பொது செய்தி

தமிழ்நாடு

ஸ்ரீரங்கம் ஜீயர் தேர்வுக்கான அறிவிப்பு: தற்காலிகமாக நிறுத்தி வைப்பு

Updated : மே 13, 2021 | Added : மே 12, 2021 | கருத்துகள் (82)
Share
Advertisement
சென்னை:பல்வேறு தரப்பில் எதிர்ப்பு வந்த நிலையில், ஸ்ரீரங்கம் ரெங்கநாதர் கோவில், 51வது ஜீயரை தேர்வு செய்வதற்கான அறிவிப்பை, தற்காலிகமாக நிறுத்தி வைத்துள்ளதாக அறநிலையத் துறை அறிவித்துள்ளது.திருச்சி, ஸ்ரீரங்கம் ரெங்கநாதர் கோவில், 51வது ஜீயர் தேர்வு செய்யப்பட உள்ளதாகவும், தகுதியானவர்கள் விண்ணப்பிக்கலாம் என, கடந்த 6ம் தேதி, ஹிந்து சமய அறநிலையத் துறை அறிவிப்பு வெளியிட்டது.
ஸ்ரீரங்கம், ஜீயர், அறிவிப்பு_ரத்து

சென்னை:பல்வேறு தரப்பில் எதிர்ப்பு வந்த நிலையில், ஸ்ரீரங்கம் ரெங்கநாதர் கோவில், 51வது ஜீயரை தேர்வு செய்வதற்கான அறிவிப்பை, தற்காலிகமாக நிறுத்தி வைத்துள்ளதாக அறநிலையத் துறை அறிவித்துள்ளது.

திருச்சி, ஸ்ரீரங்கம் ரெங்கநாதர் கோவில், 51வது ஜீயர் தேர்வு செய்யப்பட உள்ளதாகவும், தகுதியானவர்கள் விண்ணப்பிக்கலாம் என, கடந்த 6ம் தேதி, ஹிந்து சமய அறநிலையத் துறை அறிவிப்பு வெளியிட்டது. இந்த அறிவிப்புக்கு, ஆலய வழிபடுவோர் சங்கத் தலைவர் டி.ஆர்.ரமேஷ், இந்து மக்கள் கட்சி தலைவர் அர்ஜுன் சம்பத் மற்றும் பல்வேறு ஆன்மிக நல அமைப்புகள் கண்டனம் தெரிவித்துள்ளன. தற்போது, ஸ்ரீரங்கம் ரெங்கநாதர் கோவில் ஸ்தலத்தார்கள் கடும் கண்டனம் தெரிவித்து வந்தனர்.

இது குறித்து, கோவில் ஸ்தலத்தார்கள் கூறியதாவது: ஸ்ரீரங்கம் கோவில் நிர்வாகத்தை முழுமையாக சீரமைத்தவர் ராமானுஜர். அதன் பின், கோவிலை நிர்வகித்து வந்த ஸ்தலத்தார்கள், எம்பார் வம்சத்தைச் சேர்ந்த ஸ்ரீரங்க நாராயண ஜீயர் என்பவரை அங்கீகரித்து, கோவில் கைங்கர்யங்களை வழங்கினர். அவர் தான் முதல் பட்டம். கடைசியாக, 50வது பட்டம் வரை, ஸ்தலத்தார் தகுதியானவரை தேர்வு செய்து, அவருக்கான நன்முறைகளை கூறி, கைங்கர்யங்களை செய்து வருகின்றனர்.


latest tamil news




இதன்படி, 51வது ஜீயர் எப்படி இருக்க வேண்டும் என்பதை வரைமுறை செய்பவர்கள் ஸ்தலத்தார். இந்த மரபை மீறும் வகையில், ஜீயர் தேர்வுக்கான விண்ணப்பம் வெளியிட்டு இருப்பது கண்டனத்துக்கு உரியது. கோவில் சொத்துகளை பாதுகாப்பதற்கு அமைக்கப்பட்ட ஹிந்து சமய அறநிலையத்துறை, எப்படி மதம் சார்ந்த நியமனங்களை செய்ய முடியும்? இந்திய அரசியல் அமைப்பு சட்டத்தில், மதம் சார்ந்த அமைப்புகளை நிர்வகிப்பதற்கும், நியமனங்களுக்கான உரிமையையும், மடங்களுக்கு வழங்கி உள்ளது. இதை மீறுவதாகவும் அறநிலையத்துறை அறிவிப்பு உள்ளது. சம்பிரதாயத்தைச் சார்ந்துள்ள மத குருமார்களையும், அறநிலையத்துறை நியமிப்பதாக கூறுவது, ஆன்மிகத்தின் ஆணிவேரையே பறிக்கும் செயல். இவ்வாறு ஸ்தலத்தார் தெரிவித்தனர்.

