சம்பவம் செய்தி

தமிழ்நாடு

12 மணியுடன் கடைகள் மூடல்; தமிழகத்தில் புதிய கட்டுப்பாடுகள் அமல்

Updated : மே 06, 2021 | Added : மே 06, 2021 | கருத்துகள் (14)
Share
Advertisement
தமிழகத்தில் இன்று முதல் (மே-6) மே.20 ஆம் தேதி வரை பகல் 12 மணி வரை தான் கடைகள் செயல்படும் என்ற புதிய கட்டுப்பாடுகள் அமலுக்கு வந்தன.புதிய கட்டுப்பாடுகள் எவை* அனைத்து அரசு, தனியார் அலுவலகங்களும் அதிகபட்சம் 50 சதவீத பணியாளர்களுடன் இயங்கவேண்டும்.* பயணிகள் ரெயில், மெட்ரோ ரெயில், தனியார் பஸ்கள், அரசு பஸ்கள் மற்றும் வாடகை டாக்சி ஆகியவற்றில் 50 சதவீத இருக்கைகளில் மட்டும்

தமிழகத்தில் இன்று முதல் (மே-6) மே.20 ஆம் தேதி வரை பகல் 12 மணி வரை தான் கடைகள் செயல்படும் என்ற புதிய கட்டுப்பாடுகள் அமலுக்கு வந்தன.



latest tamil news




புதிய கட்டுப்பாடுகள் எவை


* அனைத்து அரசு, தனியார் அலுவலகங்களும் அதிகபட்சம் 50 சதவீத பணியாளர்களுடன் இயங்கவேண்டும்.
* பயணிகள் ரெயில், மெட்ரோ ரெயில், தனியார் பஸ்கள், அரசு பஸ்கள் மற்றும் வாடகை டாக்சி ஆகியவற்றில் 50 சதவீத இருக்கைகளில் மட்டும் பொதுமக்கள் அமர்ந்து பயணிக்கவேண்டும்.
* வணிக வளாகங்களில் இயங்கும் பலசரக்கு கடைகள் மற்றும் காய்கறி கடைகளுக்கு அனுமதி இல்லை. இவை தவிர, தனியாக செயல்படுகின்ற மளிகை, பலசரக்குகள் மற்றும் காய்கறிகள் விற்பனை செய்யும் கடைகள் மட்டும் குளிர்சாதன வசதி இன்றி பகல் 12 மணி வரை இயங்கலாம். இவற்றில், ஒரே சமயத்தில் 50 சதவீத வாடிக்கையாளர்கள் மட்டுமே அனுமதிக்கப்படவேண்டும்.
* மளிகை, பலசரக்கு மற்றும் காய்கறிக் கடைகள் தவிர, இதர கடைகள் அனைத்தும் திறக்க தடை . மருந்தகங்கள், பால் வினியோகம் போன்ற அத்தியாவசியப் பணிகள் வழக்கம் போல எந்தத் தடையுமின்றி செயல்படும்.
* மீன், இறைச்சி கடைகளில் காலை 4 மணி முதல் பகல் 12 மணி வரை மட்டுமே இயங்கவேண்டும்.
*ஓட்டல்களில் அமர்ந்து சாப்பிட அனுமதி இல்லை
* டீ கடைகள் பகல் 12 மணி வரை மட்டும் செயல்படும். உணவகங்கள், டீ கடைகளில் அமர்ந்து சாப்பிடுவதற்கு அனுமதி இல்லை. உணவு விடுதிகள், ஓட்டல்கள், பேக்கரிகள் மற்றும் மெஸ் ஆகிய இடங்களில் இருந்து உணவு பார்சல்களை மட்டுமே பெற்றுக்கொள்ளமுடியும். அந்த வகையில் அங்கிருந்து காலை 6 மணி முதல் காலை 10 மணி வரையிலும், மதியம் 12 மணி முதல் பிற்பகல் 3 மணி வரையிலும், மாலை 6 மணி முதல் இரவு 9 மணி வரையிலும் பார்சல்களை பெற்றுக்கொள்ளலாம். விடுதிகளில் தங்கியுள்ள வாடிக்கையாளர்களுக்கு அவர்கள் தங்கியுள்ள அறைகளிலேயே உணவு வழங்கவேண்டும்.
* உள்அரங்கங்கள் மற்றும் திறந்த வெளியில், சமுதாயம், அரசியல், விளையாட்டு, பொழுதுபோக்கு, கல்வி, கலாசார நிகழ்வுகள் மற்றும் இதர விழாக்களுக்கு தடை விதிக்கப்பட்டுள்ளது. தியேட்டர்கள் செயல்படாது.
* இறுதி ஊர்வலங்கள் மற்றும் அதைச் சார்ந்த சடங்குகளில் 20 நபர்களுக்கு மேல் பங்கேற்க அனுமதி இல்லை.
* ஊரகப் பகுதிகளில் உள்ள அனைத்து கட்டுப்பாட்டு பகுதிகளிலும், அழகு நிலையங்கள் (ஸ்பா) இயங்க தடை விதிக்கப்படுகிறது.
* அவசர மருத்துவத் தேவைகளுக்கும், விமானநிலையம், ரெயில்நிலையம் செல்ல மட்டும் வாடகை ஆட்டோ, டாக்சி மற்றும் தனியார் வாகனங்கள் செல்ல அனுமதிக்கப்படும். அத்தியாவசியப் பணிகளான பால் வினியோகம், தினசரி பத்திரிகை வினியோகம், மருத்துவமனைகள், மருத்துவ பரிசோதனைக் கூடங்கள், மருந்தகங்கள், ஆம்புலன்ஸ் மற்றும் அமரர் ஊர்தி சேவைகள் போன்ற மருத்துவத்துறை சார்ந்த பணிகள், சரக்கு வாகனங்கள் மற்றும் எரிபொருள் வாகனங்கள் இரவு நேர ஊரடங்கின் போது அனுமதிக்கப்படும்.


