அரசியல் செய்தி

தமிழ்நாடு

ஊரடங்கை கடுமையாக்க ராமதாஸ் வலியுறுத்தல்

Updated : மே 20, 2021 | Added : மே 18, 2021 | கருத்துகள் (3)
Share
Advertisement
சென்னை :'கொரோனா தொற்று அதிகரித்து வருவதால், ஊரடங்கு கட்டுப்பாடுகளை கடுமையாக்க வேண்டும்' என பா.ம.க., நிறுவனர் ராமதாஸ் வலியுறுத்தியுள்ளார்.அவரது அறிக்கை:தமிழகத்தில், கொரோனாவால் பாதிக்கப்படுவோர் எண்ணிக்கை ஓரளவு குறைந்தாலும் உயிரிழப்பு நாளுக்கு நாள் அதிகரித்து வருகிறது.அதுகுறித்த எந்த கவலையும் பொறுப்பும் இல்லாமல், சாலைகளில் வாகனங்களில் வலம் வருவோரின் எண்ணிக்கை
ஊரடங்கு,கடுமை, ராமதாஸ்,

சென்னை :'கொரோனா தொற்று அதிகரித்து வருவதால், ஊரடங்கு கட்டுப்பாடுகளை கடுமையாக்க வேண்டும்' என பா.ம.க., நிறுவனர் ராமதாஸ் வலியுறுத்தியுள்ளார்.

அவரது அறிக்கை:தமிழகத்தில், கொரோனாவால் பாதிக்கப்படுவோர் எண்ணிக்கை ஓரளவு குறைந்தாலும் உயிரிழப்பு நாளுக்கு நாள் அதிகரித்து வருகிறது.அதுகுறித்த எந்த கவலையும் பொறுப்பும் இல்லாமல், சாலைகளில் வாகனங்களில் வலம் வருவோரின் எண்ணிக்கை மீண்டும் அதிகரிப்பது மிகவும் அச்சமளிக்கிறது.ஒரு சில நகரங்களை தவிர, மற்ற நகரங்களில் ஊரடங்கு கட்டுப்பாடுகளை மீறி ஊர் சுற்றுவோரை கட்டுப்படுத்த, அரசும் காவல்துறையும் நடவடிக்கை எடுக்காதது வருத்தம் அளிக்கிறது.

ஊரடங்கு என்றால் எவரும் வெளியே வரக்கூடாது. சாலைகளில் அவசர ஊர்தி தவிர, மற்ற வாகனங்கள் வலம் வரக்கூடாது. அந்த அளவுக்கு கடும் நடவடிக்கைகளை மேற்கொள்ள வேண்டும். இந்த கசப்பு மருந்துகள் எல்லாம் அடுத்த சில வாரங்களுக்குத் தான். கொரோனா தொற்றை கட்டுப்படுத்தி விட்டால், மக்கள் எந்த அச்சமும் இல்லாமல் சுதந்திரமாகவும் மகிழ்ச்சியாகவும் வலம் வரலாம்.ஊரடங்கை கடுமையாக்கவும் சாலைகளில் வாகன போக்குவரத்தை தடுக்கவும், தமிழக சிறப்பு காவல்படை, ஆயுதப்படை, ஊர்க்காவல் படையினரை சாலைகளில் நிறுத்த வேண்டும்.
தேவைப்பட்டால், மத்திய துணை ராணுவ படைகளையும், தமிழகத்திற்கு அழைக்க வேண்டும்.இவ்வாறு ராமதாஸ் கூறியுள்ளார்.


அன்புமணி பாராட்டு



முதல்வர் ஸ்டாலினுக்கு, பா.ம.க., இளைஞரணி தலைவர் அன்புமணி எழுதியுள்ள கடிதத்தில் கூறியிருப்பதாவது: தமிழகத்தில் வேகமாக பரவி வரும், கொரோனா வைரஸ் பெருந்தொற்றை கட்டுப்படுத்த, தாங்கள் முதல்வராக பதவியேற்ற பின் மேற்கொண்டு வரும் நடவடிக்கைகளுக்கு, என் பாராட்டுக்கள். பெருந்தொற்றை கட்டுப்படுத்துவதும், அதிலிருந்து மக்களை காப்பதும், மிகவும் சவாலான பணி என்பதில் ஐயமில்லை. கொரோனா தடுப்பு பணிகளுக்காக, அனைத்து தரப்பினரும் நிதி வழங்கும்படி, தாங்கள் வேண்டுகோள் விடுத்தீர்கள். பா.ம.க., - எம்.எல்.ஏ.,க்கள் - எம்.பி.,யின் ஒருமாத ஊதியம், முதல்வர் பொது நிவாரண நிதிக்கு நன்கொடையாக வழங்கப்படும் என, ராமதாஸ் அறிவித்திருந்தார். என் ஒரு மாத ஊதியமான, 1 லட்சத்து, 89 ஆயிரம் ரூபாயை, வங்கிப் பரிமாற்றத்தின் வாயிலாக, முதல்வரின் பொது நிவாரண நிதிக்கு அனுப்பி உள்ளேன்.இவ்வாறு, அன்புமணி கூறியுள்ளார்.

