி ,இந்தியா
21-ஏப்-202119:23:39 IST Report Abuse
 தி.மு.க.,வின் இதய உதயசூரியன் உதயமாகிறது. மோடி ராஜினாமா கேட்டல் கிடைக்குமா
Rate this:
Cancel
Sathyanarayanan Subramanian - Tambaram,இந்தியா
21-ஏப்-202118:35:27 IST Report Abuse
Sathyanarayanan Subramanian மக்கள் ஓட்டுக்கு பணம் என்று பழகிவிட்டால். இதில் எந்த திராவிட கட்சிகள் ஆட்சிக்கு வந்தால் என்ன...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X