இந்நிலையில், ஜீயர் நியமன அறிவிப்பு தள்ளி வைக்கப்பட்டதாக அறநிலையத்துறை கூறியுள்ளது.

ஸ்ரீரங்கம் கோவில் இணை கமிஷனர் மாரிமுத்து கூறியதாவது:கடந்த முறை போல இந்த முறையும், ஜீயர் தேர்வுக்கான அறிவிப்பு மட்டும் வெளியிடப்பட்டது. இந்நிலையில், அந்த அறிவிப்பை தற்காலிகமாக நிறுத்தி வைக்க, துறை அமைச்சர் உத்தரவிட்டுள்ளார். இதையடுத்து, ஜீயர் தேர்வுக்கான அறிவிப்பு, தற்காலிகமாக தள்ளி வைக்கப்பட்டுள்ளது. இவ்வாறு அவர் கூறினார்.


அரசுக்கு நன்றி



ஜீயர் தேர்வுக்கான அறிவிப்பை நிறுத்தி வைத்துள்ள தமிழக முதல்வர் ஸ்டாலின், அறநிலைய துறை அமைச்சர் சேகர்பாபு ஆகியோருக்கு, ஆலய வழிபடுவோர் சங்கத் தலைவர் டி.ஆர்.ரமேஷ் நன்றி தெரிவித்துள்ளார்.முதல்வர் ஸ்டாலினுக்கு, தமிழக பா.ஜ., ஊடகப்பிரிவு தலைவர் பிரசாத்தும் நன்றி தெரிவித்துள்ளார்.

Advertisement




வாசகர் கருத்து (82)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வெற்றிக்கொடி கட்டு - நாத்திக, தேசவிரோத கட்சிகளை ஆதரிக்காதீர்,இந்தியா
13-மே-202111:39:49 IST Report Abuse
வெற்றிக்கொடி கட்டு இந்து சகோதர சகோதரிகளே இதை வெற்றியாகக் கொண்டாடாமல் விழிப்புடன் இருங்கள் இது போல நிறைய சவால்கள் வரும் மீண்டும் சொல்கிறேன், இதெல்லாம் ஒரு வெற்றியே கிடையாது
Rate this:
Cancel
S Bala - London,யுனைடெட் கிங்டம்
13-மே-202108:53:02 IST Report Abuse
S Bala ஒவ்வொருவரும் அதிகாரம் செய்வதையும் கோவில் சொத்துக்களை அனுபவிப்பதையும் கோவிலில் தேவையற்ற விழாக்கள், நடைமுறைகளை ஏற்படுத்தி அதன் மூலம் சிலர் சம்பாதிக்க வழி செய்வதையும் பார்த்துக்கொண்டு இருக்க கூடாது.
Rate this:
Cancel
Pugazh V - Coimbatore / Cochin,இந்தியா
13-மே-202100:17:37 IST Report Abuse
Pugazh V 1.50 ஆவது ஜீயர் மறைவுக்குப் பிறகு, பூஜைகள், வருமானம், செலவுகள் நிதிநிலைமை எல்லாம் பதிவு செய்யப்படாமல் 'சக்தி' வாய்ந்த சிலரின்இஷ்டம்போல நடந்துவருகிறது. அதிகாரபூர்வ ஜீயர் நியமிக்கப்பட்டுவிட்டால் அந்த கூட்டம் ஆட்டய.போட.முடியாது. எனவே 'கொந்தளித்து' நியமனத்தை நிறுத்தி விட்டது. சரி. அடுத்து என்ன? What next?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X