ஒரு டோஸ் ஆகிறது கோவிஷீல்டு தடுப்பூசி?| Dinamalar

பொது செய்தி

இந்தியா

ஒரு 'டோஸ்' ஆகிறது 'கோவிஷீல்டு' தடுப்பூசி?

Updated : ஜூன் 03, 2021 | Added : ஜூன் 01, 2021 | கருத்துகள் (10)
Share
புதுடில்லி ;'கோவிஷீல்டு' தடுப்பூசியை இரண்டு, 'டோஸ்'களுக்கு பதிலாக ஒரு டோஸ் தடுப்பூசியாக மாற்றுவது குறித்து, மத்திய அரசு ஆய்வு செய்து வருவதாக தகவல் வெளியாகி உள்ளது.ஐரோப்பிய நாடான பிரிட்டனைச் சேர்ந்த ஆக்ஸ்போர்டு பல்கலைக்கழகம் மற்றும் ஆஸ்ட்ராஜெனகா நிறுவனம் இணைந்து, கொரோனா தடுப்பூசி தயாரித்தன. இதை, மஹாராஷ்டிராவின் புனேவை சேர்ந்த, சீரம் இந்தியா நிறுவனம் தயாரித்து
Covishield vaccine, single shot, One Dose, Covishield, vaccine, ஒரு 'டோஸ் ,கோவிஷீல்டு, தடுப்பூசி?

புதுடில்லி ;'கோவிஷீல்டு' தடுப்பூசியை இரண்டு, 'டோஸ்'களுக்கு பதிலாக ஒரு டோஸ் தடுப்பூசியாக மாற்றுவது குறித்து, மத்திய அரசு ஆய்வு செய்து வருவதாக தகவல் வெளியாகி உள்ளது
.ஐரோப்பிய நாடான பிரிட்டனைச் சேர்ந்த ஆக்ஸ்போர்டு பல்கலைக்கழகம் மற்றும் ஆஸ்ட்ராஜெனகா நிறுவனம் இணைந்து, கொரோனா தடுப்பூசி தயாரித்தன. இதை, மஹாராஷ்டிராவின் புனேவை சேர்ந்த, சீரம் இந்தியா நிறுவனம் தயாரித்து வினியோகிக்கிறது. இந்த தடுப்பூசி இந்தியாவில் 'கோவிஷீல்டு' என்றும், மற்ற நாடுகளில், 'வாக்ஸேவ்ரியா' என்றும் அழைக்கப்படுகிறது.

மொத்தம் இரண்டு டோஸ்களாக போடப்படும் கோவிஷீல்டு தடுப்பூசிக்கான கால இடைவெளியை, 4 - 6 வாரங்களில் இருந்து, 12 - 16 வாரங்களாக, மத்திய அரசு சமீபத்தில் அதிகரித்தது. ரஷ்யாவின், 'ஸ்புட்னிக் - வி லைட்' மற்றும் அமெரிக்காவின் 'ஜான்சன் அண்ட் ஜான்சன்' தடுப்பூசிகள் ஒரு டோஸ் மட்டுமே போடப்படுகின்றன. இதைப் போல கோவிஷீல்டையும், இரண்டு டோஸ்களுக்கு பதிலாக, ஒரு டோஸ் தடுப்பூசியாக மாற்றினால், அதன் செயல்திறன் எவ்வாறு இருக்கும் என்பது குறித்து, மத்திய அரசு ஆய்வு செய்து வருவதாக, தகவல் வெளியாகி உள்ளது.

இது குறித்து, தடுப்பூசிக்கான தேசிய தொழில்நுட்ப ஆலோசனை குழுவின் தலைவர் என்.கே.அரோரா கூறியதாவது:தடுப்பூசி போடும் தினசரி எண்ணிக்கையை அதிகரிக்க மத்திய அரசு திட்ட மிட்டு வருகிறது. ஆக., முதல், மாதம் ஒன்றுக்கு, 20 - 25 கோடி தடுப்பூசி தயாரிக்கப்படும். ஜூலை மத்தியில் இருந்தே, நாடு முழுதும், நாள் ஒன்றுக்கு, 1 கோடி பேருக்கு தடுப்பூசி போட, மத்திய அரசு இலக்கு நிர்ணயித்து உள்ளது.

அதற்குள், ஸ்புட்னிக் - வி தடுப்பூசியின் உள்நாட்டு தயாரிப்பும் துவங்கிவிடும். 'பைசர், மாடர்னா' தடுப்பூசிகளும் நம் நாட்டில் கிடைக்க துவங்கிவிட்டால், தடுப்பூசி தட்டுப்பாடு இருக்காது. தற்போது இரண்டு டோஸ்களாக செலுத்தப்படும் கோவிஷீல்டு தடுப்பூசியை, ஒரு டோஸாக மாற்றினால், அதன் செயல்திறன் எவ்வாறு இருக்கும் என்பது குறித்தும் மதிப்பீடு செய்து வருகிறோம். இவ்வாறு அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X