புளுகாதீங்க சார்! காலி படுக்கை நிறைய இருக்காம்... நம்பி வரும் நோயாளிகள் ஏமாற்றம்

Updated : மே 24, 2021 | Added : மே 24, 2021 | கருத்துகள் (13)
Advertisement
கோவை:மருத்துவமனைகளில் காலி படுக்கைகள் குறித்து, மாவட்ட நிர்வாகம் அளிக்கும் தவறான அறிக்கைகளால், நோயாளிகள் - மருத்துவமனைகள் இடையே, மோதல் ஏற்படும் சூழல் உருவாகியுள்ளது. படுக்கை இருக்கிறதென உயிரை கையில் பிடித்தபடி வரும் நோயாளிகள், வேறு மருத்துவமனைக்கு செல்லும் வழியில் உயிரிழக்க நேரிடுகிறது. இந்த பெருந்தொற்று காலத்தில், உயிர்களுடன் ஏனிந்த விளையாட்டு?சென்னைக்கு
 புளுகாதீங்க சார்! காலி படுக்கை நிறைய இருக்காம்... நம்பி வரும் நோயாளிகள் ஏமாற்றம்

கோவை:மருத்துவமனைகளில் காலி படுக்கைகள் குறித்து, மாவட்ட நிர்வாகம் அளிக்கும் தவறான அறிக்கைகளால், நோயாளிகள் - மருத்துவமனைகள் இடையே, மோதல் ஏற்படும் சூழல் உருவாகியுள்ளது. படுக்கை இருக்கிறதென உயிரை கையில் பிடித்தபடி வரும் நோயாளிகள், வேறு மருத்துவமனைக்கு செல்லும் வழியில் உயிரிழக்க நேரிடுகிறது. இந்த பெருந்தொற்று காலத்தில், உயிர்களுடன் ஏனிந்த விளையாட்டு?சென்னைக்கு அடுத்தபடி யாக, கோவையில் கொரோனா பாதிப்பு தொடர்ந்து உச்சத்தில் இருந்து வருகிறது.
கொரோனா நோயாளிகள் படுக்கைகளுக்காக, தினமும் மருத்துவமனைகள் முன் தவம் கிடக்கும் சூழல் நீடித்து வருகிறது.கோவை அரசு மருத்துவமனையின், கொரோனா சிறப்பு வார்டு முன் ஆம்புலன்ஸ்களில், நோயாளிகள் சாதாரண படுக்கைக்காகவும், ஆக்சி ஜன் படுக்கைக்காகவும், மணிக்கணக்கில் காத்திருக்கும் அவலநிலை காணப்படுகிறது.
மருத்துவமனை சார்பில், ஆக்சி ஜன் படுக்கைகளின் எண்ணிக்கை தொடர்ந்து அதிகரிக்கப்பட்டாலும்,அவையனைத்தும் குறுகிய காலத்தில் நிரம்பி விடுகின்றன.தனியார் மருத்Yவமனைகளில், லட்சக்கணக்கில் பணத்தை செலவழிக்க தயாராக இருப்போருக்கும், கிடைக்கும் ஒரே பதில், படுக்கைகள் இல்லை என்பதே.
இந்நிலையில், நோயாளிகளின் வசதிக்காக மருத்துவமனைகளில் சாதாரண, ஆக்சிஜன் மற்றும் தீவிர சிகிச்சை பிரிவுகளில் உள்ள படுக்கைகளின் விபரங்கள், மாவட்ட நிர்வாகம் சார்பில் தினமும் வழங்கப்படுகிறது.இந்த அறிக்கையில் குறிப்பிடப்படும், படுக்கைகளின் விபரங்களுக்கும், உண்மையில் மருத்துவமனைகளில் காலியாக உள்ள படுக்கைகளின் எண்ணிக்கைக்கும், பெரிய வித்தியாசம் உள்ளது.
உதாரணத்துக்கு, நேற்று முன்தினம் கோவை அரசு மருத்துவக் கல்லுாரி மருத்துவமனையில், 149 ஆக்சி ஜன் வசதியுடன் கூடிய படுக்கைகள், காலியாக உள்ளதாக அறிக்கையில் தெரிவிக்கப்பட்டிருந்தது.ஆனால், உண்மையில் மருத்துவமனையில் இருந்த, 723 ஆக்சி ஜன் படுக்கைகளும், நிரம்பி விட்டன. இதே போல், தனியார் மருத்துவமனை ஒன்றில், 108 ஆக்சி ஜன் படுக்கைகள் காலியாக இருப்பதாக தெரிவிக்கப்பட்டது.ஆனால், உண்மை நிலவரப்படி அங்கு படுக்கைகள் காலியாக இல்லை.
உயிரை கையில் பிடித்துக் கொண்டு, அரசின் அறிக்கையை படித்து விட்டு, நம்பிக்கையுடன் மருத்துவமனைக்கு செல்லும் நோயாளிகள், நிர்வாகத்துடன் வாக்குவாதத்தில் ஈடுபடுவது, சமீபகாலமாக அதிகரித்து வருகிறது.அதன் பின், அவசரம் அவசரமாக வேறு மருத்துவமனையை தேடி செல்வோர் சிலர், வழியிலேயே உயிரிழக்க நேரிடுகிறது.இதே நிலை நீடித்தால் மருத்துவமனைகள், நோயாளிகள் இடையே மோதல் ஏற்பட வாய்ப்புள்ளது. இதைக்கருத்தில் கொண்டு, மாவட்ட நிர்வாகம் உண்மை நிலவரத்தை வெளியிட வேண்டும்.
இது குறித்து, மாவட்ட கலெக்டரின் கருத்தை அறிய, வாட்ஸ் ஆப் மூலம் தகவல் தெரிவித்தும், எந்த பதிலும் கிடைக்கவில்லை.யாரை திருப்திப்படுத்த?தமிழக முதல்வர் ஸ்டாலின் மற்றும் மாநில சுகாதார துறை அமைச்சர் மா.சுப்ரமணியன், கொரோனா பாதிப்பு குறித்து வெளிப்படையான அறிக்கை அளிக்க வேண்டும் என, அனைத்து ஊழியர்களுக்கும் அறிவுறுத்தியுள்ளனர். ஆனால், கோவை மாவட்ட நிர்வாகம் உயிரிழப்பு, காலிப்படுக்கைகள் குறித்து தொடர்ந்து தவறான தகவல்களையே அளித்து வருகிறது. மாவட்ட நிர்வாகம் யாரை திருப்திபடுத்த, இவ்வாறு தவறான அறிக்கையை அளித்து வருகிறது என தெரியவில்லை.


