பா.ஜ.,வில் இணைந்தார் ஜிதின் பிரசாதா: காங்.,க்கு பின்னடைவு

Updated : ஜூன் 09, 2021 | Added : ஜூன் 09, 2021 | கருத்துகள் (34)
Share
Advertisement
புதுடில்லி: காங்கிரஸ் கட்சியில் இளம் தலைவர்களில் ஒருவரான ஜிதின் பிரசாதா, பா.ஜ.,வில் இணைந்தார். உ.பி., சட்டசபை தேர்தல் நெருங்கும் நிலையில், காங்கிரசுக்கு பின்னடைவாக இது பார்க்கப்படுகிறது.மறைந்த காங்கிரஸ் துணைத் தலைவரும், ராஜிவின், அரசியல் ஆலோசகராக விளங்கியவருமான, மறைந்த, ஜிதேந்திர பிரசாத்தின் மகன் ஜிதின் பிரசாதா (47). உ.பி.,யை சேர்ந்த இவர், காங்கிரசின் இளம் தலைவர்களில்
JitinPrasada,BJP,Bharatiya Janata Party, Congress, காங்கிரஸ்,பா.ஜ

புதுடில்லி: காங்கிரஸ் கட்சியில் இளம் தலைவர்களில் ஒருவரான ஜிதின் பிரசாதா, பா.ஜ.,வில் இணைந்தார். உ.பி., சட்டசபை தேர்தல் நெருங்கும் நிலையில், காங்கிரசுக்கு பின்னடைவாக இது பார்க்கப்படுகிறது.

மறைந்த காங்கிரஸ் துணைத் தலைவரும், ராஜிவின், அரசியல் ஆலோசகராக விளங்கியவருமான, மறைந்த, ஜிதேந்திர பிரசாத்தின் மகன் ஜிதின் பிரசாதா (47). உ.பி.,யை சேர்ந்த இவர், காங்கிரசின் இளம் தலைவர்களில் ஒருவராக திகழ்ந்தார். ஒரு காலத்தில் அக்கட்சி முன்னாள் தலைவர் ராகுலுக்கு நெருங்கியவராகவும் இருந்தார். செயற்குழுவின் சிறப்பு அழைப்பாளராகவும் இருந்தார்.


latest tamil news



கட்சிக்கு முழு நேர தலைவர் தேவை என சோனியாவுக்கு கடிதம் எழுதிய தலைவர்களில். இவரும் ஒருவர். இதனையடுத்து, அவர் மீது நடவடிக்கை எடுக்க வேண்டும் என உ.பி.,யின் லக்மிபுரி கெரி மாவட்ட நிர்வாகிகள் தீர்மானம் நிறைவேற்றி இருந்தார்.

கடந்த 2019ம் ஆண்டு ஜிதின் பிரசாதா பா.ஜ.,வில் இணைய போவதாக தகவல் வெளியானது. ஆனால், அதனை அவர் திட்டவட்டமாக மறுத்தார். தொடர்ந்து, சமீபத்தில் நடந்து முடிந்த மேற்கு வங்க சட்டசபை தேர்தலில் காங்கிரஸ் கட்சி பொறுப்பாளராக நியமிக்கப்பட்டிருந்தார்.


latest tamil news



இந்நிலையில், ஜிதின் பிரசாதா இன்று மதியம் மத்திய உள்துறை அமைச்சர் அமித்ஷா மற்றும் மத்திய ரயில்வே அமைச்சர் பியூஷ் கோயலை சந்தித்து பேசினார்.

தொடர்ந்து, பா.ஜ., அலுவலகத்தில் நடந்த நிகழ்ச்சியில், பியூஷ் கோயல் முன்னிலையில், ஜிதின் பிரசாதா பா.ஜ.,வில் இணைந்தார். அவருக்கு பியுஷ் கோயல், சால்வை அணிவித்து கவுரவித்ததுடன், உறுப்பினர் அட்டையையுடன், பூங்கொத்து கொடுத்தும் வரவேற்றார்.


latest tamil news


பா.ஜ.,வில் இணைந்த பிறகு ஜிதின் பிரசாதா கூறியதாவது: காங்கிரசுடன் எனக்கு மூன்று தலைமுறை தொடர்பு உள்ளது. பல்வேறு ஆலோசனைக்கு பிறகே இந்த முடிவுக்கு வந்துள்ளேன். காங்கிரசில் பணியாற்றும் போது, மக்களுக்காக உழைக்க முடியவில்லை. ஒரே குடும்பத்தினரால் இயக்கப்படும் கட்சியாக பா.ஜ., இல்லை. அமைப்பு ரீதியாக செயல்படும் ஒரே கட்சியாக பா.ஜ., உள்ளது. புதிய இந்தியாவை பிரதமர் மோடி கட்டமைத்து வருகிறார். நாட்டிற்காக ஓய்வில்லாமல் உழைத்து வருகிறார். தேசிய கட்சியாக பா.ஜ., மட்டுமே உள்ளது. இவ்வாறு அவர் கூறினார்.

Advertisement




வாசகர் கருத்து (34)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தமிழவேல் - முகப்பேர் மேற்கு ,இந்தியா
09-ஜூன்-202123:37:22 IST Report Abuse
தமிழவேல் இப்புடியே போனால் காங்கிரஸோட B டீம் ஆகிடுமா..
Rate this:
Cancel
jagan - Chennai,இலங்கை
09-ஜூன்-202123:21:18 IST Report Abuse
jagan உ.பியில் பிராமணர் வோட்டு இல்லாமல் எவனும் ஜெயிக்க முடியாது. இவர் பிராமணர் முகம் என்று அறியப்பட்டவர்
Rate this:
Cancel
Tamilnesan - Muscat,ஓமன்
09-ஜூன்-202122:16:13 IST Report Abuse
Tamilnesan நேரு குடும்பத்தின் மற்றும் காங்கிரஸ் கட்சியின் அழிவு இந்தியா முன்னேற்றத்தின் துவக்கம். ஜெய் ஹிந்த்
Rate this:
pradeesh parthasarathy - Mylapore,இந்தியா
10-ஜூன்-202114:05:19 IST Report Abuse
pradeesh parthasarathyஆமா ... அவர்களின் அழிவு இந்தியாவின் பின்னடைவு ... நாற்பது வருடத்தில் GDP முதன்மறையாக மைனஸ் நாற்பதில் .... கோவிட மாரிமயம் .... தேசம் இப்போ வரலாறு காணாத அழிவை சந்திக்கிறது .......
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X