பிரேசிலில் 5 லட்சத்தை கடந்த கோவிட் இறப்புகள்: அதிபருக்கு எதிராக போராட்டம்

Updated : ஜூன் 20, 2021 | Added : ஜூன் 20, 2021 | கருத்துகள் (9)
Share
Advertisement
ரியோ டி ஜெனிரோ: பிரேசிலில் சனிக்கிழமையன்று கோவிட் தொற்றுநோயால் இறந்தவர்கள் எண்ணிக்கை 5 லட்சத்தை கடந்ததால், அதிபர் ஜெய்ர் போல்சனரோவின் தொற்று நடவடிக்கைக்கு எதிர்ப்பு தெரிவித்து ஆயிரக்கணக்கான மக்கள் நாடு முழுவதும் போராட்டங்களில் இறங்கியுள்ளனர்.அமெரிக்காவுக்கு அடுத்தப்படியாக பிரேசில் கோவிட் தொற்றுநோய் மரணங்களில் இரண்டாம் இடத்தில் உள்ளது. இதனால் அந்நாட்டு அரசு
brazil protestலm பிரேசில், கோவிட் இறப்புகள், அதிபர், போராட்டம்

ரியோ டி ஜெனிரோ: பிரேசிலில் சனிக்கிழமையன்று கோவிட் தொற்றுநோயால் இறந்தவர்கள் எண்ணிக்கை 5 லட்சத்தை கடந்ததால், அதிபர் ஜெய்ர் போல்சனரோவின் தொற்று நடவடிக்கைக்கு எதிர்ப்பு தெரிவித்து ஆயிரக்கணக்கான மக்கள் நாடு முழுவதும் போராட்டங்களில் இறங்கியுள்ளனர்.

அமெரிக்காவுக்கு அடுத்தப்படியாக பிரேசில் கோவிட் தொற்றுநோய் மரணங்களில் இரண்டாம் இடத்தில் உள்ளது. இதனால் அந்நாட்டு அரசு கடுமையான விமர்சனங்களை எதிர்கொள்கிறது. தடுப்பூசிகளை வாங்குவதற்கான ஆரம்ப வாய்ப்புகளை அதிபர் ஜெய்ர் போல்சனரோ பயன்படுத்தவில்லை என குற்றம்சாட்டுகின்றனர். கடந்த ஆண்டு ஆகஸ்ட் முதல் நவம்பர் வரை பைசர் நிறுவனம் தடுப்பூசிகளை விற்பதற்கு அரசை அணுகியதாகவும், ஆனால் எந்த பதிலும் கிடைக்கவில்லை என தெரிவித்தது சர்ச்சைக்கு வித்திட்டது.


latest tamil news




இந்நிலையில் 5 லட்சம் கோவிட் மரணங்கள் என்பது மக்கள் மீது அரசாங்கம் நடத்திய இனப்படுகொலையின் ஒரு வடிவம் என கூறி போராட்டம் செய்கின்றனர். நாட்டின் தலைநகர் பிரேசிலியா உட்பட 26 மாநிலங்களிலும் போராட்டங்கள் நடக்கின்றன. அதிபர் போல்சனரோவை பதவி நீக்கக்கோரி டிரம்ஸ்களை இசைத்து, கோஷங்கள் எழுப்பினர். முன்னதாக மே 29 அன்றும் பிரேசில் முழுவதும் மிகப்பெரிய அளவில் அதிபருக்கு எதிராக போராட்டங்கள் நடந்தது. ஒரு சிறப்பு செனட் குழு போல்சனாரோவின் தொற்று தடுப்பு நடவடிக்கை குறித்து ஆராய்ந்து வருகிறது. தடுப்பூசிகளை காட்டிலும், நிரூபிக்கப்படாத சிகிச்சைகளுக்கு தான் அவரது நிர்வாகம் முக்கியத்துவம் அளித்ததாக அக்குழு கூறியுள்ளது.


latest tamil news




சுமார் 21 கோடி மக்கள் தொகை கொண்ட பிரேசிலில் இதுவரை சுமார் 2 கோடி மக்கள் மட்டுமே முழு தடுப்பூசி அளவை பெற்றுள்ளனர். 29% பேர் முதல் தடுப்பூசி அளவை மட்டும் பெற்றுள்ளனர். தடுப்பூசி போடும் பணிகளை அரசு வேகப்படுத்த தவறிவிட்டதாக குற்றம்சாட்டுகின்றனர். இது போன்ற பிரச்னைகளால் அந்நாட்டு அதிபரின் செல்வாக்கு கடும் சரிவை சந்தித்துள்ளது.


latest tamil news



கடந்த மாதம் ஒரு கருத்துக் கணிப்பில் 24% பிரேசிலியர்கள் மட்டுமே அவரது நிர்வாகம் சிறந்தது என கூறினர். அதே கருத்துக் கணிப்பில், இடதுசாரி தலைவரும், முன்னாள் அதிபருமான லூயிஸ் இனாசியோ லூலா டா சில்வா இன்று தேர்தல் வைத்தாலும் வெற்றி பெறுவார் என தெரிவித்துள்ளனர்.

Advertisement




வாசகர் கருத்து (9)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nellai tamilan - Tirunelveli,இந்தியா
21-ஜூன்-202111:06:54 IST Report Abuse
Nellai tamilan இங்கு என்ன ... விழுந்தாலும் முதல்வருக்கு 'அடுத்த சிக்ஸர்' என்று முட்டு கொடுக்கும் ஓநாய் கூட்டங்கள் மட்டுமே முக பணியாளர்களாக இருக்கிறது.
Rate this:
Cancel
duruvasar - indraprastham,இந்தியா
21-ஜூன்-202109:01:29 IST Report Abuse
duruvasar தமிழக ஊராட்சியில் ரொம்ப வாழுதோ. தமிழக ஊராட்சி ஊடகங்களை கேளுங்கள் மாசு இல்லாத தூசு என எதுகை மோனையோடு கிழியும்.
Rate this:
Cancel
Raja - Thoothukudi,இந்தியா
20-ஜூன்-202119:04:16 IST Report Abuse
Raja இங்க எத்தனை லட்சம் காலியானாலும் முட்டுகொடுக்க மீடியாக்களும் உபிக்களும் இருக்காங்க.இந்தியாலயே தமிழ்நாடுதான் டாப்னு செய்தி வந்தது. சுடுகாட்டுல கியு . அப்போ இங்க எந்த அளவு பாதிப்பு அதிகம் இருந்திருக்கும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X