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Naduvar - Toronto,கனடா
19-மே-202120:31:38 IST Report Abuse
Naduvar நீ எல்லாம் இன்னும் எந்த மூஞ்ச வச்சுக்கிட்டு வெளில பேசுற ....கருமம்
Rate this:
Cancel
g.s,rajan - chennai ,இந்தியா
19-மே-202118:06:40 IST Report Abuse
g.s,rajan ஊரடங்கைக் கடுமையாக்க பாமக தலைவர் ராமதாஸ் வலியுறுத்தி உள்ளார் தற்போது வேலை கிடைப்பதே குதிரைக் கொம்பாக உள்ளது மேலும் இருக்கின்ற வேலைக்கு தினசரி செல்லும் நபர்கள் தொழிற்சாலைகளில் ஷிப்ட் முறையில் பணியாற்றுபவர்கள் ஒரு மாவட்டத்தில் இருந்து இன்னொரு மாவட்டம் செல்ல வேண்டிய கட்டாயத்தில் உள்ளனர் .போதிய பொதுப் போக்குவரத்து வாகன வசதி இல்லாமல் இருப்பதால் இரு சக்கர வாகனம் ,நான்கு சக்கர வாகனம் போன்றவற்றில் பயணம் செய்ய வேண்டிய சூழலில் உள்ளனர் .மேலும் தமிழக அரசு தொடர் தொழிற்சாலைகள் அதாவது இருபத்தி நான்கு மணி நேரமும் இயங்கும் தொழிற்சாலைகள் இயங்க அனுமதித்து உள்ளது .அத்யாவசிய பொருட்கள் ஆன மருந்துகள் ,எரிபொருள் சுத்திகரிப்பு ஆலைகள் ,சிமெண்ட் தயாரிக்கும் ஆலைகளுக்கு அனுமதி அளித்து உள்ள சூழலில் அவர்களை ஈ பாஸ் இல்லாமல் அடையாள அட்டை யை சரி பார்த்து அனுமதி அளிக்கலாம் .அங்கு வேலைக்குச் செல்லும் நபர்களுக்கு தேவை இல்லாமல் காவல்துறை சோதனை செய்யும் விதமாக ஆங்காங்கே தாமதம் செய்தால் குறித்த நேரத்தில் பணிக்குச் செல்வது மிகக் கடினமாகும் .மற்ற விஷயங்களுக்கு ஒரு மாவட்டத்தில் இருந்து மற்ற மாவட்டம் செல்லும் நபர்களை விசாரணை செய்து தேவையான அனுமதி சீட்டு மற்றும் ஈ பாஸ் இருந்தால் அவர்களை அனுப்பலாம் மேலும் பல இடங்களில் காவல்துறையினரிடம் பொதுமக்கள் வாக்கு வாதம் செய்வதைக் காண முடிகிறது .எனவே ஈ-பாஸ் நடை முறை சிக்கல்களை மத்திய மாநிலஅரசுகள் உடனடியாகக் கண்காணித்து மக்களின் துன்பம் நீங்க போர்க்கால அடிப்படையில் நடவடிக்கை எடுக்க வேண்டும் ,இல்லையேல் பொது மக்கள் பொறுமை இழந்து கொந்தளிக்கும் சூழல் கட்டாயம் உருவாகும் .கொரோனா வியாதி பரவுகிறது என்று கூறிக்கொண்டு எல்லாவற்றிக்கும் தடை போட்டால் நிலைமை படு மோசமாகும் .ஏற்கனவே எங்கு பார்த்தாலும் பணப் புழக்கம் இல்லை தொழில் மற்றும் வியாபாரம் ,வேலை வாய்ப்பு பல வகையில் பாதிக்கப் பட்டு பொதுமக்கள் மன உளைச்சலில் உள்ளனர் .ஒரு புறம் பொருட்கள் வீணாகி அழுகிப்போய் தூரக் கொட்டுகின்ற நிலை ,மற்றொரு புறம் விளைவித்த பொருட்களை போதிய வருமானம் இல்லாததால் வாங்க முடியாத நிலை ,மற்றொரு புறம் மளிகைப் பொருட்களுக்கு காய்கறிகளுக்கு பழங்களுக்கு தட்டுப்பாடு,நேரக்கட்டுப்பாடு ,கெடுபிடி.திடீர் விலை வாசி உயர்வு,பண நெருக்கடி என பல விதத்தில் மக்கள் மனஉளைச்சலில் இருக்கின்றனர் .இதே நிலை நீடித்தால் எங்கும் குழப்பம் நேரிடும்,மக்களிடம் பதட்டம் பெருகும் இது ஆரோக்கியமான சூழல் அல்ல . முழு ஊரடங்கைக் கடுமை ஆக்க ராமதாஸ் அரசை வலியுறுத்தி உள்ளார் .அவருடைய கட்சி நிதியில் இருந்து பொதுமக்களின் துயர் துடைக்க முடிந்த அளவு பணம் மற்றும் பொருளை அவர் கட்சி நிதியில் இருந்து மனம் உவந்து அளிக்கலாம் .வரவேற்போம் . ஜி.எஸ்.ராஜன் சென்னை .
Rate this:
Cancel
RajanRajan - kerala,இந்தியா
19-மே-202109:47:11 IST Report Abuse
RajanRajan மருத்துவரய்யா, இன்னா உயிர் பயம் வந்துட்டா மட்டும் என்ன ஆக்சிஜன் விலை மருத்துவமனை கொள்ளை எல்லாம் ஒஞ்சுடுமா என்ன. குரானா வேட்டை முடியும் வரை எல்லாமே இப்படி தான் இருக்குமாய்யா சாமி. ஆவுற வேலைய பாருங்க போங்க.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X