அரசியல் செய்தி

தமிழ்நாடு

தி.மு.க., ஓட்டு சதவீதம் அதிகமா... குறைவா?

Updated : மே 08, 2021 | Added : மே 04, 2021 | கருத்துகள் (3)
Share
Advertisement
தமிழக சட்டசபை தேர்தலில், தி.மு.க., 37.7 சதவீத ஓட்டுகளுடன், 133 இடங்களில் - தி.மு.க., சின்னத்தில் போட்டி சேர்த்து - வென்று ஆட்சியை பிடித்துள்ளது. 1996ல் இருந்து கணக்கிட்டால், தி.மு.க., வின் இரண்டாவது குறைந்த ஓட்டு சதவீதம் இது.* 1996ல் அ.தி.மு.க., எதிர்ப்பு அலை வீச, தி.மு.க., அதிகபட்சமாக, 42.1 சதவீத ஓட்டுகளுடன், 173 இடங்களில் வென்று ஆட்சி அமைத்தது.* 2006ல், 26.5 சதவீத ஓட்டுகளுடன், 96 இடங்களில் வென்று,
DMK, ADMK, TN election, திமுக, ஓட்டு சதவீதம்

தமிழக சட்டசபை தேர்தலில், தி.மு.க., 37.7 சதவீத ஓட்டுகளுடன், 133 இடங்களில் - தி.மு.க., சின்னத்தில் போட்டி சேர்த்து - வென்று ஆட்சியை பிடித்துள்ளது. 1996ல் இருந்து கணக்கிட்டால், தி.மு.க., வின் இரண்டாவது குறைந்த ஓட்டு சதவீதம் இது.

* 1996ல் அ.தி.மு.க., எதிர்ப்பு அலை வீச, தி.மு.க., அதிகபட்சமாக, 42.1 சதவீத ஓட்டுகளுடன், 173 இடங்களில் வென்று ஆட்சி அமைத்தது.

* 2006ல், 26.5 சதவீத ஓட்டுகளுடன், 96 இடங்களில் வென்று, 'மைனாரிட்டி' ஆட்சி அமைத்தது. இதுவே, முதலாவது குறைந்த ஓட்டு சதவீதம்.

* 2016ல், 31.39 சதவீத ஓட்டுகளுடன், 89 இடங்கள் பெற்றது.

* 2019 லோக்சபா தேர்தலில், 32 சதவீதமாக இருந்த தி.மு.க., ஓட்டு சதவீதம், 2021, சட்டசபை தேர்தலில், 5 சதவீதம் அதிகரித்து, 37.7 ஆக உள்ளது. இதற்கு காங்., கட்சிக்கு குறைவாக, 25 தொகுதிகள் ஒதுக்கியதே காரணம். 2019, லோக்சபா தேர்தல் - 12.5 சதவீதம் - உடன் ஒப்பிடுகையில், காங்., ஓட்டு இம்முறை, 5 சதவீதம் குறைந்துள்ளது. தி.மு.க., 173 தொகுதிகளில் போட்டியிட்டதன் மூலம் காங்., ஓட்டு வங்கியின் ஒரு பகுதியை தன்வசமாக்கியது.


latest tamil news



* அ.தி.மு.க., எப்படி?


* அ.தி.மு.க., வை பொறுத்தவரை, 2001ல் மிக குறைவாக, 31.4 சதவீத ஓட்டுகளுடன் 132 இடங்களில் வென்று, ஆட்சியை பிடித்தது.

* 2011ல் 38.4 சதவீத ஓட்டுகளுடன், 150 இடங்களில் வென்று, ஆட்சியை கைப்பற்றியது.

* 2016ல், 40.8 சதவீத ஓட்டுகளுடன், 136 இடங்களில் வென்று ஆட்சியை தக்க வைத்தது.

* 2019 லோக்சபா தேர்தலில், 18 சதவீத ஓட்டு தான் பெற்றது. இதை, 2021 சட்டசபை தேர்தலில், 34.24 சதவீதமாக உயர்த்தியுள்ளது. இதற்கு பா.ம.க.,வுக்கு குறைவாக, 23 தொகுதிகள் ஒதுக்கியதே காரணம். இதன் மூலம் பா.ம.க.,வின் 2 சதவீத ஓட்டுகள் அ.தி.மு.க., வசம் சென்றது. 2016 சட்டசபை தேர்தலுடன் ஒப்பிடுகையில், சுமார் 7 சதவீதம் குறைவு.


