அரசியல் செய்தி

தமிழ்நாடு

10ம் வகுப்பு சான்றிதழில் மதிப்பெண் இருக்காது: கல்வி அமைச்சர்

Updated : ஜூன் 14, 2021 | Added : ஜூன் 14, 2021 | கருத்துகள் (64)
Share
Advertisement
சென்னை: 10ம் வகுப்பு மதிப்பெண் சான்றிதழில் 'அனைவரும் தேர்ச்சி' என்று இருக்கும், மதிப்பெண்கள் இருக்காது என்பதே எங்கள் முதல்கட்ட பேச்சுவார்த்தையில் உள்ளது என தமிழக கல்வித்துறை அமைச்சர் அன்பில் மகேஷ் பொய்யாமொழி தெரிவித்துள்ளார்.இது தொடர்பாக செய்தியாளர்களிடம் அவர் கூறியதாவது: தமிழகத்தில் தளர்வுகள் அறிவிக்கப்பட்டுள்ளதால் 11-ம் வகுப்பு மாணவர் சேர்க்கை தொடங்கி
AnbilMahesh, Class10, Marksheet, AllPass, அன்பில் மகேஷ், 10ம் வகுப்பு, மதிப்பெண் சான்றிதழ்

சென்னை: 10ம் வகுப்பு மதிப்பெண் சான்றிதழில் 'அனைவரும் தேர்ச்சி' என்று இருக்கும், மதிப்பெண்கள் இருக்காது என்பதே எங்கள் முதல்கட்ட பேச்சுவார்த்தையில் உள்ளது என தமிழக கல்வித்துறை அமைச்சர் அன்பில் மகேஷ் பொய்யாமொழி தெரிவித்துள்ளார்.

இது தொடர்பாக செய்தியாளர்களிடம் அவர் கூறியதாவது:
தமிழகத்தில் தளர்வுகள் அறிவிக்கப்பட்டுள்ளதால் 11-ம் வகுப்பு மாணவர் சேர்க்கை தொடங்கி உள்ளது. 9-ம் வகுப்பு மதிப்பெண் அடிப்படையில் மாணவர் சேர்க்கை நடைபெற்று வருகிறது. கோவிட் காலத்தில் மாணவர் சேர்க்கை நடைபெறுவதால் விதிமுறைகளை மாணவர்கள் கண்டிப்பாக கடைப்பிடிக்க வேண்டும். தளர்வில்லாத 11 மாவட்டங்களில் இப்போதைக்கு மாணவர் சேர்க்கை இல்லை. தற்போதைய நிலையில் மாணவர்களை பள்ளிக்கு வரவழைத்து பாடம் நடத்தும் நிலை குறித்து யோசிக்கவில்லை. கல்வி தொலைக்காட்சி, வாட்ஸ் ஆப் வழியாக மாணவர்களுக்கு பாடம் நடத்தப்பட்டு வரும் முறை தொடரும்.


latest tamil news



ஒரு வாரத்தில் மாணவர்களுக்கு பாடப்புத்தகங்கள் வழங்க நடவடிக்கை எடுக்கப்படும். 10-ம் வகுப்பு மதிப்பெண் சான்றிதழில் 'அனைவரும் தேர்ச்சி' என்று இருக்கும், மதிப்பெண்கள் இருக்காது என்பதே எங்கள் முதல்கட்ட பேச்சுவார்த்தையில் உள்ளது. தனியார் பள்ளிகள் 75% மட்டுமே கல்வி கட்டணம் வசூலிக்க வேண்டும். அந்த 75 சதவீத கட்டணத்தை 30 சதவீதம், 45 சதவீதம் என இரு தவணைகளாக வசூலிக்க வேண்டும் என்று அறிவுறுத்தப்பட்டுள்ளது. அதற்குமேல் ஏதேனும் தனியார் பள்ளிகள் கட்டணம் வசூலித்தால் எங்களுக்கு தகவல் தெரிவிக்கும்பட்சத்தில் நடவடிக்கை எடுப்போம். இவ்வாறு அவர் கூறினார்.

