2030ல் உலகின் மிகப் பெரிய பசுமை ரயில்வேக்கு இலக்கு!| Dinamalar

பொது செய்தி

இந்தியா

2030ல் உலகின் மிகப் பெரிய பசுமை ரயில்வேக்கு இலக்கு!

Updated : ஜூன் 05, 2021 | Added : ஜூன் 05, 2021 | கருத்துகள் (9)
Share
புதுடில்லி: இந்திய ரயில் போக்குவரத்தை, 2030க்குள், உலகின் மிகப் பெரிய, 'பசுமை ரயில்வே'யாக மாற்ற திட்டமிட்டு, முழு வீச்சில் பணிகள் நடப்பதாக இந்திய ரயில்வே தெரிவித்துள்ளது.நவீன தொழில்நுட்பம்சர்வதேச சுற்றுச்சூழல் தினத்தை முன்னிட்டு, இந்திய ரயில்வே அறிக்கை வெளியிட்டுள்ளது. அதில் கூறப்பட்டுள்ளதாவது:வரும், 2030க்குள், 'பூஜ்ய கரியமில வாயு வெளியேற்றம்' என்ற இலக்கை
Indian Railways, net zero carbon emitter, 2030

புதுடில்லி: இந்திய ரயில் போக்குவரத்தை, 2030க்குள், உலகின் மிகப் பெரிய, 'பசுமை ரயில்வே'யாக மாற்ற திட்டமிட்டு, முழு வீச்சில் பணிகள் நடப்பதாக இந்திய ரயில்வே தெரிவித்துள்ளது.


நவீன தொழில்நுட்பம்


சர்வதேச சுற்றுச்சூழல் தினத்தை முன்னிட்டு, இந்திய ரயில்வே அறிக்கை வெளியிட்டுள்ளது. அதில் கூறப்பட்டுள்ளதாவது:வரும், 2030க்குள், 'பூஜ்ய கரியமில வாயு வெளியேற்றம்' என்ற இலக்கை அடைய திட்டமிடப்பட்டு, அதற்கான பணிகள் முழு வேகத்தில் நடக்கின்றன.

இதன் வாயிலாக, உலகின் மிகப் பெரிய பசுமை ரயில்வே என்ற சிறப்பை, இந்திய ரயில்வே பெறும்.வரும், 2023க்குள் அகல ரயில் பாதைகள் அனைத்தையும், 100 சதவீதம் மின்மயமாக்க திட்டமிடப்பட்டுள்ளது.அத்துடன் வெப்பமயமாக்கலை தடுக்க, அனைத்து ரயில்களின் இயக்கத்தில் நவீன தொழில் நுட்பங்கள் புகுத்தப்படும்.


latest tamil news



கரியமில வாயு


பிரத்யேக சரக்கு ரயில் போக்குவரத்து தடங்களில் கரியமில வாயு வெளியேற்றத்தை குறைத்து, பசுமை சூழலை உருவாக்கும் தொழில் நுட்பங்கள் பயன்படுத்தப்படுகின்றன.

ரயில்வேயின், 39 தொழிற்சாலைகள், ஏழு தயாரிப்பு பிரிவுகள், எட்டு ரயில் பெட்டி பராமரிப்பு கூடங்கள், ஒரு சரக்கு கிடங்கு ஆகியவற்றுக்கு 'பசுமை' சான்றிதழ் பெறப்பட்டு உள்ளது. இவ்வாறு அதில் கூறப்பட்டுள்ளது.


பசுமை சான்றிதழ்


மின் சிக்கனம், புதுப்பிக்கத்தக்க எரிசக்தி பயன்பாடு, கரியமில வாயு வெளியேற்றத்தை குறைக்கும் நடவடிக்கைகள், தண்ணீர் சேமிப்பு, கழிவு மேலாண்மை, மறுசுழற்சி, குறைவான பொருட்களை பயன்படுத்துவது உள்ளிட்ட பல்வேறு அம்சங்களின் அடிப்படையில், 'பசுமை சான்றிதழ்' வழங்கப்படுகிறது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X