பொது செய்தி

தமிழ்நாடு

கடன் தவணை செலுத்த அவகாசம்: ஆர்.பி.ஐ., சுற்றறிக்கை அமலாகுமா?

Added : மே 12, 2021 | கருத்துகள் (1)
Share
Advertisement
சென்னை : கடன் தவணை செலுத்த வாடிக்கையாளர்களுக்கு அவகாசம் வழங்கும்படி, அனைத்து வங்கிகள் மற்றும் நிதி நிறுவனங்களுக்கு, இந்திய ரிசர்வ் வங்கி சுற்றறிக்கை அனுப்பி உள்ளது.கொரோனா தொற்று பரவலை தடுக்க, 2020ல், நாடு முழுதும் ஊரடங்கு அமலானது. அப்போது வங்கிகள் மற்றும் தனியார் நிதி நிறுவனங்களில் கடன் வாங்கியவர்கள், அதற்கான தவணை செலுத்த ரிசர்வ் வங்கி, ஆறு மாதம் அவகாசம்
RBI, Reserve Bank of India, கடன் தவணை, அவகாசம்

சென்னை : கடன் தவணை செலுத்த வாடிக்கையாளர்களுக்கு அவகாசம் வழங்கும்படி, அனைத்து வங்கிகள் மற்றும் நிதி நிறுவனங்களுக்கு, இந்திய ரிசர்வ் வங்கி சுற்றறிக்கை அனுப்பி உள்ளது.

கொரோனா தொற்று பரவலை தடுக்க, 2020ல், நாடு முழுதும் ஊரடங்கு அமலானது. அப்போது வங்கிகள் மற்றும் தனியார் நிதி நிறுவனங்களில் கடன் வாங்கியவர்கள், அதற்கான தவணை செலுத்த ரிசர்வ் வங்கி, ஆறு மாதம் அவகாசம் வழங்கியது.தற்போது கொரோனா இரண்டாவது அலை அதி தீவிரமாக இருப்பதால், தமிழக அரசு உட்பட, பல்வேறு மாநில அரசுகள் கடும் கட்டுப்பாடுகளை விதித்துள்ளன.

இதனால் ஆயிரக்கணக்கானோர் வேலைவாய்ப்பை இழந்து உள்ளனர். பெரும்பாலான நிறுவனங்களில் சம்பள பிடித்தம் செய்துள்ளதால், சிக்கலான சூழல் ஏற்பட்டுள்ளது. இந்நிலையில் கடன் தவணை தொகை செலுத்த, வாடிக்கையாளர்களுக்கு அவகாசம் தர வேண்டும் என்று வங்கிகளுக்கு, இந்திய ரிசர்வ் வங்கி சுற்றறிக்கை அனுப்பி உள்ளது.


latest tamil news



இது பற்றி வங்கி அதிகாரிகள் கூறியதாவது: கடன் தவணை செலுத்த, அதிகபட்சம் இரண்டு ஆண்டுகள் வரை அவகாசம் வழங்க, அனைத்து வங்கிகள் மற்றும் நிதி நிறுவனங்களுக்கு, இந்திய ரிசர்வ் வங்கி சுற்றறிக்கை அனுப்பி உள்ளது. அதேநேரத்தில் அவகாசம் வழங்குவதும், அதற்கான வழிமுறைகள் வகுப்பதும், வங்கிகளின் முடிவுக்கு உட்பட்டது என்றும் கூறியுள்ளது.

எனவே கடன் தவணை செலுத்த அவகாசம் வழங்குவது, வங்கிகளின் முடிவை பொறுத்தது. இது குறித்து வங்கிகளின் உயர்மட்ட குழுவினர் முடிவு செய்து, சுற்றறிக்கை அனுப்புவர்.இவ்வாறு அவர்கள் கூறினர்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ela -  ( Posted via: Dinamalar Android App )
12-மே-202107:41:54 IST Report Abuse
Ela இது சரியான முடிவல்ல. கடன் தவணை ஒத்திவைப்பு என்பது ரிசர்வ் வங்கி தெளிவாக முடிவெடுத்து, வங்கிகளை அமல்படுத்த உத்தரவிட வேண்டும். கை கழுவும் வேலை செய்யக் கூடாது
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X