பொது செய்தி

தமிழ்நாடு

கோவை வனப்பகுதி 2600 ஏக்கர் அதிகரிப்பு: சூழலியலாளர்கள், வன உயிரின ஆர்வலர்கள் வரவேற்பு

Added : ஜூன் 11, 2021
Share
Advertisement
கோவை:கோவை கலெக்டரின் அறிவிக்கையால் மாவட்டத்தின் வனப்பகுதி 2600 ஏக்கர் அதிகரித்துள்ளது. 1949ம் ஆண்டு தனியார் வன சட்டப்படி தமிழகத்தில் முதல் முறையாக யானை வலசைப் பாதை தனியார் வனமாக அறிவிக்கப்பட்டுள்ளது.கோவை மாவட்டத்தில் கோவை வனக் கோட்டம் மற்றும் ஆனைமலை புலிகள் காப்பகம் என இரண்டு பிரிவாக வனப்பகுதிகள் அமைந்துள்ளன. வனத்தை ஒட்டியுள்ள தனியார் பட்டா நிலங்கள் மற்றும்

கோவை:கோவை கலெக்டரின் அறிவிக்கையால் மாவட்டத்தின் வனப்பகுதி 2600 ஏக்கர் அதிகரித்துள்ளது.

1949ம் ஆண்டு தனியார் வன சட்டப்படி தமிழகத்தில் முதல் முறையாக யானை வலசைப் பாதை தனியார் வனமாக அறிவிக்கப்பட்டுள்ளது.கோவை மாவட்டத்தில் கோவை வனக் கோட்டம் மற்றும் ஆனைமலை புலிகள் காப்பகம் என இரண்டு பிரிவாக வனப்பகுதிகள் அமைந்துள்ளன. வனத்தை ஒட்டியுள்ள தனியார் பட்டா நிலங்கள் மற்றும் தோட்டங்களில் நடக்கும் வளர்ச்சி பணிகளால் யானை உள்ளிட்ட வன உயிர்களின் வாழ்விடம் சுருங்கி உணவுக்கும் நீருக்கும் அலைக்கழிக்கப்படும் நிலை உள்ளது.

இதனால் யானை - மனித மோதல் அதிகரித்து இரண்டு தரப்பிலும் உயிரிழப்புகளும் அதிகமாகி வருகின்றன. இதை தடுக்க பல்வேறு கமிட்டிகளை அரசு அமைத்தாலும் நிரந்தர தீர்வு காணப்படவில்லை. யானைகளின் வலசைப்பாதைகளில் உள்ள தனியார் நிலங்களை கையகப்படுத்த வேண்டும் அல்லது வன நிலமாக அறிவிக்க வேண்டுமென்ற கோரிக்கை நீண்ட காலமாக எழுப்பப்பட்டு வருகிறது.


30 நாளில் அறிவிக்கை

கோவையில் வருவாய் துறை மற்றும் வனத்துறைக்கு சொந்தமான நிலங்கள் வன நிலமாக அறிவிக்கப்படாததால் அங்கு வனம் மற்றும் வன உயிரின பாதுகாப்பு பணிகளை மேற்கொள்வதில் வனத்துறைக்கு பல்வேறு தடைகள் உள்ளன. இதன் காரணமாக கோவையில் வனத்தை ஒட்டியுள்ள இத்தகைய நிலங்களை வன நிலமாக அறிவிக்க வேண்டுமென்று 2016 - 2017ம் ஆண்டிலேயே அரசுக்கு கருத்துரு அனுப்பப்பட்டது.அதற்கு எந்த நடவடிக்கையும் எடுக்கப்படவில்லை.

இந்நிலையில் கடந்த மாதத்தில் மீண்டும் இந்த கருத்துரு அனுப்பி வைக்கப்பட்டது. அதை ஆய்வு செய்த கலெக்டர் நாகராஜன் வருவாய் துறை மற்றும் வனத்துறைக்கு சொந்தமான 1049 ஹெக்டேர் (2593 ஏக்கர்) நிலங்களை தமிழ்நாடு வனச் சட்டம் - 1882 பிரிவு 26ன் கீழ் வன நிலங்களாக அறிவித்து முப்பதே நாட்களில் அறிவிக்கை வெளியிட்டுள்ளார்.


தனியார் வனம்

தமிழகத்தின் மிக முக்கியமான கல்லார் - ஜக்கனாரை யானை வலசைப்பாதையை பாதுகாக்கும் விதத்தில் வனத்துக்கு நடுவே அமைந்துள்ள 50.79 ஹெக்டேர் (125 ஏக்கர்) தனியார் நிலங்களை தமிழ்நாடு தனியார் வன நிலங்கள் பாதுகாப்பு சட்டம் - 1949ன் கீழ் தனியார் வனமாகவும் அறிவித்துள்ளார். இந்த சட்டத்தில் தமிழகத்திலேயே முதல் முதலாக கல்லார் வலசைப்பாதை தான் தனியார் வனமாக அறிவிக்கப்பட்டுள்ளதாக கோவை டி.எப்.ஓ. வெங்கடேசன் மகிழ்ச்சி தெரிவித்தார்.

மேட்டுப்பாளையம் தாலுகாவில் ஆறு இடங்களும் பொள்ளாச்சி தாலுகாவில் இரண்டு இடங்களும் ஆனைமலை தாலுகாவில் ஒரு இடமுமாக மொத்தம் ஒன்பது இடங்கள் வன நிலமாக அறிவிக்கப்பட்டுள்ளன. இதன் காரணமாக கோவையின் வனப்பகுதி ஒரு லட்சத்து 22 ஆயிரத்து 215 ஹெக்டர் (301871 ஏக்கர்) பரப்பில் இருந்து ஒரு லட்சத்து 23 ஆயிரத்து 264 ஹெக்டர் (304464 ஏக்கர்) பரப்பளவுக்கு உயர்ந்துள்ளது.

தனியார் நிலம் தனியார் வனமாக அறிவிக்கப்பட்டுள்ளதால் அவற்றை வனத்துறையின் அனுமதியின்றி விற்க முடியாது; அங்கு வளர்ச்சி பணிகளை மேற்கொள்ளவும் முடியாது. யானை - மனித மோதலை தடுக்கவும் கோவையின் வனப்பரப்பை அதிகரிக்கவும் இந்த நடவடிக்கை பெரிதும் உதவும் என்பதால் சூழலியலாளர்கள் மற்றும் வன உயிரின ஆர்வலர்கள் பெரிதும் வரவேற்றுள்ளனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X