Advertisement


வாசகர் கருத்து (13)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Thesa bakthi ulla nunbun - chennai,இந்தியா
30-மே-202108:36:17 IST Report Abuse
Thesa bakthi ulla nunbun அடைந்தாள் திராவிட நாடு, இல்லையேல் சுடுகாடு ரூபாயிக்கு மூணு படி அரிசி லட்சியம் இல்லையேல் ஒருபடி நிச்சயம் கூலி உயர்வு கேட்ட அத்தான் குண்டடி பட்டு செத்தான் ஏழைகளுக்கு ரெண்டு செண்டு நிலம் லட்சியம் இல்லையேல் கையளவு நிலம் நிச்சயம் இவையெல்லாம் பழைய தி மு கா கல்வெட்டுகள் இப்போ புதுசா
Rate this:
Cancel
Swaminathan Chandramouli - Pondicherry,இந்தியா
28-மே-202111:13:42 IST Report Abuse
Swaminathan Chandramouli கோவையில் ஒரு தொகுதியில் கூட திமுக வெல்லவில்லை மாற்றாக ஒரு தொகுதியில் போட்டியிட்ட பிஜேபி வேட்பாளர் திருமதி வானதி ஸ்ரீநிவாசன் வென்று விட்டார், கோவை ஆஸ்பத்திரிகளில் கொரோன வைரஸ் தடுப்பு ஊசிகள் மற்றும் நோயாளிகளுக்கு படுக்கை வசதிகளை செய்ய திமுக அரசாங்கம் நடவடிக்கைகள் எதுவும் எடுக்கவில்லை இது திமுக மேலிடத்தில் இருந்து வந்த உத்தரவு . வானதி ஸ்ரீனிவாசன் பெயரை கெடுக்கும் முகமாக இந்த விளையாட்டு நடை பெறுகிறது
Rate this:
Cancel
இறைவனுக்கே இறைவன் மஹாவிஷ்ணு பங்களூருவில் நடந்த சம்பவம் நினைவிற்கு வருகிறது.. ஒருவேளை அரசு ஆஸ்பத்திரிகள் ஜெருசலம் மற்றும் அரபியர்கள் கட்டுப்பாட்டில் உள்ளதா
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X