அதிகரிக்கும் குழந்தை திருமணம்; உடனடி நடவடிக்கை தேவை: கமல்| Dinamalar

அதிகரிக்கும் குழந்தை திருமணம்; உடனடி நடவடிக்கை தேவை: கமல்

Updated : ஜூன் 04, 2021 | Added : ஜூன் 03, 2021 | கருத்துகள் (21) | |
சென்னை : 'கொரோனா ஊரடங்கால் அதிகரித்துள்ள குழந்தைகள் திருமணத்தை தடுக்க உடனடி நடவடிக்கை எடுக்க வேண்டும்' என, மக்கள் நீதி மய்யம் தலைவர் கமல் கூறியுள்ளார்.அவரது அறிக்கை: எந்த ஒரு பேரிடர் காலத்திலும், இளம் சிறார்கள் அதிக தாக்கத்தை எதிர்கொள்வர். குறிப்பாக, பெண் குழந்தைகள் பாலியல் வன்கொடுமை, கல்வி இடைநிற்றல் உள்ளிட்ட பல பாதிப்புகளுக்கு ஆளாவர்.கடந்தாண்டு ஊரடங்கு தொடங்கிய
Kamal, Kamal Haasan, Child Marriage

சென்னை : 'கொரோனா ஊரடங்கால் அதிகரித்துள்ள குழந்தைகள் திருமணத்தை தடுக்க உடனடி நடவடிக்கை எடுக்க வேண்டும்' என, மக்கள் நீதி மய்யம் தலைவர் கமல் கூறியுள்ளார்.

அவரது அறிக்கை: எந்த ஒரு பேரிடர் காலத்திலும், இளம் சிறார்கள் அதிக தாக்கத்தை எதிர்கொள்வர். குறிப்பாக, பெண் குழந்தைகள் பாலியல் வன்கொடுமை, கல்வி இடைநிற்றல் உள்ளிட்ட பல பாதிப்புகளுக்கு ஆளாவர்.கடந்தாண்டு ஊரடங்கு தொடங்கிய போதே 1.30 கோடி குழந்தை திருமணம் நடக்கும் என, 'யுனிசெப்' எச்சரித்திருந்தது.



latest tamil news


தற்போது தமிழகத்தில், சேலம், தர்மபுரி, திண்டுக்கல், ராமநாதபுரம் உள்ளிட்ட பல மாவட்டங்களில், குழந்தை திருமணங்கள் அதிகரிப்பதாக சி.ஆர்.ஓய்., என்ற தன்னார்வல அமைப்பின் புள்ளி விபரங்கள் தெரிவிக்கின்றன. கடந்த 2020 மே மாதம் மட்டும் சேலத்தில் 98; தர்மபுரியில் 192 என, தமிழகத்தில் 318 குழந்தை திருமணங்கள் நடந்துள்ளன.



கடந்தாண்டை விட இது அதிகம்.உறுதியான தடுப்பு நடவடிக்கை எடுக்க தவறினால், இந்தாண்டும் குழந்தை திருமணங்கள் அதிகரிக்கும். தமிழக அரசு, இவ்விஷயத்தில் உடனடி கவனம் செலுத்த வேண்டும். இவ்வாறு அவர் கூறியுள்ளார்.

புதிய செய்திகளுக்கு தினமலர் சேனலை Subscribe செய்யுங்கள்
Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X