Advertisement




வாசகர் கருத்து (64)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
K.Ramesh - goa,இந்தியா
15-ஜூன்-202107:48:25 IST Report Abuse
K.Ramesh கல்வி என்பது எப்போது தன்னலமில்லாமல் சமுதாய வளர்ச்சி முன்னேற்றத்திற்கு பயன்பட வில்லையோ அப்போதே அழிவு தொடங்கிவிட்டது. இப்போதுள்ள சூழ்நிலைக்கு என்ன படித்தாலும் வேலை கிடைக்க போவதில்லை. இப்போதுள்ள அமைச்சர் வெறும் அறிக்கை மட்டுமே விட முடியும். அதற்கு மேல் ஒன்றும் செய்ய முடியாது. மக்களுக்கே சமுதாய சிந்தனை அக்கரைவேண்டும். லட்சம் பேரில் ஒரு 1000 நபர்களுக்காவது சுய நலமில்லாமல் சமுதாய சிந்தனை உண்டா என்றால் கிடையாது. அவன் அவனுக்கு அவன் ஜாதி முக்கியம் மதம் முக்கியம். ஒட்டு வங்கி அரசியல். கடந்த50 வருடங்களில் தமிழ்நாட்டில் ஒரு நல்ல சுய நலமில்லா அரசியல் தலைவரை சித்தாந்தமைதமிழக மக்கள் உருவாக்கி இரூக்கிறாற்களா? சித்தாந்தம் ஆரிய மாற்று நீதிகட்சி& திராவிடம். திராவிடம் அரசியலில் அஸ்தமனமாகி திராவிட முன்னேற்றம் பின்னர் திரிந்துஅண்ணாதிராவிடமுன்னேற்றம் கட்சிகள் பல தலைவர்கள் வந்தார்கள் போனார்கள். தமிழர்களும் கட் அவுட் வைத்து அவர்களை கொண்டாடி அவர்களால் ஆளப்பட்டு நல்ல பொழுதை யெல்லாம் நமது தமிழகத்தை முன்னேற்ற சிந்தனை செய்யாமல் நமது சமுதாய இளைஞர்களை டாஸ்மாக்மயக்கத்தில் வைத்துவிட்டோம். மனிதனை மிருகங்களிடம் இருந்து வேரு படுத்துவது 6வது அறிவு. அந்த6வது அறிவை செம்மை படுத்துவது கல்வி. எத்தனை எத்தனை இன் ஜினியரிங் கல்லூரிமெடிக்கல் சட்டம் கலைக்கல்லுரிகள். இத்தனை கல்லுாரிகள் இருந்துபடித்துவெளியேறும் லட்சகணக்கான பட்டதாரிகள். இவை எல்லாம் சேர்ந்து ஒரு பெரிய அரிவார்ந்த சமுதாயம் உருவாகி இருக்கவேண்டுமே. இல்லையே. நாம் எங்கே கோட்டைவிட்டோம். பெரிய அறிவு கடலாக மக்களுக்கு வழிகாட்ட பல்துறை வல்லுனர்கள் உருவாகி நாட்டின் வளர்ச்சியை 1000மடங்காக உயர்த்தி இருக்க வேண்டும். நாட்டின் வளங்களை அனைத்து மக்களும் சமமாக அனுபவித்து சுற்று சுழலை காத்து ரட்சித்து நல்ல முறையில் வாழ்ந்து உலகிற்கு தமிழ்நாடு ஒரு வழிகாட்டியாக முன்னேறி இருக்கவேண்டும். இதுவரை இவ்வாறு நடக்கவில்லை. இனியாவது மாற்றம் வேண்டும் என்றால் மக்கள் நல்ல தலைவனை உருவாக்க வேண்டும். சமுதாயத்தில் படித்தவர்கள் தாம் மாற்றம் கொண்டு வர வேண்டும்.‌அரசுக்கு அறிவுரை கூற நல்ல ஆலோசனை குழு வேண்டும். அதன் வழிகாட்டுதல்படி வளர்ச்சி யை முன்னெடுத்து ஊழலை தடுத்து அனைத்து துறை களையும் சீர்திருத்தி நாடுவளங்களை திறம்பட நிர்வகிவத்துநல்லாட்சி நடைபெற்றால் தான் நாடு முன்னேறும். நன்றி.
Rate this:
Cancel
ravi - chennai,இந்தியா
15-ஜூன்-202107:29:53 IST Report Abuse
ravi இந்த முட்டாள்களுக்கு லேப்டாப் கொடுத்தது மறந்துவிட்டது. மாணவர்கள் வீட்டிலிருந்தே பரீட்சை எழுதலாம். எழுத முடியாதவர்கள் மட்டும் பள்ளிக்கு வந்து எழுதட்டும். எதற்கு இந்த பரீட்சை இல்லை என்ற தகிடுதத்தம்.
Rate this:
Cancel
ravi - chennai,இந்தியா
15-ஜூன்-202107:28:24 IST Report Abuse
ravi ஒரு நல்ல ஐடியா. மாணவர்கள் பள்ளிக்கு வராமலேயே எட்டு வயதானவுடன் மூன்றாம் வகுப்பு, பத்துவயாதானவுடன் ஐந்தாம் வகுப்பு, பதினைந்து வயதானவுடன் பத்தாம் வகுப்பு பதினேழு வயதானவுடன் பன்னிரண்டாம் வகுப்பு பாஸ் செய்ததாக சான்றிதழ் அரசு தரலாம். ஆசிரியர்களை வேறு வேலைக்கு உடலை வளைத்து வேலை செய்ய அனுப்பலாம். எதற்கு பள்ளிக்கூடங்கள். அவைகளை டாஸ்மாக் நிறுவனங்களாக மாற்றலாம். அப்படியே தமிழ்நாட்டை குட்டிச்சுவராக்கி ரௌடிகளின் ராஜ்யமாக மாற்றலாம். நல்லா இருக்கு உங்கள் அராஜகம்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X