தமிழகத்தில் பிளஸ் 2 தேர்வு கட்டாயம் நடக்கும்: அமைச்சர்

Updated : மே 23, 2021 | Added : மே 23, 2021 | கருத்துகள் (6) | |
Advertisement
புதுடில்லி: மத்திய அரசுடன் நடந்த ஆலோசனைக்கு பின்னர் நிருபர்களிடம் பேசிய தமிழக பள்ளிக்கல்வித்துறை அமைச்சர் மகேஷ் பொய்யாமொழி , தமிழகத்தில் கட்டாயம் பிளஸ் 2 தேர்வு நடக்கும் என தெரிவித்தார். சி.பி.எஸ்.இ., மற்றும் பல மாநில கல்வி வாரியங்கள், கொரோனா பரவல் காரணமாக இந்தாண்டு 10ம் வகுப்பு தேர்வை ரத்து செய்துள்ளன. பிளஸ் 2 வகுப்பு தேர்வு தள்ளி வைக்கப் பட்டு உள்ளது. அதுபோல,
 பிளஸ் 2 தேர்வு, மாநில அரசு, மத்திய அரசு, ஆலோசனை

புதுடில்லி: மத்திய அரசுடன் நடந்த ஆலோசனைக்கு பின்னர் நிருபர்களிடம் பேசிய தமிழக பள்ளிக்கல்வித்துறை அமைச்சர் மகேஷ் பொய்யாமொழி , தமிழகத்தில் கட்டாயம் பிளஸ் 2 தேர்வு நடக்கும் என தெரிவித்தார்.


latest tamil news



சி.பி.எஸ்.இ., மற்றும் பல மாநில கல்வி வாரியங்கள், கொரோனா பரவல் காரணமாக இந்தாண்டு 10ம் வகுப்பு தேர்வை ரத்து செய்துள்ளன. பிளஸ் 2 வகுப்பு தேர்வு தள்ளி வைக்கப் பட்டு உள்ளது. அதுபோல, உயர் கல்விக்கான நுழைவுத் தேர்வுகளும் ஒத்தி வைக்கப் பட்டு உள்ளன. மாணவர்கள், ஆசிரியர்கள் ஆகியோரின் பாதுகாப்பு உட்பட பல்வேறு அம்சங்களை ஆராய்ந்து, பிளஸ் 2 தேர்வு நடத்துவது தொடர்பாக ஆலோசித்து வருவதாக, மத்திய கல்வி அமைச்சகம், அனைத்து மாநிலங்களுக்கும் கடிதம் அனுப்பி இருந்தது.


latest tamil news


இந்நிலையில், பிளஸ் 2 தேர்வு மற்றும் உயர் கல்விக்கான நுழைவுத் தேர்வுகள் குறித்து, இன்று அனைத்து மாநிலங்கள், யூனியன் பிரதேசங்களின் கல்வி அமைச்சர்கள், செயலர்களின் கூட்டம் நடைபெற்றது. இந்த கூட்டத்தில் மத்திய அமைச்சர்கள் ரமேஷ் பொக்ரியால், ராஜ்நாத் சிங், ஸ்மிருதி இரானி, பிரகாஷ் ஜாவேத்கர் மற்றும் அதிகாரிகள் பங்கேற்றனர்.


latest tamil news


தமிழகத்தின் சார்பில் பள்ளிகல்வித்துறை அமைச்சர் அன்பில் மகேஷ் பொய்யாமொழி மற்றும் செயலாளர் தீரஜ்குமார் ஆகியோர் பங்கேற்றனர். இந்த கூட்டத்தில் மாநில அரசுகள் தெரிவிக்கும் கருத்துகள் அடிப்படையில், பிளஸ் 2 தேர்வை நடத்துவது குறித்து மத்திய அரசு முடிவெடுக்கும்.

இதன் பின்னர் நிருபர்களிடம் பேசிய அமைச்சர் மகேஷ் பொய்யாமொழி கூறியதாவது: தமிழகத்தில் பிளஸ் 2 தேர்வு கட்டாயம் நடக்கும். கொரோனா பரவல் குறைந்த பிறகு, பிளஸ் 2 தேர்வு தொடர்பாக முடிவு எடுக்கப்படும். மாணவர்களின் நலன் கருதி இந்த முடிவு எடுக்கப்பட்டுள்ளது. தேர்வு நடத்தவில்லை எனில், தமிழகத்தை விட்டு வேறு மாநிலத்திற்கு அல்லது மத்திய கல்வி நிறுவனங்களுக்கு படிக்க செல்லும் மாணவிகளின் எதிர்காலம் கேள்விக்குறியாகிவிடும். எனவே கண்டிப்பாக பிளஸ் 2 தேர்வு நடக்கும்.

