வரும் 21ல், ராஜிவ் நினைவு தினம் வருகிறது. அன்றைய நாளில் கொரோனா தடுப்பு விதிமுறைகளின் கீழ், அவருக்கு அஞ்சலி செலுத்த வேண்டும். ஒவ்வொரு எம்.பி., - எம்.எல்.ஏ.,வும், தங்கள் தொகுதியில், ஒரு லட்சம் பேருக்கு முக கவசம் வழங்க வேண்டும்.
-தமிழக காங்., தலைவர் அழகிரி

கொரோனா ஒழிப்பு நடவடிக்கையில், அரசியலுக்கு அப்பாற்பட்டு, இப்போதைய அரசுக்கு ஒத்துழைப்போம். கொரோனாவை, தடுப்பூசி மட்டுமே விரட்டும். எனவே, நாட்டு மக்கள் அனைவரும் தவறாமல் தடுப்பூசி போட்டுக் கொள்ள வேண்டும்.
-தமிழக முன்னாள் சுகாதாரத்துறை அமைச்சர் விஜயபாஸ்கர் அறிக்கை

ஹிந்து ஆலயங்களின் சொத்துக்களை பாதுகாக்க வேண்டும் என சொன்ன தற்காக, ஜக்கி வாசுதேவ் மீது, தமிழக நிதி அமைச்சர் தியாகராஜன் குற்றம் சாட்டுகிறார். அவரை மிரட்டிப் பார்த்து, ஹிந்துக்களை கிள்ளுக்கீரைகள் என நினைக்கிறார்.
-தமிழக பா.ஜ., கலாசார பிரிவு தலைவர் நடிகை காயத்ரி ரகுராம்

அனைத்து ஜாதியினரும் அர்ச்சகர் ஆகலாம் என்ற, ஈ.வெ.ரா.,வின் கனவை நனவாக்கியவர், முன்னாள் முதல்வர் கருணாநிதி. அவர் இயற்றிய சட்டப்படி, அர்ச்சகர் ஆக காத்திருப்போரை பதவியில் நியமித்து, வரலாற்று சாதனையை, முதல்வர் ஸ்டாலின் படைக்க வேண்டும்.
-திராவிடர் கழகத் தலைவர் வீரமணி அறிக்கை

கொரோனா தொற்று கண்டுபிடிக்கப்படுபவர்களில், கட்டுமான தொழிலாளர்கள் அதிகம் பேர் உள்ளனர். அவர்களுக்கு உரிய சிகிச்சை அளிக்கவும், தடுப்பூசி வழங்குவதற்கும் முன்னுரிமை அளிக்க வேண்டும். அவர்கள் இறந்தால், ஐந்து லட்சம் ரூபாய், நல நிதியிலிருந்து வழங்க வேண்டும்.
- ஏ.ஐ.டி.யு.சி., கட்டுமான தொழிலாளர் சங்கத்தின் பொதுச் செயலர் ரவி

வரும் 21ல், ராஜிவ் நினைவு தினம் வருகிறது. அன்றைய நாளில் கொரோனா தடுப்பு விதிமுறைகளின் கீழ், அவருக்கு அஞ்சலி செலுத்த வேண்டும். ஒவ்வொரு எம்.பி., - எம்.எல்.ஏ.,வும், தங்கள் தொகுதியில், ஒரு லட்சம்