கூட்டணி பாடம்


தி.மு.க., - அ.தி.மு.க., தங்களது கூட்டணி கட்சிகளுக்கு முன்பு அதிக சீட்களை வழங்கின. 2006ல் காங்., - பா.ம.க.,வுக்கு அதிக சீட்களை கொடுத்து, 130 தொகுதிகளில் தி.மு.க., போட்டியிட்டது. இதில், 96ல் மட்டும் வெல்ல, 'மைனாரிட்டி அரசு' என்ற நிலைக்கு தள்ளப்பட்டது.

இதேபோல, 2001ல் அ.தி.மு.க., தன் கூட்டணி கட்சிகளான காங்., - த.மா.கா., - பா.ம.க.,வுக்கு 94 இடங்களை ஒதுக்கீடு செய்தது. 140 தொகுதிகளில் மட்டும் போட்டியிட்டது.இருப்பினும் பலமான கூட்டணி அமைந்ததால், 130 இடங்களில் வென்று, தனிப் பெரும்பான்மையுடன் அ.தி.மு.க., ஆட்சியை பிடித்தது. இம்முறை, இரு கட்சிகளும் கூட்டணி விஷயத்தில் கறாராக இருந்தன. தி.மு.க.,வின் சரியான கூட்டணி வியூகம், ஆட்சியை பிடிக்க உதவியது.

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
இராம தாசன் - சிங்கார சென்னை,இந்தியா
05-மே-202120:19:30 IST Report Abuse
இராம தாசன் இந்த ஓட்டு சதவிகிதம் கணக்கே தவறு.. இது கூட்டணி கட்சிகளின் ஓட்டு சதவிகிதம் என்று தான் சொல்ல வேண்டும். இரண்டு பெரிய கட்சிகளும் தனித்து போட்டி இடவில்லை. கூட்டணி கட்சிகளின் ஓட்டுகளும் ஒரே கட்சிக்கு போய் சேருகிறது. மேலும் நாம் தமிழர் கட்சியை தவிர வேறு எந்த கட்சியும் அனைத்து தொகுதிகளிலும் போட்டி இடவில்லை. அதனால் அந்த தொகுதியில் உள்ள தொண்டர்களின் எண்ணிக்கை இதில் எடுத்துக்கொள்ள படவில்லை.
Rate this:
Cancel
Sivaraman - chennai ,இந்தியா
05-மே-202112:29:52 IST Report Abuse
Sivaraman பத்து ஆண்டு ஆட்சி பாமக நிர்பந்தத்திற்கு பணிந்தது புதிய தமிழகம் போன்றவற்றை கூட்டணியில் சேர்க்காதது காரணங்கள் . பாமக போராட்டத்தின்போதே பாமக மிகப் பெரிய இழப்புக்கு உள்ளாகும் என்ற கருத்து பலமுறை பதிவிடப் பட்டது . அதிமுக கூட்டணி குறைந்தது நூறு இடங்கள் பெற்று இருக்கலாம் .அதிமுக வியூகம் சரியில்லை
Rate this:
Cancel
Badri narayanan poondi - puttaparthi,இந்தியா
05-மே-202108:41:49 IST Report Abuse
Badri narayanan poondi தமிழ்நாடு த்ரவிட கட்சிகளின் இலவசங்களுக்கு மயங்கி அவற்றையே தேர்வு செய்கிறது. மேலும் ஊழல் ஒரு கோஷம் தான். கட்சிகளோ மக்களோ கூட அதை பொருட்படுத்துவதில்லை. காசு கொடுத்து காரியம் எளிதாக முடிப்பதே மக்கள் நோக்கம். நேர்மையான அரசு ஊழியர் /அதிகாரிகளை மக்களோ ஆளும் வர்கமோ மதிப்பதில்லை முக்கிய (பணம் புரளும்) துறைகள் / பணிகளில் அரசு அமர்த்துவதும் இல்லை. மக்களே ஊழல் வாதிகளானபின் - ஓட்டுக்கு பணம் பெறுவது முதல் காரியம் சாதிப்பது வரை - அரசு எப்படி தூய்மையாக இயங்கும்?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X