அரசியல் செய்தி

தமிழ்நாடு

சர்ச்சை பேச்சு; தேர்தல் நாளில் மறந்து போச்சு!

Updated : மே 04, 2021 | Added : மே 04, 2021 | கருத்துகள் (24)
Share
Advertisement
சென்னை: தமிழகத்தில் தேர்தல் வந்து விட்டால், மேடை ஏறிவிட்டால், மைக் கையில் கிடைத்து விட்டால், பலருக்கு என்ன பேசுவது என்றே தெரிவதில்லை. முன்பெல்லாம் எங்கோ ஒரு மூலையில் பேசுகிற பேச்சு, அந்த எல்லைக்குள் மட்டுமே விளைவை ஏற்படுத்தும். இப்போது எல்லோர் கையிலும், 'ஆண்ட்ராய்டு' போன் இருப்பதால், தப்பித்தவறி நா பிறழ்ந்து ஒரு வார்த்தை தவறாகப் பேசினாலும், அது அடுத்த நிமிடமே,
TN election Results, AMDK, BJP, DMK

சென்னை: தமிழகத்தில் தேர்தல் வந்து விட்டால், மேடை ஏறிவிட்டால், மைக் கையில் கிடைத்து விட்டால், பலருக்கு என்ன பேசுவது என்றே தெரிவதில்லை. முன்பெல்லாம் எங்கோ ஒரு மூலையில் பேசுகிற பேச்சு, அந்த எல்லைக்குள் மட்டுமே விளைவை ஏற்படுத்தும். இப்போது எல்லோர் கையிலும், 'ஆண்ட்ராய்டு' போன் இருப்பதால், தப்பித்தவறி நா பிறழ்ந்து ஒரு வார்த்தை தவறாகப் பேசினாலும், அது அடுத்த நிமிடமே, உலகின் எல்லா மூலையிலும் எதிரொலிக்க ஆரம்பித்து விடுகிறது.

பிரசாரத்தின்போது, தமிழக அரசியல் தலைவர்கள் சிலர் பேசிய பேச்சு, இப்படித்தான் அதிர்வுகளை ஏற்படுத்தியது. கொங்கு மண்டலத்தில் தி.மு.க., படுதோல்வி அடைந்ததற்குக் காரணம், தி.மு.க., எம்.பி., ஆ.ராசா பேசியதுதான் காரணமென்று இப்போதும் பேசப்படுகிறது. அவர் நேரடியாகத் தேர்தலில் நிற்காவிட்டாலும், அவர் பேசிய பேச்சு மற்றவர்களை தோல்வியடையச் செய்ததாக, தி.மு.க.,வினரே புலம்புகின்றனர்.

ஆயிரம் விளக்கு தொகுதி தி.மு.க., வேட்பாளர் டாக்டர் எழிலன் பேசிய பேச்சும், சமூக ஊடகங்களில் பரவி மிகக்கடுமையான எதிர்ப்பலையை உருவாக்கியது. அவர் தேர்தலில் நிறுத்தப்பட்டதும், இதுவே பிரசார ஆயுதமாகவும் பயன்படுத்தப்பட்டது. அவரை எதிர்த்து பா.ஜ., வேட்பாளராக குஷ்பு களமிறக்கப்பட்டார். அவரும் ஒரு காலத்தில் சர்ச்சைப் பேச்சில் கொடிகட்டிப் பறந்தவர்தான். இதனால் இருவரில் யார் ஜெயிப்பார் என்ற எதிர்பார்ப்பு பெரிதாக எழுந்தது. இதில் எழிலன், 32 ஆயிரத்து 200 ஓட்டுக்கள் வித்தியாசத்தில் வெற்றி பெற்றார்.


latest tamil news



அரவக்குறிச்சியில் பா.ஜ.,வேட்பாளராக நிறுத்தப்பட்ட அண்ணாமலை, அந்தத் தொகுதியில் இஸ்லாமியர்கள் அதிகமாக வாழும் பள்ளபட்டி பகுதிக்குள் வரக்கூடாது என்று ஜமாத் சார்பில் அறிவிப்பு வெளியிடப்பட்டது. அப்போது பேசிய அண்ணாமலை, 'பள்ளபட்டி பாகிஸ்தானுக்குள் இல்லை. கண்டிப்பாக எங்கள் வாகனம் அங்கு போகும்' என்று எச்சரித்தார். அதன்பின் ஜமாத் அந்த அறிவிப்பை வாபஸ் பெற்றது.

அதேபோல, தி.மு.க.,வின் செந்தில் பாலாஜியை, துாக்கிப் போட்டு மிதிப்பேன் என்றார். இதனால் அண்ணாமலைக்கு ஆதரவு பெருகியதாகக் கருதப்பட்டது. ஆனால், அவர் 24 ஆயிரத்து 816 ஓட்டுக்கள் வித்தியாசத்தில் தி.மு.க. ,வேட்பாளர் இளங்கோவிடம் தோற்றார்.பணப்பட்டுவாடா குறித்து ஆபாசமாகப் பேசிய கே.என்.நேரு, திருச்சி மேற்கு தொகுதியில் வெற்றி பெற்றார். சர்ச்சைப் பேச்சில் கொடிகட்டிப் பறந்த ராஜேந்திர பாலாஜி, ராஜபாளையம் தொகுதியில் தோல்வியடைந்தார்.

உளறிக் கொட்டுவதில் உச்சம் தொட்ட திண்டுக்கல் சீனிவாசன், செல்லுார் ராஜூ இருவரும் வெற்றி பெற்றுள்ளனர். சர்ச்சையாகவும், உளறலாகவும் பேசிய விஷயங்களையெல்லாம் தேர்தல் நாளில் மக்கள் மறந்து விட்டார்களா அல்லது மறக்காமல் தோற்கடித்தார்களா என்பதே பெரும் குழப்பமான கேள்வியாகவுள்ளது.

Advertisement




வாசகர் கருத்து (24)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ஏடு கொண்டலு - Cupertino,யூ.எஸ்.ஏ
05-மே-202108:03:10 IST Report Abuse
ஏடு கொண்டலு இதில் குழம்புவதற்கு ஒன்றுமே இல்லை. எந்த கட்சியாக இருந்தாலும் தொண்டன் சிந்தனைக்கும் தலைவன் சிந்தனைக்கும் அதிக வித்தியாசம் இருக்காது. திமுகவில் ஒரு தலைவன் அருவருக்கத்தக்க முறையில் பேசினால் அதை திமுக தொண்டன் ரசிக்கவில்லை என்றாலும் முகம் சுளிக்க மாட்டான். அதற்காக வோட்டை மாற்றி போடமாட்டான். அதே சமயம் எடப்பாடியார் ஒரு விரசமான ஜோக் அடித்தால் அது அவரது வெற்றியை பாதிக்கும்.
Rate this:
Cancel
ராஜவேலு ஏழுமலை (ஜாதி மத அரசியலை எதிர்ப்போம்.) செல்லூர் ராஜு கொஞ்ச நல்ல திமுகவில் சேர்ந்துடுவார் பாருங்க.
Rate this:
Cancel
Aanandh - thamizhnaadu,யூ.எஸ்.ஏ
04-மே-202113:07:08 IST Report Abuse
Aanandh தமிழக தேர்தல் முடிவுகள் அச்சுறுத்தலானது. சொந்தக்காசில் சூன்யம் மற்றும் தன் தலையில் தானே கொள்ளி இவற்றைக் கன கச்சிதமாக தமிழக வாக்காளர்கள் செய்து அழிவை நோக்கி முன்னேறுகிறார்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X