சிபிஎஸ்இ பிளஸ்2 தேர்வு தொடர்பாக முக்கிய ஆலோசனை நடத்தப்பட்டது. தமிழகத்தின் நிலைப்பாடு குறித்து மத்திய அரசிடம் வரும் செவ்வாய் கிழமைக்குள் தெரிவிக்கப்படும். ஜேஇஇ நுழைவு தேர்வுகள் குறித்தும் ஆலோசிக்கப்பட்டது. மாநில அரசின் கட்டுப்பாட்டில் உள்ள மருத்துவ கல்லூரிகளுக்கு நீட் நுழைவுத்தேர்வு கூடாது. மத்திய அரசின் கட்டுப்பாட்டில் உள்ள மருத்துவ கல்லூரிகளுக்கு மட்டும் நீட் நுழைவுத்தேர்வு நடத்த வேண்டும் என வலியுறுத்தப்பட்டது.

Advertisement




வாசகர் கருத்து (6)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Ku Su - மேலக்குண்டியூர்,இந்தியா
23-மே-202121:55:46 IST Report Abuse
Ku Su இதுபோன்ற பக்குவமற்ற அறிவிப்புகள் மாணவர்களின் மனச்சுமையை அதிகரித்து தற்கொலைக்கு தூண்டும்.. திமுக அதிலும் பிண அரசியல் செய்யும்
Rate this:
Cancel
sankaranarayanan - Chennai-Tamilnadu,இந்தியா
23-மே-202119:11:24 IST Report Abuse
sankaranarayanan குலக்கல்வி திட்டம் பற்றி அன்பில் அமைச்சர் பேசி இருந்தார். அரசியலில் குலத்திட்டம் இருக்கும்போது, கல்வியிலும் குலத்திட்டம் இருந்தால் என்ன? மக்களை பேச்சினால் திசைதிருப்புவதே இவர்களின் நோக்கம். விளைவுகள் நாட்டிற்கு நாசம்தான் கலைஞர் - ஸ்டாலின் - உதயநிதி - இன்பநிதி மற்றும் அன்பில் தருமு - பொய்யாமொழி- மகேஷ் இன்னும் கீதாஜீவன், அருணா - பூங்கோதை இன்னும் கட்சியில் பலர் குலஅரசியலில் இல்லாமலா வந்துள்ளார்கள்? அந்த காலத்தில் குலத்தொழிலினால் முன்னேற வாய்ப்புகள் இருப்பதை அறிந்த மேதை இராஜாஜி கொண்டுவந்ததை நிராகரித்தார்கள். இப்போது அதையே இவர்கள் அரசியலில் நுழைத்துளார்கள். மக்களே புரிந்து கொள்ளுங்கள். பள்ளியில் சொல்லிக்கொடுப்பது, குலத்திற்கு அல்ல. தனது விருப்பப்படி எந்த கைவினையாவது செய்யதால், பிழைத்துக் கொள்ளலாம் என்ற நல்ல எண்ணம் தான். இதற்க்கு ஆங்கிலத்தில் கிராப்டு வேலை என்பார்கள்.
Rate this:
Cancel
siriyaar - avinashi,இந்தியா
23-மே-202118:46:17 IST Report Abuse
siriyaar பிளஸ் 2 தேர்வை ரத்து செய்து விட்டு அனைத்து மாணவர்களுக்கும் நீட், மற்றும் JEE தேர்வுகளை மட்டும் நடத்தலாம், அதில் வாங்கும் மார்க் அடிப்படையில் அவர்கள் கல்லூரிகளில் சேரட்டும். ஒரே நாளில் தேர்வுகள் முடியும். கோரானா ஆபத்து இல்லை. தொழில் நுட்ப கல்லூரிகளில் சேர JEE தேர்ச்சி கட்டாயபடுத்த வேண்டும் அதை செய்தால் தமிழகத்தில் அடுத்த கொள்ளை நிற்கும். என்ஜினியர் ஆகும் தகுதியே.இல்லாத மாணவர்களிம் ஆசையை காட்டி காசை கொள்ளை அடிக்கிறார்கள், அவர்களை பாஸ் ஆக்கி சர்டிபிகேட் கொடுக்கிறார்கள் நிறுவனங்கள் நடத்தும் தேர்வில் தோற்பதால் அவர்களுக்கு வேலை கிடைப்பது இல்லை. கல்வி 100 சதம் மத்திய அரசின் கட்டுப்பாட்டில் இருக்க வேண்டும் அதை செய்தால் பல சொத்துக்கள் விற்பது நிற்கும். வேலை இல்லா திண்டாட்டம் ஒழியும் பீகாரில் இருந்து இங்கு வரும் நபர்கள் தேவைப்பட மாட்டார்கள்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X