மினி வேன் ஏற்றி இளம்பெண் கொலை அமெரிக்க கணவரின் சதி அம்பலம்| Dinamalar

சம்பவம் செய்தி

தமிழ்நாடு

மினி வேன் ஏற்றி இளம்பெண் கொலை அமெரிக்க கணவரின் சதி அம்பலம்

Updated : மே 25, 2021 | Added : மே 25, 2021 | கருத்துகள் (14)
Share
திருவாரூர்:திருவாரூர் அருகே, மினி வேன் ஏற்றி இளம்பெண் கொல்லப்பட்ட வழக்கில், நான்கு பேர் கைது செய்யப்பட்டனர். கொலையின் பின்னணியில், அமெரிக்காவில் வசிக்கும் அவரது கணவருக்கு தொடர்புஇருப்பதாக,போலீசார் தெரிவித்தனர்.திருவாரூர் அருகே, கிடாரம்கொண்டான் கிராமத்தைச் சேர்ந்த சிதம்பரம் மகள் ஜெயபாரதி, 28. இவருக்கு, 2015ல் தஞ்சை மாவட்டம், திருவிடைமருதுாரைச் சேர்ந்த, விஷ்ணுபிரகாஷ்,
 மினி வேன் ஏற்றி இளம்பெண் கொலை அமெரிக்க கணவரின் சதி அம்பலம்

திருவாரூர்:திருவாரூர் அருகே, மினி வேன் ஏற்றி இளம்பெண் கொல்லப்பட்ட வழக்கில், நான்கு பேர் கைது செய்யப்பட்டனர். கொலையின் பின்னணியில், அமெரிக்காவில் வசிக்கும் அவரது கணவருக்கு தொடர்புஇருப்பதாக,போலீசார் தெரிவித்தனர்.

திருவாரூர் அருகே, கிடாரம்கொண்டான் கிராமத்தைச் சேர்ந்த சிதம்பரம் மகள் ஜெயபாரதி, 28. இவருக்கு, 2015ல் தஞ்சை மாவட்டம், திருவிடைமருதுாரைச் சேர்ந்த, விஷ்ணுபிரகாஷ், 33, என்பவருடன் திருமணம் நடந்தது.


விவாகரத்து 'நோட்டீஸ்'


திருமணம் முடிந்த பின், தம்பதி, அமெரிக்காவில் வசித்தனர். இருவருக்கும் பெண் குழந்தை பிறந்துள்ளது. அதன்பின், கணவன், மனைவி இடையே தகராறு ஏற்பட்டுள்ளது.மூன்று ஆண்டுகளுக்கு முன், மனைவி மற்றும் குழந்தையை, மனைவியின் பெற்றோர் வீட்டிற்கு விஷ்ணுபிரகாஷ் அனுப்பி விட்டார்.ஜெயபாரதி, ஆந்தக்குடி கிளை தபால் நிலையத்தில், தற்காலிக அதிகாரியாக பணிபுரிந்து வந்தார். சில மாதங்களுக்கு முன், கணவருக்கு விவாகரத்து, 'நோட்டீஸ்' அனுப்பியுள்ளார்.

விவாகரத்து நோட்டீஸ் குறித்து, தான் பணிபுரியும் நிறுவனத்துக்கு தெரிந்தால், வேலை போய்விடும் என பயந்த விஷ்ணுபிரகாஷ், மனைவி வீட்டாரிடம் சமரசம் பேசியுள்ளார். ஆயினும், உடன்பாடு ஏற்படவில்லை.இந்நிலையில், கடந்த 21ம் தேதி மதியம், 2:30 மணிக்கு பணி முடிந்து, இருசக்கர வாகனத்தில், ஜெயபாரதி வீட்டிற்கு வந்து கொண்டிருந்தார்.


நால்வர் கைது

தப்ளாம்புலியூர் கடுவையாற்று பாலத்தில், எதிரே வந்த மினி லோடு வேன் மோதியதில் ஜெயபாரதி படுகாயம் அடைந்து, மருத்துவமனையில் இரவு இறந்தார்.திருவாரூர் தாலுகா போலீசார் விபத்து வழக்காக பதிந்து, வேன் டிரைவர் பிரசன்னா, உரிமையாளர் செந்தில்குமார் ஆகிய இருவரையும் கைது செய்து விசாரித்து வந்தனர்.

இந்நிலையில், சிதம்பரம், தன் மகள் சாவில் மர்மம் இருப்பதாக, நேற்று முன்தினம் புகார் அளித்தார். அப்பகுதியில் உள்ள, 'சிசிடிவி' கேமராக்களை போலீசார் ஆய்வு செய்தனர்.இதில், விபத்து ஏற்படுத்திய மினி லோடு வேன், ஜெயபாரதியை பின் தொடர்ந்து வந்து, அவர் மீது மோதியது தெரிந்தது. இதையடுத்து போலீசார், விபத்து வழக்கை, கொலை வழக்காக பதிவு செய்தனர்.இதற்கு உடந்தையாக இருந்த ராஜா, ஜெகன், ஆகிய இருவரும் கைது செய்யப்பட்டனர்.

அமெரிக்காவில் வசிக்கும் விஷ்ணுபிரகாஷ் ஏற்பாட்டில் இந்த கொலை நடந்திருப்பதாக, போலீசார் தெரிவித்தனர். இது தொடர்பாக, விஷ்ணுபிரகாஷின் உறவினர்களிடம்விசாரணை நடக்கிறது.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X