புதுடில்லி: நாடு முழுவதும் கோவிட் தொற்றால் பாதிக்கப்படுவோர் எண்ணிக்கை தொடர்ந்து குறைந்து வருகிறது. அந்த வகையில், தொடர்ந்து 6வது நாளாக தினசரி பாதிப்பு ஒரு லட்சத்திற்கும் கீழ் குறைந்தது. இதுவரை 95.26 சதவீதம் பேர் கோவிட் தொற்று பாதிப்பில் இருந்து நலமடைந்துள்ளனர்.

இந்தியாவில் கடந்த 24 மணிநேரத்தில் 80,834 பேர் மட்டுமே கோவிட் தொற்றால் பாதிக்கப்பட்டுள்ளனர். இதனால், பாதிக்கப்பட்டவர்களின் எண்ணிக்கையும் 2 கோடியே 94 லட்சத்து 39 ஆயிரமாக பதிவானது. ஒரே நாளில் 1,32,062 பேர் கோவிட் பாதிப்பில் இருந்து மீண்டுள்ளனர். இதனால் நலமடைந்தோரின் எண்ணிக்கை 2 கோடியே 80 லட்சத்து 43 ஆயிரத்தை தாண்டியது. தற்போது 10.26 லட்சம் பேர் சிகிச்சை பெற்று வருகின்றனர். இதுவரை 3,70,384 பேர் உயிரிழந்துள்ளனர்.

இதன்மூலம் தற்போது கோவிட் பாதிப்பில் இருந்து மீண்டவர்கள் விகிதம் 95.26 சதவீதமாகவும், உயிரிழந்தவர்கள் விகிதம் 1.26 ஆகவும் உள்ளது. மேலும், தற்போது 3.48 சதவீதம் பேர் சிகிச்சையில் உள்ளனர்.

தடுப்பூசி

சோதனைகள்

இந்தியாவில் நேற்று (ஜூன் 12) ஒரே நாளில் 19,00,312 மாதிரிகள் பரிசோதனைக்கு எடுத்துக்கொள்ளப்பட்டதாக ஐ.சி.எம்.ஆர் தெரிவித்துள்ளது. இதுவரை இந்தியாவில் 37 கோடியே 81 லட்சத்து 32 ஆயிரம் மாதிரிகள் சோதனை செய்யப்பட்டுள்ளன.

உலக பாதிப்பு

இன்று (ஜூன் 13-ம் தேதி) காலை 10:20 மணி நிலவரப்படி உலகில் கோவிட் தொற்றால் 17 கோடியே 64 லட்சத்து 19 ஆயிரத்து 545 பேர் பாதிக்கப்பட்டுள்ளனர். 38 லட்சத்து 10 ஆயிரத்து 777 பேர் பலியாகினர். 16 கோடியே 03 லட்சத்து 90 ஆயிரத்து 271 பேர் மீண்டனர்.