பொது செய்தி

தமிழ்நாடு

தமிழகத்தில் 5 நாட்களுக்கு வறண்ட வானிலை

Updated : ஜூன் 12, 2021 | Added : ஜூன் 12, 2021 | கருத்துகள் (1)
Share
Advertisement
சென்னை: சென்னை வானிலை மைய இயக்குநர் புவியரசன் வெளியிட்ட அறிக்கை: வடக்கு வங்கக்கடல் அதனை ஒட்டிய ஒடிசா மற்றும் மேற்கு வங்க கடற்கரை ஒட்டி உருவாகி உள்ள காற்றழுத்த தாழ்வு பகுதி அதே பகுதியில் நீடிக்கிறது. அடுத்த 48 மணி நேரத்தில் ஆழ்ந்த காற்றழுத்த தாழ்வு பகுதியாக வலுப்பெற கூடும்.இதனால், தமிழகத்தில் அடுத்த 5 நாட்களுக்கு(ஜூன் 12 முதல் 16) வரை பெரும்பாலான மாவட்டங்களில் வறண்ட
TN,Tamilnadu,Weather,தமிழகம்,தமிழ்நாடு,வானிலை

சென்னை: சென்னை வானிலை மைய இயக்குநர் புவியரசன் வெளியிட்ட அறிக்கை: வடக்கு வங்கக்கடல் அதனை ஒட்டிய ஒடிசா மற்றும் மேற்கு வங்க கடற்கரை ஒட்டி உருவாகி உள்ள காற்றழுத்த தாழ்வு பகுதி அதே பகுதியில் நீடிக்கிறது. அடுத்த 48 மணி நேரத்தில் ஆழ்ந்த காற்றழுத்த தாழ்வு பகுதியாக வலுப்பெற கூடும்.

இதனால், தமிழகத்தில் அடுத்த 5 நாட்களுக்கு(ஜூன் 12 முதல் 16) வரை பெரும்பாலான மாவட்டங்களில் வறண்ட வானிலையும், மேற்கு தொடர்ச்சி மலை ஒட்டிய ஓரிரு மாவட்டங்கள் மற்றும் கன்னியாகுமரி மாவட்டத்தில் ஓரிரு இடங்களில் லேசானது முதல் மிதமான மழையும், ஓரிரு உள் மாவட்டங்களில் ஓரிரு இடங்களில் லேசான மழையும் பெய்யக்கூடும்.

சென்னையை பொறுத்தவரை, அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 36 மற்றும் குறைந்தபட்ச வெப்பநிலை 28 டிகிரி செல்சியதை ஒட்டி இருக்கும். அடுத்த 24 மணி நேரத்திற்கு(ஜூன் 13) வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 37 மற்றும் குறைந்தபட்ச வெப்பநிலை 28 டிகிரி செல்சியசை ஒட்டி இருக்கும்.


latest tamil news




கடந்த 24 மணி நேரத்தில், அதிகபட்சமாக, கோவை மாவட்டம் சோலையாறில் 2 செ.மீ., கோவை மாவட்டம் சின்னக்கல்லார், வால்பாறை, வால்பாறை வட்டாட்சியர் அலுவலகம், நீலகிரி மாவட்டம் தேவலா, அவலாஞ்சி ஆகிய இடங்களில் தலா 1 செ.மீ., மழை பதிவாகி உள்ளது.


மீனவர்களுக்கான எச்சரிக்கை




வங்கக்கடல் பகுதிகள்




ஜூன் 12 முதல் 14 வரை



வடக்கு மற்றும் மத்திய வங்கக்கடல் பகுதிகளில் பலத்த காற்று மணிக்கு 45 முதல் 55 கி.மீ., அவ்வபோது 65 கி.மீ., வேகத்தில் வீசக்கூடும்.


latest tamil news




ஜூன் 12 முதல் 15 வரை



தெற்கு வங்கக்கடல், மன்னார் வளைகுடா பகுதிகளில் பலத்த காற்று மணிக்கு 45 முதல் 55 கி.மீ., வேகத்தில் வீசக்கூடும்.


அரபிக்கடல் பகுதிகள்




ஜூன் 12 முதல் 16 வரை



கேரளா, கர்நாடக கடலோர பகுதிகள் மற்றும் லட்சத்தீவு பகுதிகளில் பலத்த காற்று மணிக்கு 45 முதல் 55 கி.மீ., வேகத்திலும் அவ்வபோது 65 கி.மீ., வேகத்திலும் வீசலாம். .


ஜூன் 12 முதல் 16 வரை



அரபிக்கடல் பகுதிகளில் பலத்த காற்று மணிக்கு 40 முதல் 50 கி.மீ., அவ்வப்போது 60 கி.மீ., வேகத்திலும் வீசும்.

மீனவர்கள் மேற்குறிப்பிட்ட தேதிகளில் இப்பகுதிகளுக்கு செல்ல வேண்டாம் என அறிவுறுத்தப்படுகிறார்கள். இவ்வாறு அந்த அறிக்கையில் புவியரசன் கூறி உள்ளார்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
sankaseshan - mumbai,இந்தியா
12-ஜூன்-202116:38:20 IST Report Abuse
sankaseshan மேட்டூரனை பாசனத்துக்கு திறந்தாச்சா இன்று ஜூன் 12 .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X