பொது செய்தி

இந்தியா

செல்லமே... சென்னை வெல்லமே தித்திக்கும் 'ஹாட்ரிக்' வெற்றி

Updated : ஏப் 22, 2021 | Added : ஏப் 22, 2021 | கருத்துகள் (8)
Share
Advertisement
மும்பை : ஐ.பி.எல்., தொடரில் சென்னை அணி 'ஹாட்ரிக்' வெற்றி பெற்றது. நேற்று நடந்த லீக் போட்டியில் கோல்கட்டாவை 18 ரன்னில் வீழ்த்தியது. டுபிளசி 95, ருதுராஜ் 64 ரன்கள் எடுத்து கைகொடுத்தனர்.இந்தியாவில் 14வது சீசன் ஐ.பி.எல்., தொடர் நடக்கிறது. மும்பை வான்கடே மைதானத்தில் நேற்று நடந்த லீக் போட்டியில் தோனி தலைமையிலான சென்னை அணி, இயான் மார்கனின் கோல்கட்டாவை சந்தித்தது. 'டாஸ்'

மும்பை : ஐ.பி.எல்., தொடரில் சென்னை அணி 'ஹாட்ரிக்' வெற்றி பெற்றது. நேற்று நடந்த லீக் போட்டியில் கோல்கட்டாவை 18 ரன்னில் வீழ்த்தியது. டுபிளசி 95, ருதுராஜ் 64 ரன்கள் எடுத்து கைகொடுத்தனர்.



latest tamil news


சென்னை 'ஹாட்ரிக்' வெற்றி


இந்தியாவில் 14வது சீசன் ஐ.பி.எல்., தொடர் நடக்கிறது. மும்பை வான்கடே மைதானத்தில் நேற்று நடந்த லீக் போட்டியில் தோனி தலைமையிலான சென்னை அணி, இயான் மார்கனின் கோல்கட்டாவை சந்தித்தது. 'டாஸ்' வென்ற கோல்கட்டா அணி கேப்டன் இயான் மார்கன், பீல்டிங் தேர்வு செய்தார். சென்னை அணியில் பிராவோவுக்கு ஓய்வு தரப்பட்டு லுங்கிடி சேர்க்கப்பட்டார்.

டுபிளசி மிரட்டல்
சென்னை அணிக்கு டுபிளசி, ருதுராஜ் ஜோடி துவக்கம் கொடுத்தது. கடந்த மூன்று போட்டியில் ஏமாற்றிய ருதுராஜ், இம்முறை சுதாரித்துக் கொண்டார். இத்தொடரில் முதல் மற்றும் ஐ.பி.எல்., அரங்கில் நான்காவது அரைசதம் கடந்தார். பின் வருண் 'சுழலில்' ருதுராஜ் (64) அவுட்டானார். டுபிளசி ஐ.பி.எல்., அரங்கில் 17 வது அரைசதம் அடித்தார். மொயீன் அலி (25), தோனி (17) சற்று உதவினர். கம்மின்ஸ் வீசிய கடைசி ஓவரில் 2 சிக்சர் விளாசினார் டுபிளசி. சென்னை அணி 20 ஓவரில் 3 விக்கெட்டுக்கு 220 ரன்கள் குவித்தது. டுபிளசி (95 ரன், 60 பந்து), ஜடேஜா (1) அவுட்டாகாமல் இருந்தனர்.


latest tamil news



ரசல் ஆறுதல்
கடின இலக்கை துரத்திய கோல்கட்டா அணி, தீபக் சகார் 'வேகத்தில்' ஆட்டங்கண்டது. சுப்மன் (0), ராணா (9), மார்கன் (7), நரைன் (4) என வரிசையாக இவரிடம் சரண் அடைந்தனர். திரிபாதி (8) ஏமாற்றினார். ரசல் (54) 21 பந்தில் அரைசதம் அடிக்க, சற்று பதட்டம் ஏற்பட்டது. நல்ல வேளையாக இவரை சாம் கர்ரான் போல்டாக்கினார்.


latest tamil news



சாம் கர்ரானின் வீசிய 16வது ஓவரில் 30 ரன்கள் விளாசிய கம்மின்ஸ், 23 பந்தில் அரைசதம் அடிக்க, மீண்டும் 'டென்ஷன்' ஏற்பட்டது. மறுபக்கம் வருண் (0), கடைசி ஓவரில் பிரசித் (0) ரன் அவுட்டாக, கோல்கட்டா அணி 19.1 ஓவரில் 202 ரன்னுக்கு ஆல் அவுட்டானது. கம்மின்ஸ் (66) அவுட்டாகாமல் இருந்தார். கடைசி நேரத்தில் 18 ரன்னில் சென்னை வெற்றி பெற்றது, ரசிகர்களுக்கு வெல்லமாக இனித்தது.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
P SRIDHARAN - CHENNAI,இந்தியா
22-ஏப்-202117:06:33 IST Report Abuse
P SRIDHARAN இதெல்லாம் ஒரு வெற்றியா 221 ரன் அடிச்சுக்கூட கல்கத்தா ஆளுங்க அடிச்ச அடி பின்னி பெடலை புடிங்கிட்டானுங்க இதுல சிரிப்புவேற கண்றாவி MSD பேசாம ஓய்வு எடுத்தா நல்லது கம்மின்ஸ் ரஸ்ஸல் அடிச்ச அடி மரண அடி
Rate this:
Cancel
Raja Vardhini - Coimbatore,இந்தியா
22-ஏப்-202116:37:02 IST Report Abuse
Raja Vardhini நாட்ல அவனவன் செத்துக்கிட்டு இருக்கான்... இந்த லட்சணத்துல கிரிக்கெட் ஒண்ணுதான் கேடு....
Rate this:
Cancel
J.V. Iyer - Singapore,சிங்கப்பூர்
22-ஏப்-202116:18:59 IST Report Abuse
J.V. Iyer IPL மக்களை வீட்டிலேயே பாதுகாப்பாக இருக்கச்செய்வதற்கு நன்றி.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X