latest tamil news



* ஊடகம் மற்றும் பத்திரிகைத் துறையினர் தொடர்ந்து இரவிலும் செயல்படலாம்.
* பெட்ரோல் மற்றும் டீசல் பங்குகள் தொடர்ந்து செயல்படும்.
* தடையின்றி தொடர்ந்து செயல்படவேண்டிய தொடர் செயல்முறை தொழிற்சாலைகள் மற்றும் அத்தியாவசியப் பொருட்கள் தயாரிக்கும் தொழிற்சாலைகள் இரவு நேர ஊரடங்கின்போது செயல்பட அனுமதி அளிக்கப்படுகிறது. இந்த நிறுவனங்களில் இரவு நேர பணிக்கு செல்லும் பணியாளர்களும், தனியார் நிறுவனங்களின் இரவு காவல் பணிபுரிபவர்களும், தொடர்புடைய நிறுவனங்களால் வழங்கப்பட்ட அடையாள அட்டை அல்லது அனுமதி கடிதம் வைத்திருப்பின், வீட்டிலிருந்து பணியிடத்திற்கு சென்று வீடு திரும்ப அனுமதிக்கப்படுவார்கள்.
* தொலைத்தொடர்பு மற்றும் அதனைச் சார்ந்த செயல்பாடுகள், தகவல் தொழில்நுட்பம் மற்றும் தகவல் தொழில்நுட்பம் சார்ந்த சேவை நிறுவனங்களில், இரவு நேரப் பணி மேற்கொள்ள அனுமதிக்கப்படும்.
* தரவு மையங்களில் (டேட்டா சென்டர்) பராமரிப்பு பணி, மருத்துவம், நிதி, வங்கி, போக்குவரத்து மற்றும் இதர அத்தியாவசிய பணிகளுக்கு தகவல் தொழில்நுட்ப கட்டமைப்பு சார்ந்த பணிகள் மேற்கொள்ளலாம்.
* கிடங்குகளில், சரக்குகளை ஏற்றுவது, இறக்குவது மற்றும் சரக்குகளை சேமித்து வைப்பது உள்ளிட்ட பணிகள் மேற்கொள்ள அனுமதிக்கப்படும்.
* இரவு நேர ஊரடங்கின் போதும், ஞாயிற்றுக்கிழமைகளில் அமலில் இருக்கும் முழு ஊரடங்கின் போதும், துறைமுகங்களிலும், விமான நிலையங்களிலும், சரக்கு போக்குவரத்திற்கும், தொழிலாளர்கள் சென்று வரவும் அனுமதிக்கப்படும்.
அரசு விதித்துள்ள புதிய கட்டுப்பாடுகளை மீறுபவர்கள் மீது கடுமையான நடவடிக்கை எடுக்கப்படும் என தெரிவிக்கப்பட்டுள்ளது.

Advertisement




வாசகர் கருத்து (14)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
07-மே-202106:42:51 IST Report Abuse
மனுநீதி இப்போது மக்களின் வாழ்வாதாரம் பாதிக்கப்பட மாட்டாதோ?! திமுக முழுமுடகத்திற்கு எதிராக குரல் கொடுத்த கட்சி. ஆட்சிக்கு வந்தவுடன் அவர்கள் முழு முடக்கம் இல்லாமல், மக்கள் வாழ்வாதாரம் பாதிக்காமல் கோரோணாவை கட்டுப்படுத்திக்காட்ட வேண்டும்.
Rate this:
Cancel
Rengaraj - Madurai,இந்தியா
06-மே-202119:16:28 IST Report Abuse
Rengaraj மக்கள் நடமாட்டம் இல்லை என்றாலே தொற்றுப்பரவல் குறையும். அதன் வேகமும் தாக்கமும் குறையும். இந்த மாதிரி ஆறு மணி முதல் பன்னிரண்டு மணி வியாபாரம் என்பது ஆரம்பத்தில் கூட்டம் இருக்கிறமாதிரி தெரியும். தொடர்ந்து அவர்கள் திறந்து வைத்திருப்பார்கள் என்று தெரிந்தால் கொஞ்சம் கொஞ்சமாக அது குறைய ஆரம்பித்து விடும். கொஞ்ச சாமான் என்றாலும் புறநகர் பகுதி மக்கள் எப்போதும் நகரின் முக்கியப்பகுதிக்கு வந்து வாங்கும் பழக்கம் உடையவர்களாக இருக்கிறார்கள். அவர்களால் கூட்டம் அதிகமாக தெரிகிறது. பொருட்களை வீட்டுக்கே வந்து டெலிவரி பண்ணும் வசதி இருந்தும் மக்கள் அதை முழுவதும் பயன்படுத்துவதில்லை. மேலும் மக்களிடம் காசு இருக்கும் வரை கூட்டம் இருக்கும். காசு புழக்கம் குறைந்து விட்டால் கூட்டமும் குறையும். அரசாங்கம் என்னதான் தடை விதித்தாலும் மக்கள் அதை மீறி செல்வதை வழக்கமாக வைத்திருக்கிறார்கள்.
Rate this:
Cancel
06-மே-202117:46:12 IST Report Abuse
ஆப்பு நிலைமை கைமீறி போயிருச்சு. இப்பவாவது சுகாதார செயலர் ஒத்துப்பாரா? பரப்புரை செஞ்சு பரப்புனவங்களை கண்டிப்பாரா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X