100 கோடி தடுப்பூசி செலுத்தி சீனா சாதனை: பயனடைந்தோர் எண்ணிக்கையில் தொடரும் மர்மம்

Updated : ஜூன் 21, 2021 | Added : ஜூன் 21, 2021 | கருத்துகள் (11)
Share
Advertisement
பீஜிங்: சீனாவில் இதுவரை பொதுமக்களுக்கு 100 கோடி தடுப்பூசிகள் செலுத்தப்பட்டு உள்ளதாக அந்நாட்டு தேசிய சுகாதார ஆணையம் தெரிவித்துள்ளது.உலகில் முதன் முதலாக சீனாவில் கடந்த 2019ம் ஆண்டின் இறுதியில் கோவிட் வைரஸ் பெருந்தொற்று கண்டறியப்பட்டது. தற்போது அமெரிக்கா, இந்தியா உள்ளிட்ட நாடுகள் இந்த வைரசுடன் போராடிக் கொண்டிருக்க, சீனா இந்த வைரசைக் கட்டுக்குள் கொண்டுவந்ததாக

பீஜிங்: சீனாவில் இதுவரை பொதுமக்களுக்கு 100 கோடி தடுப்பூசிகள் செலுத்தப்பட்டு உள்ளதாக அந்நாட்டு தேசிய சுகாதார ஆணையம் தெரிவித்துள்ளது.

உலகில் முதன் முதலாக சீனாவில் கடந்த 2019ம் ஆண்டின் இறுதியில் கோவிட் வைரஸ் பெருந்தொற்று கண்டறியப்பட்டது. தற்போது அமெரிக்கா, இந்தியா உள்ளிட்ட நாடுகள் இந்த வைரசுடன் போராடிக் கொண்டிருக்க, சீனா இந்த வைரசைக் கட்டுக்குள் கொண்டுவந்ததாக அறிவித்துள்ளது. சீன சுகாதார ஆணையத்தின் துணைத் தலைவர் செங்க் இக்சின் தெரிவித்து உள்ளதாவது:



latest tamil news



சீனாவில் தற்போது கோவிட் தடுப்பூசி போடும் பணிகள் தீவிரமாக நடைபெற்று வருகின்றன. உள்நாட்டு நிறுவனங்களின் தடுப்பூசிகளைத் தவிர வேறு தடுப்பூசிகளுக்கு சீன அரசு அனுமதி வழங்கவில்லை. அந்த வகையில் சீனாவில் நான்கு தடுப்பூசிகளுக்கு இதுவரை அனுமதி வழங்கப்பட்டுள்ளது. மேலும் மூன்று தடுப்பூசிகள் அவசர கால அடிப்படையில் பயன்படுத்தப்பட்டு வருகின்றன.

சீனாவில் இதுவரை செலுத்தப்பட்ட தடுப்பூசி டோஸ்களின் எண்ணிக்கை நேற்று (ஜூன் 20) 100 கோடி என்ற சாதனையை கடந்துள்ளது. இந்த எண்ணிக்கை, உலகளவில் செலுத்தப்பட்ட அளவுகளில் மூன்றில் ஒரு பங்கு. இதில் 10 கோடி தடுப்பூசிகள் கடந்த 5 நாட்களில் மட்டும் செலுத்தப்பட்டுள்ளது. மேலும், சீனாவில் உள்ள 2 லட்சத்திற்கும் அதிகமான வெளிநாட்டினருக்கு தடுப்பூசி செலுத்தப்பட்டுள்ளது.


latest tamil news



கோவிட் பெருந்தொற்றை சீனா முழுமையாகக் கட்டுக்குள் கொண்டுவந்துவிட்டது. இருந்தும் இந்த ஆண்டின் இறுதிக்குள் நாட்டில் உள்ள மொத்த மக்கள் தொகையான 140 கோடியில், 70 சதவீத மக்களுக்கு முழுமையாக தடுப்பூசி போட இலக்கு நிர்ணயிக்கப்பட்டு உள்ளது.
இவ்வாறு அவர் தெரிவித்துள்ளார்.

உலகின் பிற நாடுகளைப் போல் சீனாவிலும் இரு தவணைகளாக தடுப்பூசிகள் செலுத்தப்படுகின்றன. ஆனால், சீனாவில் இதுவரை 100 கோடி தடுப்பூசிகள் செலுத்தப்பட்டதாக சீன சுகாதார ஆணையம் தெரிவித்தாலும், எத்தனை பேருக்கு இதுவரை முழுமையாக அந்தத் தடுப்பூசிகள் செலுத்தப்பட்டுள்ளன என்ற விவரத்தை சீனா தெரிவிக்கவில்லை என்பது குறிப்பிடத்தக்கது.

Advertisement




வாசகர் கருத்து (11)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
K E MUKUNDARAJAN - Chennai,இந்தியா
22-ஜூன்-202112:39:35 IST Report Abuse
K E MUKUNDARAJAN எல்லாம் புருடா. ஒருவனையும் சரி பார்க்க விட மாட்டான். 100 கோடி என்றால் 50 கோடி பேருக்கு இரு முறை போட்டிருப்பான். அவர்களும் அவர்கள் கணக்கும்.
Rate this:
Cancel
Subramaniyam Veeranathan - Bangalore,இந்தியா
22-ஜூன்-202107:58:17 IST Report Abuse
Subramaniyam Veeranathan அது என்ன சீனாக்காரன் நூறு கோடி பேருக்கு தடுப்பு ஊசி போட்டுருக்கான், இந்தியாவில் வெறும் 3.6% vaccinated against UK's over 45.8% செய்தி வெளியிடுவது. ஏன் இந்தியாவில் எத்தனை பேருக்கு என்றும் UK வில் எதனை பேருக்கு தடுப்பு ஊசி போடப்பட்டுள்ளது, எந்த நாட்டில் எதனை பேருக்கு அங்கு இருக்கும் மக்கள் தொகைக்கு எதனை பேருக்கு போடப்பட்டுஉள்ளது என்று விவரமாக செய்தி நிறுவனங்கள் வெளியிடுவதில்லை? இவர்கள் யாருக்காக வேலை செய்கிறார்கள்?
Rate this:
Cancel
ravi - chennai,இந்தியா
22-ஜூன்-202107:00:14 IST Report Abuse
ravi திருடர்கள் வைரஸை செய்துவிட்டு தடுப்பூசியை உடனே தயாரித்துவிட்டிருப்பார்கள்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X